ເອຟເອຕັ້ງກະທົງ ແມວດຳ-ບອນມັດ ເຫດວິວາດ

 

ຊັນເດີແລນ ກັບ ບອນມັດ ຖືກຕັ້ງຂໍ້ຫາຈາກການທີ່ນັກເຕະຂອງທັງສອງທີມກ່ອນເຫດວິວາດໃນເກມທີ່ພົບກັນເຊິ່ງພວກເຂົາຍັງມີສິດທີ່ຈະຍື່ນອຸທອນຢູ່.

 

ສະມາຄົມບານເຕະອັງກິດ ຫຼື ເອຟເອ ຕັ້ງຂໍ້ຫາ ຊັນເດີແລນ ກັບ ບອນມັດ ຫຼັງຈາກທີ່ນັກເຕະຂອງພວກເຂົາກໍເຫດວິວາດກັນໃນສະໜາມລະຫວ່າງເກມລີກນັດທີ່ “ແມວດຳ” ປລາໄຊໃຫ້ເກັບ “ເດິ ເຊີຣີ” 0-1 ຄາບ້ານເມື່ອວັນເສົາທີ່ຜ່ານມາ.

 

ໃນເຄິ່ງຫຼັງຂອງເກມດັ່ງກ່າວນັ້ນ ມີຈັງຫວະໜຶ່ງທີ່ ຟາບິໂອ ບໍຣິນີ ກອງໜ້າຂອງເຈົ້າບ້ານເຂົ້າສະກັດ ລູອິສ ຄຸກ ນັກເຕະຂອງທີມຢາມເຊິ່ງມັນກໍເຮັດໃຫ້ນັກເຕະ ບອນມັດ ໂມໂຫຈົນແລ່ນເຂົ້າມາຕໍ່ວ່າ ບໍຣິນີ ແລະ ກໍເຮັດໃຫ້ນັກເຕະເຈົ້າບ້ານຫຼາຍຄົນເຂົ້າມາມີປາກສຽງກັບອີກຝ່າຍເຊັ່ນກັນ.

 

ສຸດທ້າຍແລ້ວກຳມະການ ສະຈວດ ແອັດເວວ ກໍໃຫ້ໃບເຫຼືອງກັບ ບໍຣິນີ ແລະ ແຮຣີ ອາເທີ ມິດຟິວຂອງທີມຢາມ ແຕ່ວ່າຫຼ້າສຸດ ເອຟເອ ກໍຕັດສິນໃຈຕັ້ງຂໍ້ຫາທັງສອງທີມອີກ ໂດຍພວກເຂົາຍັງໂອກາດທີ່ຈະອຸທອນໄດ້ຈົນຮອດວັນສຸກນີ້.

 

“ມີການກ່າວຫາວ່າໃນນາທີ 76 ຂອງການແຂ່ງຂັນນັ້ນທັງ 2 ສະໂມສອນສາມາດຮັບປະກັນໄດ້ວ່ານັກເຕະຂອງພວກເຂົາຈະປະພຶດຕົນໃນຮູບແບບທີ່ເໝາະສົມ ໂດຍພວກເຂົາມີເວລາທີ່ຈະຕອບສະໜອງຕໍ່ຂໍ້ຫານີ້ຈົນຮອດວັນທີ 5 ພຶດສະພາ” ຖະແຫຼງການຂອງ ເອຟເອ ລະບຸ.