ເສືອເຫຼືອງກຽມຢືມຢານາໄຊຖ້າຫາກ ແມນ ຢູໄນເຕັດ ໄດ້ກອງໜ້າເພີ່ມ

 

ໂບຣຸສເຊຍ ດອດມຸນ ທີມດັງໃນເຢຍລະມັນ ກຽມໃຊ້ໂອກາດທີ່ ແມນເຊັສເຕີ້ ຢູໄນເຕັດ ກຳລັງຊອກຫາກອງໜ້າເພີ່ມ ຖ້າຫາກມ່ີດາວຍິງໃໝ່ຍ້າຍເຂົ້າມາແທ້ໆ ຈະຍື່ນຂໍ້ສະເໜີຂໍຢືມ ອັ໊ດນານ ຢານາໄຊ ປີກດາວຣຸ່ງທີມຊາດ ເບລຢ້ຽມ ມາໃຊ້ຈັກໜຶ່ງລະດູການ.

       ເຖິງແມ່ນວ່າ ເປໂດ ໂຣດິເກສ ເປົ້າໝາຍທີ່ມີຂ່າວມາ ຈະຕັດສິນໃຈໄປລົງຫຼັກປັກຖານກັບ ເຊລຊີ ໃນ ລອນດອນ ແຕ່ອີກກະແສໜຶ່ງກໍ່ເວົ້າວ່າ ຟາລ ກັລ ປ່ຽນເປົ້າໝາຍໄປລ່າຄົນອື່ນແທນ ໂດຍຊ່ວງນີ້ມີຂ່າວກັບ ໂທມັສ ມຸລເລີ້ ກອງໜ້າທີມຊາດ ເຢຍລະມັນ ຂອງ ບາເຢິນ ມິວນິກ ແລະ ຊາດິໂອ ມາເນ່ ກອງໜ້າຂອງ ເຊົ້າແຮມຕັ້ນ ຊຶ່ງເຊື່ອວ່າຖ້າມີໃຜຍ້າຍມາ ໂອລ ແທ໊ຟຟອດ ຢານາໄຊ ອາດຈະຖືກລົດບົດບາດລົງ