ເສືອເຖົ້າຣັອບເບັນບອກຜີຢ່າຂາຍເດປາຍແຕ່ໃຫ້ເວລາ ແລະ ໂອກາດກັບເຂົາ

 

ອາເຢນ ຣັອບເບັນ ປີກດາວດັງຂອງ ບາເຢິນ ມິວນິກ ຫວັງວ່າ ແມນເຊສເຕີ ຢູໄນເຕັດ ຈະໃຫ້ເວລາ ແລະ ໂອກາດກັບ ເມມຟິດ ເດປາຍ ປີກຟອມຕົກທີ່ຖືກວິຈານແບບເລະເທະ ຊີ້ວ່າເປັນນັກເຕະພອນສະຫວັນ ແລະ ມີທຸກຢ່າງທີ່ຈະຍິ່ງໃຫຍ່ໃນລີກຜູ້ດີ ແຕ່ຕອນນີ້ອາຍຸຍັງນ້ອຍຕ້ອງໃຫ້ເວລາໃນການປັບໂຕແນ່.

 

ອາເຢນ ຣັອບເບັນ ປີກທີມຊາດໂຮນລັງຂອງ ບາເຢິນ ມິວນິກ ຈ່າຝູງຈາກ ບຸນເດສລີກາ ໜຸນຫຼັງ ເມມຟິດ ເດປາຍ ປີກລຸ້ນນ້ອງຂອງ ແມນເຊສເຕີ ຢູໄນເຕັດ ວ່າຈະພິສູດຕົນເອງ ແລະ ເຮັດຜົນງານໃນ ພຣີເມຍລີກ ໄດ້ດີແນ່ນອນຫຼັງຈາກຖືກວິຈານຢ່າງໜັກວ່າເປັນຂອງປອມ ແລະ ເປັນການຊື້ໂຕທີ່ຂາດທຶນທີ່ສຸດຄັ້ງໜຶ່ງຂອງວົງການລູກໜັງຜູ້ດີ.

ເດປາຍ ຍ້າຍມາພ້ອມກັບຄວາມຄາດຫວັງ ແລະ ຄ່າໂຕສຸດແພງຈາກຟອມທີ່ໂດດເດັ່ນກັບ ພີເອສວີ ໄອໂຮເຟັນ ປີກາຍ ແລະ ບານໂລກປີ 2014 ທີ່ມທີມຊາດໂຮນລັງໄດ້ອັນດັບສາມແຕ່ຟອມຂອງເຂົາກັບ ຢູໄນເຕັດ ວູບວາບແຕ່ໄລຍະທຳອິດກ່ອນທີ່ຈະຄ່ອຍໆຟອມຕົກຈົນມີຂ່າວວ່າເຂົາຈະມີໂອກາດຖືກຂາຍຖິ້ມ.

 

ແຕ່ ຣັອບເບັນ ທີ່ເຄີຍຫຼິ້ນກັບ ເຊວຊີ ແລະ ໄດ້ແຊມລີກ 2 ສະໄໝ ປີ 2005, 2006 ເຊື່ອວ່າ ເດປາຍ ຈະພິສູດຕົນເອງໄດ້ຂໍແຕ່ໄດ້ຮັບໂອກາດ ແລະ ເວລາຫຼາຍພໍ “ເຂົາເປັນນັກເຕະທີ່ມີພອນສະຫວັນແຕ່ການຍ້າຍມາຫຼິ້ນໃນ ພຣີເມຍລີກ ເປັນການປ່ຽນແປງຄັ້ງໃຫຍ່ທີ່ເບິ່ງຂ້າມບໍ່ໄດ້ ໂດຍສະເພາະເມື່ອເປັນການມາຢູ່ກັບທີມໃຫຍ່ຄື ແມນເຊສເຕີ ຢູໄນເຕັດ ເຂົາຍັງອາຍຸນ້ອຍຕ້ອງໃຫ້ເວລາແນ່ ເຂາມີພອນສະຫວັນ ເຂົາມີທຸກຢ່າງທີ່ຈະປະສົບຄວາມສໍາເລັດໃນອັງກິດ”.