ເຫດຜົນທີ່ບໍ່ຄວນຈັບຜິດຄົນຮັກຫຼາຍເກີນໄປ ຕ້ອງອ່ານ !

 

ຄົນເຮົາເກີດມາລ້ວນແຕ່ມີນິໄສເຫັນແກ່ຕົວລວມເຖິງຄວາມຮັກກໍ່ເຊັ່ນດຽວກັນ ຫຶງຫວງ ແລະ ຢາກໃຫ້ທຸກຢ່າງເປັນໄປຕາມຄວາມຕ້ອງການຂອງຕົວເອງ ເມື່ອຄວາມຫຶງຫວງມີຫຼາຍ ກໍ່ກາຍເປັນຄວາມກະຫາຍ ຊຶ່ງບາງຄົນຈຶ່ງຄິດເຖິງບົດບາດເປັນສາຍລັບ ຕາມຈັບຜິດຄົນຮັກຢູ່ແບບຫ່າງໆ ຈົນຕິດເປັນນິໄສ ແຕ່ສິ່ງທີ່ເຮົາເຮັດຫຼາຍເກີນໄປນັ້ນ ອາດບໍ່ແມ່ນເລື່ອງທີ່ດີສະເໝີໄປ ລອງມາ່ານເບິ່ງບາງເຫດຜົນທີ່ທ່ານບໍ່ຄວນຈັບຜິດຄົນຮັກຂອງຕົວເອງລາຍເກີນໄປ

  1. ຄຸນຄ່າໃນຕົວທ່ານເອງຈະຫຼຸດລົງໄປເລື້ອຍໆ

ເພາະການຈັບຜິດ ເປັນການຕັ້ງຢູ່ເທິງພື້ນຖານຂອງການທຳຮ້າຍຄວາມໄວ້ເນື້ອເຊື່ອໃຈ ຄື ບິ່ງທ່ານມີຄວາມລະແວງຫຼາຍເທົ່າໃດ ໃນສາຍຕາເຂົາທ່ານກໍ່ຍິງມີຄຸນຄ່າຫຼຸດລົງເທົ່ານັ້ນ ຍິ່ງທ່ານຄອຍແຕ່ຖ້າຈັບຜິດເຂົາທຸກເລື່ອງ ວຸ້ນວາຍ ທ່ານກຽມໂຕໄວ້ວ່າ ມື້ໜຶາງທ່ານອາດຈະບໍ່ເຫຼືອຄ່າໃດໆໃຫ້ເຂົາຕ້ອງຮັກສາ

  1. ທ່ານມີຄວາມກັງວົນຫຼາຍເກີນເຫດ

ຖ້າທ່ານບໍ່ເຊື່ອທ່ານລອງເປັນຄົນຈັບຜິດແຟນ ຫຼື ຄູ່ຊີວິດຂອງທ່ານຈັກຄັ້ງໜຶ່ງເບິ່ງ ເຊື່ອບໍ່ວ່າທ່ານຈະເປັນຄົນແບບນີ້ຕະຫຼອດໄປ ແຖມຍັງເປັນໜັກຂື້ນກ່ວາເກົ່າອີກ ການເວົ້າແບບນີ້ກໍ່ເພາະວ່າການມົວເມົານໍາແຕ່ການມານັ່ງຈັບຜິດ ນອກຈາກຈະເຮັດໃຫ່ທ່ານຮູ້ສຶກບໍ່ຄ່ອນສະບາຍໃຈແລ້ວ ຍັງເປັນການສ້າງຄວາມກັງວົນຫຼາຍເກີນເຫດຈໍາເປັນ ກັບການທີ່ທ່ານຕ້ອງມານັ່ງຄິດອຸກໃຈຢູ່ສະເໝີ ຄື ພຽງແຕ່ໄດ້ຍິນສຽງຂໍ້ຄວາມແຊັດ ທີ່ບໍ່ຮູ້ວ່າໃຜສົ່ງມາຫາຄົນຮັກຂອງທ່ານ ທັງໆທີ່ວ່າອາດຈະເປັນການແຊັດມາພຽງແຕ່ເລື່ອງວຽກງານກໍ່ໄດ້

  1. ທ່ານກໍາລັງທໍາລາຍຄວາມໄວວາງໃຈຂອງຄົນທີ່ທ່ານຮັກໂດຍບໍ່ຮູ້ໂຕ

ຄົນເຮົາຈະຄົບກັນໄປເຮັດຫຍັງ ຖ້າບໍ່ມີຄວາມເຊື່ອໃຈໃຫ້ແກ່ອີກຝ່າຍ ຍິ່ງຖ້າທ່ານສະແດງອອກວ່າ ຂ້ອຍກໍາລັງຈັບຕາເບິ່ງເຈົ້າຢູ່ເດີ໊ ຫຼາຍເທົ່າໃດນັ້ນກໍ່ຄື ທ່ານໄດ້ທໍາຮ້າຍຄວາມໄວເນື້ອເຊື່ອຂອງອີກຝ່າຍໄປເທື່ອລະນ້ອຍ ທໍາອິດ ຄົນຮັກຂອງທ່ານອາດເຂົ້າໃຈແຕ່ຖ້າພົບກັນໄປດົນໆແລ້ວ ທ່ານຍັງມີພຶດຕິກໍາ ນີ້ບໍ່ເຊົາ ບອກໄດ້ເລີຍວ່າ ທ່ານອາດເປັນໂສດອີກເທື່ອໜຶ່ງກໍ່ເປັນໄດ້

  1. ບໍ່ມີໃຜມັກຖືກຈັບຜິດຢູ່ຕະຫຼອດເວລາ

ຖ້າທ່ານຈະບອກວ່າ ການທີ່ຂ້ອຍຕ້ອງມານັ່ງຈັບຜິດເຈົ້າ ກໍ່ເພາະເປັນການຕັດໄຟແຕ່ຕົ້າລົມ ເຜື່ອວ່າເຈົ້າຈະບໍ່ໄດ້ມາຫັກຫຼັງຂ້ອຍຕາມຫຼັງ ເຫດຜົນແບບນີ້ ອາດຈະຟັງບໍ່ຂື້ນ ບາງຄັ້ງສິ່ງແບບນີ້ອາດເປັນຂໍ້ອ້າງຂອງຄົນນິໄສບໍ່ດີທີ່ມັກແຕ່ຈະຈັບຜິດຄົນອື່ນ ທ່ານລອງຄິດເບິ່ວເອົາເອງວ່າ ມີໃຜແດ່ ທີ່ຢາກຢູ່ກັບ ຄົນນິໄສແບບນີ້

  1. ຍິ່ງຈັບຜິດ ຍິ່ງເຮັດໃຫ້ເລື່ອງຊັບຊ້ອນ

ທ່ານເຄີຍສັງເກດຄົນທີ່ທ່ານຮັກບໍ່ວ່າ ຖ້າເຮົາລໍຖ້າແຕ່ຈັບຜິດເຂົາໄດ້ 1 ເລື່ອງ 2 ເລື່ອງ 3 ເລື່ອງ ລະດັບຄວາມຊັບຊ້ອນຂອງເລື່ອງທີ່ທ່ານຈັບຜິດ ຈະຍິ່ວເພິ່ມຂື້ນຫຼາຍຕາມລໍາດັບ ສິ່ງເຫຼົ່ານີ້ອາດເປັນເພາະອີກຝ່າຍ ຢາກຫາທາງໜີ ເພື່ອບໍ່ໃຫ້ທ່ານຈັບຜິດເຂົາໄດ້

ຈົ່ງຈື່ໄວ້ສະເໝີວ່າ ການເປັນແຟນ ຫຼື ຄູ່ຊີວິດສິ່ງສໍາຄັນທີ່ທ່ານທັງສອງຈະຕ້ອງສ້າງຂື້ນດ້ວຍກັນ ຄື ຄວາມໄວ້ເນື້ອເຊື່ອໃຈ ເພາະວ່າຖ້າທ່ານໄດ້ທໍາລາຍມັນໄປແລ້ວຄັ້ງໜຶ່ງຊຶ່ງອາດຈະເປັນເລື່ອງຍາກ ຫຼື ຕ້ອງໃຊ້ເວລາດົນ ກວ່າທີ່ທ່ານຈະສ້າງມັນກັບຄືນມາຄືເກົ່າອີກ ເພາະວ່າ ຖ້າກໍາແພງຄວາມເຊື່ອໃຈຂອງທ່ານແຂງແຮງດີ ນັ້ນກໍ່ໝາຍເຖິງວ່າ ທ່ານບໍ່ຈໍາເປັນຕ້ອງຄອຍຈັບຜິດຄົນຮັກໃຫ້ເສຍເວລານັ້ນເອງ