ເອຊີຫວັງຢືມກວາດາໂດພ້ອມຕົວເລືອກຊື້ຂາດກັບສິງ

 

ສື່ຕີຂ່າວ ຮວານ ກວາດາໂດ ປີກຂອງ ເຊວຊີ ກາຍເປັນເປົ້າໝາຍເສີມທັບຂອງ ເອຊີ ມິລານ ທີ່ຫວັງຢືມໂຕບວກກັບເງື່ອນໄຂຊື້ຂາດສູງເຖິງ 25 ລ້ານເອີໂຣຖ້າວ່ານັກເຕະເຮັດຜົນງານໄດ້ດີໃນເວທີ ກັນໂຊ ຊີຣີ ອາ.

 

ເອຊີ ມິລານ ສະໂມສອນດັງຂອງ ກັນໂຊ ຊີຣີ ອາ ຕົກເປັນຂ່າວວ່າຕ້ອງການດຶງໂຕ ຮວານ ກວາດາໂດ ປີກໂຕເກັ່ງຂອງ ເຊວຊີ ດ້ວຍຮູບແບບການຢືມໂຕບວກກັບຕົວເລືອກຊື້ຂາດໃນລາຄາ 25 ລ້ານເອີໂຣຊ່ວງເປີດຕະຫຼາດຊຳເມີນີ້.

 

ກອງກາງທີມຊາດໂຄລຳເບຍໄດ້ລົງຫຼິ້ນກັບ ເຊວຊີ ພຽງ 13 ນັດໃນລີກກ່ອນທີ່ລະດູການທີ່ຜ່ານມາຈະຍ້າຍໄປຫຼິ້ນກັບ ຢູເວັນຕຸດ ແບບຢືມໂຕ ແລະ ຍິງໄປ 4 ລູກຈາກ 28 ນັດລວມທຸກລາຍການລວມເຖິງຍິງໄດ້ໃນ ຢູຟາ ແຊມປຽນລີກ ຮອບ 16 ທີມສຸດທ້າຍທີ່ພົບກັບ ບາເຢິນ ມິວນິກ ຫຼ້າສຸດມີລາຍງານວ່າ ມິລານ ຫວັງດຶງໂຕ ກວາດາໂດ ແບບຢືມໂຕພ້ອມກັບຕົວເລືອກຊື້ຂາດປະມານ 25 ລ້ານເອີໂຣຖ້າວ່ານັກເຕະເຮັດຜົນງານໄດ້ດີ.

 

ທັງນີ້ກຸ່ມທຶນຈາກປະເທດຈີນຫາກໍເຂົ້າມາເທັກໂອເວີ ເອຊີ ມິລານ ໄດ້ສຳເລັດ ແລະ ຄາດວ່າພວກເຂົາອາດຈະວຸ່ນກັບການເສີມທັບຢູ່ເພາະຫວັງຈະກັບມາປະສົບຜົນສຳເລັດໃນເກມລີກອີກຄັ້ງ ຫຼັງຈາກທີ່ລະດູການ 2015-2016 ຈົບອັນດັບ 10 ໂດຍນຳຫຼັງ ອິນເຕີ ມິລານ 10 ຄະແນນ ແລະ ມ້າລາຍ ແຊມລີກເຖິງ 34 ແຕ້ມ.