ເສີມຄົມ!!ຊາວເກເລັງດຶງໂອກາຊາກິຮ່ວມທັບ

 

“ລາຊາສີນຳ້ເງິນ” ຊາວເກ 04 ຫວັງເພີ່ມຄວາມຄົມໃຫ້ກັບເກມບຸກເມື່ອຫຼ້າສຸດມີຂ່າວວ່າເລັງດຶງ ຊິນຈິ ໂອກາຊາກິ ຫົວຫອກຂອງ ເລສເຕີ ຊີຕີ ມາຮ່ວມທັບພາຍໃນເດືອນນີ້.

 

ຊິນຈິ ໂອກາຊາກິ ຫົວຫອກຂອງ ເລສເຕີ ຊີຕີ ສະໂມສອນດັງຂອງ ພຣີເມຍລີກ ກາຍເປັນນັກເຕະເປົ້າໝາຍທີ່ ຊາວເກ 04 ສະໂມສອນດັງຂອງເມືອງເບຍ ບຸນເດສລີກາ ເຢຍລະມັນ ຢາກດຶງຕົວນັກເຕະໄປເສີມທັບຊ່ວງເດືອນມັງກອນນີ້ ຕາມການລາຍງານຈາກ ບິວ ຊື່ຊັ້ນນຳເມືອງເບຍເມື່ອວັນອັງຄານທີ່ຜ່ານມາ.

 

ໂອກາຊາກິ ມີສ່ວນສຳຄັນກັບການຊ່ວຍ “ຈິງຈອກເງິນ” ເປັນແຊມ ພຣີເມຍລີກ ເມື່ອລະດູການທີ່ຜ່ານມາແຕ່ວ່າລະດູການນີ້ມີບົດບາດໜ້ອຍລົງ ເພາະເຖິງວ່າໄດ້ລົງຫຼິ້ນລວມທຸກລາຍການ 21 ນັດແຕ່ເປັນການລົງຫຼິ້ນໃນຖານະຕົວຈິງພຽງແຕ່ 12 ນັດເທົ່ານັ້ນ.

 

ຫຼ້າສຸດ ບິວ ລະບຸວ່າ ຊາວເກ ໄດ້ເບິ່ງຫົວຫອກທີມຊາດຍີ່ປຸ່ນເປັນເປົ້ໝາຍໃນການເສີມສັບເນື່ອງຈາກພວກເຂົາຕ້ອງການມີຜົນງານທີ່ດີຂຶ້ນໃນຊ່ວງເຄິ່ງຫຼັງລະດູການ ເພາະຕອນນີ້ຍັງຢູ່ອັນດັບ 11 ໃນຕາຕາລາງຄະແນນ ບຸນເດສລີກາ.

 

ທັງນີ້ ໂອກາຊາກິ ຄຸ້ນເຄີຍກັບເກມ ບຸນເດສລີກາ ເປັນຢ່າງດີເພາະກ່ອນໜ້ານີ້ເຄີຍຫຼິ້ນໃຫ້ກັບ ເຟົາເອຟເບ ສະຕຸດກາດ ແລະ ມາຍ 05.