ເອັນຣິເກກຽມເດັ້ງ!!ຄູມັນເຕັງໜຶ່ງຄຸມບາຊາ

 

ເດິ ມິນເລີ ສື່ຂອງອັງກິດລະບຸ ບາເຊໂລນາ ໝາຍຫົວ ໂຣເນົາ ຄູມັນ ນາຍໃຫຍ່ຂອງ ເອເວີຕັນ ເປັນໜຶ່ງໃນຄົນທີ່ຈະແຕ່ງຕັ້ງໃຫ້ມາເປັນນາຍໃຫຍ່ຄົນໃໝ່ຂອງທີມ ຫຼັງຈາກທີ່ບໍ່ພໍໃຈກັບຜົນງານຂອງ ຫຼຸຍ ເອັນຣິເກ ແລະ ກຽມແຍກທາງກັບນາຍໃຫຍ່ຄົນສະເປນແລ້ວ.

 

ບາເຊໂລນາ ສະໂມສອນຍັກໃຫຍ່ຂອງເວທີ ລາ ລີກາ ສະເປນ ກຳນົດໃຫ້ ໂຣເນົາ ຄູມັນຜູ້ຈັດການທີມຂອງ ເອເວີຕັນ ທີມດັງຂອງລີກຜູ້ດີເປັນໜຶ່ງໃນເປົ້າໝາຍສຳລັບການແຕ່ງຕັ້ງເຂົ້າມາເປັນເທຣນເນີຄົນໃໝ່ຂອງທີມ ຕາມການລາຍງານຂອງ ເດິ ມິນເລີ ສື່ດັງຂອງອັງກິດ.

 

ເປັນທີ່ເຊື່ອກັນວ່າ ບາຊາ ພ້ອມທີ່ຈະໄລ່ ຫຼຸຍ ເອັນຣິເກ ອອກຈາກຕັ່ງນາຍໃຫຍ່ໃນຊ່ວງຊຳເມີນີ້ ຫຼັງຈາກທີ່ລະດູການນີ້ ບາຊາ ມີຜົນງານທີ່ຕົກຕຳ່ໂດຍສະເພາະເກມຫຼ້າສຸດທີ່ອອກໄປປລາໄຊໃຫ້ກັບ ເປເອັດເຊ 0-4 ໃນເກມ ຢູຟາ ແຊມປຽນລີກ ຮອບ 16 ທີມສຸດທ້າຍເມື່ອວັນອັງຄານທີ່ຜ່ານມາ.

 

ເດິ ມິນເລີ ລາຍງານວ່າບ່ອນຮັບພະນັນຖືກກົດໝາຍບາງເຈົ້າເຖິງຂັ້ນເລືອກໃຫ້ ຄູມັນ ເປັນເຕັງໜຶ່ງທີ່ຈະໄດ້ຮັບງານດັ່ງກ່າວ ຂະນະທີ່ຄົນອື່ນໆທີ່ຖືກເບິ່ງວ່າອາດຈະໄດ້ຄຸມ ບາຊາ ກໍມີ ເມົາຣິຊິໂອ ໂປເຊັດຕິໂນ ນາຍໃຫຍ່ຂອງ ທັອດແນມ ຮັອດສະເປີ, ຮໍເກ ຊາມເປົາລີ ນາຍໃຫຍ່ຂອງ ເຊບີຢາ, ເອີເນສໂຕ ເບົາເບເດ ນາຍໃຫຍ່ຂອງ ແອັດເທີເລຕິກ ບິນບາວ ແລະ ຢູເຊບິໂອ ຊາຄຣິສຕານ ນາຍໃຫຍ່ຂອງ ເຣອັນ ໂຊຊີດາດ ເປັນຕົ້ນ.