ເສືອໃຕ້ເຊັງ..ຣິເບຣີເຈັບນັງ 3 ອາທິດ

 

ບາເຢິນ ພົບກັບຂ່າວຮ້າຍເມື່ອຈະບໍ່ມີ ຟຣັອງ ຣິເບຣີ ປີກໂຕເກົ໋າປະມານ 3 ອາທິດຫຼັງຈາກທີ່ນັກເຕະມີອາການບາດເຈັບລະຫວ່າງຊ້ອມ.

 

ຟຣັອງ ຣິເບຣີ ປີກດາວດັງເລືອດນຳ້ຫອມຂອງ ບາເຢິນ ມິວນິກ ສະໂມສອນຍັກໃຫຍ່ຂອງ ບຸນເດສລີກາ ຈຳເປັນຕ້ອງພັກຍາວເປັນເວລາປະມານ 2-3 ອາທິດຫຼັງຈາກທີ່ໄດ້ຮັບບາດເຈັບທີ່ຂາລະຫວ່າງຊ້ອມເມື່ອວັັນສຸກທີ່ຜ່ານມາ.

 

ການບາດເຈັບເທື່ອນີ້ເຮັດໃຫ້ນັກເຕະພາດລົງຊ່ວຍທີມໃນເກມ ຢູຟາ ແຊມປຽນ ລີກ ທີ່ “ເສືອໃຕ້” ມີຄິວດວນກັບ ພີເອສວີ ໄອໂຮເຟັນ ວັນພຸດທີ 19 ຕຸລານີ້ ແລະ ເກມລີກກັບ ໂບຣຸສເຊຍ ມິວເຊັນກັດບັກ ວັນເສົາທີ 22 ແລະ ອາດຈະລວມເຖິງເກມກັບ ເອົາສ໌ບວກ ວັນເສົາທີ 29 ຕຸລາ.

 

“ທີ່ແນ່ນອນກະຄືເຂົາຈຳເປັນຕ້ອງພັກຢ່າງໜ້ອຍສອງ ຫຼື ສາມອາທິດກ່ອນທີ່ຈະສາມາດກັບມາຫຼິ້ນໄດ້ອີກເທື່ອໜຶ່ງ” ແຮມັນແກລັນ ຜູ້ຊ່ວຍໂຄດ ບາເຢິນ ກ່າວ.

 

ສຳລັບລະດູການນີ້ ຣິເບຣີ ເຮັດຜົນງານໄດ້ຂ້ອນຂ້າງດີໂດຍລົງຫຼິ້ນໄປແລ້ວລວມທຸກລາຍການ 9 ນັດຍິງໄດ້ 2 ລູກ.