ເສືອໃຕ້ເຮ!! ຣິເບຣີ ກັບມາລົງຊ້ອມກັບທີມໄດ້ແລ້ວ

 

ແຟນບານ “ເສືອໃຕ້” ໄດ້ຮັບຂ່າວດີເມື່ອຫຼ້າສຸດ ຟຣັອງ ຣິເບຣີ ປີກໂຕເກົ໋າຂອງທີມກັບມາລົງຊ້ອມໄດ້ແລ້ວ ແລະ ອາດຈະຊ່ວຍທີມໃນເກມກັບ ຮອບເຟັນຮາຍ ວົນເສົານີ້.

 

ຟຣັອງ ຣິເບຣີ ປີກປະສົບການສູງຂອງ ບາເຢິນ ມິວນິກ ສະໂມສອນຍັກໃຫຍ່ຂອງ ບຸນເດສລີກາ ເຢຍລະມັນ ກັບມາລົງຊ້ອມກັບທີມໄດ້ເປັນທີ່ຮຽບຮ້ອຍແລ້ວ ເມື່ອວັນພະຫັດທີ່ຜ່ານມາຫຼັງຈາກທີ່ຫ່າງຫາຍໄປດົນເກືອບເດືອນເພາະບັນຫາບາດເຈັບທີ່ຕົ້ນຂາ.

 

ລະດູການນີ້ ຣິເບຣີ ຫາກໍລົງຫຼິ້ນລວມທຸກລາຍການໃຫ້ກັບ “ເສືອໃຕ້” ພຽງແຕ່ 9 ເກມເທົ່ານັ້ນເພາະບັນຫາອາການບາດເຈັບກ່ຽວກັບກ້າມຊີ້ນ ແລະ ຫຼ້າສຸດກໍພັກຍາວມາຕັ້ງແຕ່ໄດ້ຮັບບາດເຈັບທີ່ຕົ້ນຂາຈາກເກມ ຢູຟາ ແຊມປຽນ ລີກ ທີ່ ບາເຢິນ ບຸກໄປປລາໄຊໃຫ້ກັບ ແອັດເລຕິໂກ ມາດຣິດ 0-1 ເມື່ອຊ່ວງປາຍເດືອນກັນຍາທີ່ຜ່ານມາ.

 

ຢ່າງໃດກໍຕາມຫຼ້າສຸດດາວເຕະເລືອດນຳ້ຫອມລົງຊ້ອມຮຽບຮ້ອຍແລ້ວເມື່ອວັນພະຫັດທີ່ຜ່ານມາ ແລະ ອາດຈະໄດ້ລົງຊ່ວຍຕົ້ນສັງກັດໃນເກມທີ່ ບາເຢິນ ເປີດບ້ານດວນກັບ ຮອບເຟັນຮາຍ ວັນເສົາທີ 5 ພະຈິກນີ້.