ເສີມຄົມ!!ຜີຈັບຕາສະຖານະການເນມາ

 

ເດລີ ເຣັກຂອດ ສື່ຂອງອັງກິດລະບຸ ແມນ ຢູໄນເຕັດ ກຳລັງເຝົ້າເບິ່ງສະຖານະການຂອງ ເນມາ ດາວຍິງ ບາເຊໂລນາ ຢູ່ຫຼັງຈາກທີ່ນັກເຕະຍັງມີຂ່າວດ້ານການຍ້າຍທີມຢູ່ ສ່ວນຄ່າຈີກສັນຍາໃນຕອນນີ້ຂອງນັກເຕະແມ່ນຢູ່ທີ່ 167 ລ້ານປອນ.

 

ແມນເຊສເຕີ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ກຳລັງຈັບຕາເບິ່ງສະຖານະການຂອງ ເນມາ ກອງໜ້າຄົນດັງຂອງ ບາເຊໂລນາ ຢ່າງໃກ້ຊິດຫຼັງຈາກທີ່ນັກເຕະຍັງຄົງຄິດກ່ຽວກັບການຍ້າຍອອກຈາກທີມຢູ່ ຕາມການລາຍງານຂອງ ເດລີ ເຣັກຂອດ ສື່ຂອງປະເທດອັງກິດ.

 

ໂຊເຊ ມູຣິນໂຢ ຜູ້ຈັດການທີມ ແມນ ຢູໄນເຕັດ ເບິ່ງວ່າອີກບໍ່ດົນນີ້ທີມຂອງຕົນຈະເສີມຄວາມໂຫດໃນແດນໜ້າອີກ ຫຼັງຈາກທີ່ ສະລາຕັນ ອິບຣາຮິໂມວິດ ຫົວຫອກປະສົບການສູງເຊັນສັນຍາກັບທີມແບບສັ້ນໆເທົ່ານັ້ນ ສ່ວນ ເວນ ຣູນີ ດາວຍິງກັບຕັນທີມກໍຢູ່ໃນຊ່ວງໂລຍລາແລ້ວ.

 

ເຖິງວ່າ ເນມາ ຈະຫາກໍຕໍ່ສັນຍາກັບທີມໄປເມື່ອບໍ່ດົນມານີ້ ແຕ່ແຫຼ່ງຂ່າວທີ່ມີຄວາມໜ້າເຊື່ອຖືສູງກໍບອກວ່າມັນເປັນຄືກັບພາສເຕີທີ່ຮັກສາຄວາມບາດໝາງລະຫວ່າງດາວເຕະບາຊິວລຽນກັບຕົ້ນສັງກັດແບບຊົ່ວຄາວເທົ່ານັ້ນ ໂດຍສະຖານະການຂອງນັກເຕະກັບທີມຍັງຄົງບໍ່ດີປານໃດ ແລະ ເຕັມໄປດ້ວຍຄວາມວຸ່ນວາຍ ຫຼັງຈາກທີ່ ບາເຊໂລນາ ດຶງຕົວເຂົາມາຮ່ວມທີມຜ່ານທາງການເຮັດສັນຍາກັບບຸກຄົນທີສາມໃນແດນກາເຟຈົນກາຍເປັນເລື່ອງລາວໃຫຍ່ໂຕ.

 

ແຕ່ເດີມຕອນຢູ່ທີ່ ເຣອັນ ມາດຣິດ ນັ້ນ ມູຣິນໂຢ ກໍເຄີຍສັ່ງແມວມອງເບິ່ງຟອມຂອງ ເນມາ ແລະ ພະຍາຍາມດຶງໂຕນັກເຕະໄປຮ່ວມທີມມາແລ້ວ ໂດຍຕອນນີ້ຄ່າຈີກສັນຍາຂອງ ເນມາ ຈະຢູ່ທີ່ 167 ລ້ານປອນກ່ອນທີ່ຈະເພີ່ມຂຶ້ນເລື້ອຍໆໃນປີຕໍ່ໆໄປຂອງສັນຍາລະຫວ່າງທັງ 2 ຝ່າຍ.

 

ບົດຄວາມໃຫມ່ໆ