ເສືອເຫຼືອງຕົກລົງເງື່ອນໄຂເກິດເຊແລ້ວເຫຼືອແຕ່ເລື່ອງລາຄາກັບເສືອໃຕ້

 

“ບິວ” ຕີຂ່າວວ່າ ໂບຣຸສເຊຍ ດອດມຸນ ຕົກລົງສັນຍາສ່ວນຕົວກັບ ມາຣິໂອ ເກິດເຊ ໄດ້ແລ້ວເຫຼືອແຕ່ເຈລະຈາກັບ ບາເຢິນ ທີ່ຂໍ 27 ລ້ານເອີໂຣຂາດທຶນ 10 ລ້ານເອີໂຣ ແຕ່ “ເສືອເຫຼືອງ” ຫວັງກົດລາຄາລົງເຫຼືອ 23 ລ້ານເອີໂຣ.

 

“ບິວ” ສື່ເຢຍລະມັນຕີຂ່າວ ໂບຣຸສເຊຍ ດອດມຸນ ສະໂມສອນດັງຂອງ ບຸນເດສລີກາ ຈໍ່ບັນລຸຂໍ້ຕົກລົງກັບ ບາເຢິນ ມິວນິກ ເລື່ອງການຊື້ ມາຣິໂອ ເກິດເຊ ກອງກາງທີມຊາດເຢຍລະມັນກັບມາຫຼິ້ນໃນ ຊິກເນົາ ອິດູນາ ພາກ ອີກເທື່ອໜຶ່ງຫຼັງຕົກລົງເງື່ອນສ່ວນຕົວກັບນັກເຕະໄດ້ແລ້ວເຫຼືອແຕ່ເຈລະຈາຈຳນວນເງິນທີ່ຕ້ອງຈ່າຍທີ່ຂໍຊື້ 23 ລ້ານເອີໂຣ.

ບາເຢິນ ຈ່າຍ 37 ລ້ານເອີໂຣດຶງ ເກິດເຊ ໄປຮ່ວມທີມໃນປີ 2013 ແຕ່ເຂົາມີບັນຫາໃນການດຶງຟອມເກັ່ງເຖິງວ່າຈະເປັນຮີໂລນັດຊິງບານໂລກ 2014 ກໍບໍ່ໄດ້ປົດລັອກພະລັງໃຫ້ເຂົາແຕ່ຢ່າງໃດເຮັດໃຫ້ຖືກລືວ່າຕ້ອງຍ້າຍທີມທັງຍ້າຍກັບມາ ດອດມຸນ ຫຼື ຍ້າຍໄປຫຼິ້ນໃນ ພຣີເມຍລີກ ກັບ ລີເວີພູ ແລະ ທັອດແນັມ ຮັອດສະເປີ.

 

ຫຼ້າສຸດ “ບິວ” ບອກວ່າ ດອດມຸນ ໂອເຄທຸກຢ່າງກັບ ເກິດເຊ ແລ້ວເຫຼືອແຕ່ສັນຍາຕົກລົງຄ່າໂຕເຊິ່ງ ບາເຢິນຕ້ອງການ 27 ລ້ານເອີໂຣແຕ່ ດອດມຸນ ສະເໜີໄປ 23 ລ້ານເອີໂຣເຮັດໃຫ້ຕ້ອງມີການເຈລະຈາກັນອີກ.