ເສົ້າວົງການກິລາ ອາໂນນ ນັກກອຟເສຍຊີວິດແລ້ວ

 

ວົງການກິລາຕ້ອງພົບກັບຂ່າວເສົ້າໃຈອີກແລ້ວເມື່ອ ອາໂນນ ພາວເມີ້ ຕຳນານນັກກອຟຂອງອາເມລິກາເສຍຊີວິດໃນໄວ 87 ປີເມື່ອວັນອາທິດທີ່ຜ່ານມາຫຼັງຈາກຝາກຜົນງານອັນສຸດຍອດເອົາໄວ້ຫຼວງຫຼາຍຕະຫຼອດໄລຍະຫຼາຍທົດສະວັດທີ່ຜ່ານມາ.

 

“ເດິ ຄິງ” ອາໂນນ ພາວເມີ້ ຕຳນານນັກກອຟຊາວອາເມລິກາເສຍຊີວິດຢ່າງສະຫງົບແລ້ວລວມອາຍຸ 87 ປີເມື່ອວັນອາທິດ 25 ກັນຍາທີ່ຜ່ານມາຈາກການເປີດເຜີຍຂອງສະມາຄົມກິລາຕີກອຟອາເມລິກາ.

 

“ເຮົາເສຍໃຈຢ່າງຍິ່ງກັບການເສຍຊີວິດຂອງ ອາໂນນ ພາວເມີ້ ທູດແຫ່ງວົງການກອຟກັບອາຍຸ 87 ປີ” ຢູເອສຈີເອ ຖະແຫຼງການຜ່ານທະວິດເຕີ້.

 

ພາວເມີ້ ເມື່ອວັນທີ 10 ກັນຍາ 1929 ເປັນໜຶ່ງໃນນັກກອຟທີ່ຍິ່ງໃຫຍ່ທີ່ສຸດໃນປະຫວັດສາດ ແລະ ເປັນຂວັນໃຈຂອງແຟນໆເຊິ່ງກອງເຊຍຂອງເຂົາຖືກຂະໜານນາມວ່າ “ອານີ້ ອາມີ້” ລວມທັງຍັງເປັນນັກກ້ານເຫຼັກຄົນທຳອິດທີ່ນັບເປັນຊຸບເປີ້ສະຕາຢ່າງແທ້ຈິງໃນຍຸກທີ່ເລີ່ມມີກາຍຖ່າຍທອດການແຂ່ງຂັນທາງໂທລະພາບຊ່ວງທົດສະວັດທີ 1950.

 

ຈາກການທີ່ເປັນຄົນທຳມະດາສາມັນ ແລະ ມີການເວົ້າຈາແບບເປັນກັນເອງເຮັດໃຫ້ ພາວເມີ້ ປ່ຽນປງມູມມອງຂອງກິລາກອຟຈາກທີ່ເປັນເກມຂອງຊົນຊັ້ນສູງມາສູ່ການຫຼິ້ນຂອງຊົນຊັ້ນລະດັບກາງ ແລະ ລະດັບແຮງງານ.

 

ນອກຈາກນີ້ ພາວເມີ້ ຍັງຖືກຍົກໃຫ້ເປັນໜຶ່ງໃນ “ເດິບິກທຣີ” ຂອງວົງການກອຟໃນຊ່ວງທົດສະວັດທີ 1960 ຮ່ວມກັບຕຳນານຄື ແຈັກ ນິຄລອສ ແລະ ແກຣີ້ ເພລເຢີ້ ຈົນເຮັດໃຫ້ກິລາດວນວົງສະວິງກາຍເປັນທີ່ນິຍົມໄປທົ່ວໂລກ.

 

ສຳລັບ ພາວເມີ້ ໄດ້ຮັບລາງວັນ ພີຈີເອ ທົວ ໄລຟ໌ທາມ ອາຊິບເມັ້ນ ໃນປີ 1998 ແລະ ໄດ້ຮັບການບັນຈຸເຂົ້າສູ່ ເວິນກອຟ ຮໍ ອອຟ ເຟມ ໃນປີ 1974 ຫຼັງການໄດ້ແຊ້ມຫຼວງຫຼາຍຕະຫຼອດອາຊີບເຊິ່ງລວມເຖິງ ເດິ ມາສເຕີ້ (1958, 1960, 1962, 1964), ຢູເອສ ໂອເພັ້ນ (1960) ແລະ ດິ ໂອເພັ້ນ ແຊມປ້ຽນຊິບ (1961, 1962).

 

ບົດຄວາມໃຫມ່ໆ