ເຫັດເຟືອງກັບຄຸນຄ່າທີ່ໜ້າທຶ່ງ

ເຫັດເ​ຟືອງ​ນອກ​ຈາກ​ຈະ​ເປັນ​ຍອດ​ແຫ່ງ​ອາຫານ​ເພື່ອ​ສຸຂະພາບ​ແລ້ວ​ ເຈົ້າ​ຮູ້​ຫລື​ບໍ່​​ວ່າ​ເຫັດ​ໜ້າ​ຕາ​ບ້ານ​ໆ​ ແບບ​ນີ້​ຍັງມີ​ແຮ່ທາດ​ທີ່​ຈຳ​ເປັນ​ຕໍ່​ຮ່າງກາຍ​ອີກ​ຫຼາຍ​ຢ່າງ​ອີກ​ທັງ​ມີ​ໄຂ​ມັນ​ຕ່ຳ​ ແຄລໍ​ຮີກໍ່​ນ້ອຍ​ແລະ​ບໍ່​ມີຄໍ​ເລດ​ເຕີ​ລໍ​ອີກ​ດ້ວຍ.​

ສຳລັບ​ຜູ້​ຮັບປະທານ​ແມ່ນແຕ່​ໜ້ອຍ​ດຽວ​ແຮ່ທາດ​ຕົວ​ເອກ​ໆ​ ກໍ​ມີ​ຄົບ​ຖ້ວນ​ ທັງ​ຄາ​ໂບ​ໄຮ​ເດດ,​ ແຄວ​ຊຽມ,​ ຟອດ​ຟໍ​ຮັສ​, ເຫຼັກ,​ ວິ​ຕາ​ມິນ​ບີ​1 ບີ​2 ແລະ​ ຊີ​ ມີ​ຄົບ​ໝົດ​ແຕ່​ຕົວ​ທີ່​ເດັ່ນ​ໆ​ແທ້ໆ​ ຄື​ ຊີ​ລິ​ນຽມ​ກັບ​ໂພ​ແທັກ​ຊຽມ​ ທຳອິດ​ນັ້ນ​ເປັນ​ສານ​ຕ້ານ​ມະ​ເຮັງ​ ສ່ວນ​ຢ່າງ​ຫຼັງ​ນັ້ນ​ຊ່ວຍ​ຫຼຸດຄວາມ​ດັນ​ເລືອດ​ໄດ້​ຢ່າງ​ຍອດ​ຢ້ຽມ​ ນອກ​ຈາກ​ນັ້ນ​ຍັງມີ​ໂປຼຣ​ຕິນ​ສູງ​ແລະ​ກົດ​ອະ​ມິ​ໂນ​ຕ່າງ​ໆ​ ທີ່​ຮ່າງກາຍ​ມະ ນຸດ​ເຮົາ​ທຸກ​ຄົນ​ຕ້ອງ​ການ​ໃນ​ປະລິມານ​ທີ່​ຫລາຍ​ພໍສົມຄວນ.​

ປະໂຫຍດ​ທາງ​ຢາ​ຂອງ​ເຫັດ​ເຟືອງ​ ນອກ​ຈາກ​ຈະ​ມີ​ສານ​ປ້ອງ​ກັນ​ການ​ຈະເລີນ​ເຕີບໂຕ​ຂອງ​ເຊວ​ມະ​ເຮັງ​ຢ່າງ​ທີ່​ບອກ​ໄວ້​ແລ້ວ​ ຍັງ​ຊ່ວຍ​ຕ້ານ​ໄວ​ຮັສ​ແລະ​ແກ້​ໄຂ້​ຫວັດ​ໄດ້​ດ້ວຍ​ ທາງ​ແພດ​ແຜນ​ບູຮານ​ຍັງ​ຈັດ​ໃຫ້ເປັນ​ເພ​ສັດ​ວັດ​ຖຸ​ທີ່​ມີລົດ​ຫວານ​ເຢັນ​ ຊ່ວຍ​ບຳ​ລຸງ​ຮ່າງກາຍ​ ຊ່ວຍ​ຍ່ອຍ​ອາຫານ​ ບຳ​ລຸງ​ເລືອດ​, ບຳ​ລຸງ​ກຳ​ລັງ,​ ບຳ​ລຸງ​ຕັບ,​ ແກ້​ຮ້ອນ​ໃນ,​ ແກ້​ຊ້ຳ​ໃນ,​ ແລະ​ ທີ່​ເດັດ​ໆ​ແທ້ໆ​ ກໍ​ຄື​ ຊ່ວຍ​ຫຼຸດຄໍເລດ​ເຕີ​ລໍໃນ​ເລືອດ​ໄດ້.​

ຂອງ​ດີ​ລາ​ຄາ​ຖືກ​ຫລາຍ​ດ້ວຍ​ປະໂຫຍດ​ແບບ​ນີ້​ໃຜ​ທີ່​ຍັງ​ບໍ່​ມັກ​ເຫັດ​ເຟືອງ​ ຕ້ອງ​ຍອມ​ປ່ຽນ​ໃຈ​ເບິ່ງ​ແລ້ວ.

===================================================================================================