ເວນເກີໂມ້ຝຣັ່ງກຽມຍຶດອຳນາດໂລກລູກໜັງ

 

ອາແຊນ ເວນເກີ ນາຍໃຫຍ່ຂອງ ອາເຊນອນ ໂວສະນັ່ນ ບ້ານເກີດຈະກ້າວຂຶ້ນມາຍຶດຄອງຄວາມຍິ່ງໃຫຍ່ໃນໂລກລູກໜັງຊ່ວງ 2-3 ປີຕໍ່ຈາກນີ້ໂດຍໃຫ້ເຫດຜົນວ່າມີນັກເຕະເກັ່ງໆໃຫ້ເລືອກໃຊ້ງານຫຼາຍ ລະບຸວ່າເປັນຫ່ວງ ດີດີເຢ ເດຂອງ ນາຍໃຫຍ່ຂອງ “ກາໄກ່” ທີ່ຕ້ອງເຈັບຕັບໃນການເລືອກນັກເຕະຕິດທຸງ.

 

ອາແຊນ ເວນເກີ ນາຍໃຫຍ່ ອາເຊນອນ ສະໂມສອນດັງໃນລາຍການ ພຣີເມຍລີກ ໝັ້ນໃຈທີມຊາດຝຣັ່ງຈະກັບມາຄອງຄວາມເປັນເຈົ້າໂລກໃນບານເຕະຊ່ວງ 2-3 ປີຕໍ່ຈາກນີ້ເນື່ອງຈາກວ່າດິນແດນນຳ້ຫອມເຕັມໄປດ້ວຍນັກເຕະທີ່ເກັ່ງລະດັບໂລກຫຼວງຫຼາຍ.

 

ທັບ “ກາໄກ່” ຕ້ອງຜິດຫວັງຢ່າງແສນສາຫັດຫຼັງຈາກພວເຂົາພາດໄດ້ແຊມ ຢູໂຣ 2016 ໃນບ້ານເກີດເມື່ອເສຍໃຫ້ກັບປັອກຕຸຍການໃນຮອບຊິງຊະນະເລີດຢ່າງໃດກໍຕາມ ເວນເກີ ເຊື່ອໝັ້ນວ່າພາຍໃຕ້ການກຸມບັງຫຽນຂອງ ດີດີເຢ ເດຊອງ ພວກເຂົາສາມາດປະສົບຄວາມສຳເລັດຄວ້າແຊມບານໂລກ 2018 ທີ່ປະເທດລັດເຊຍໄດ້.

 

ເວນເກີ ກ່າວວ່າຝຣັ່ງຈະແຊງໜ້າເຢຍລະມັນ ແລະ ສະເປນຂຶ້ນຄອງຄວາມຍິ່ງໃຫຍ່ໃນວົງການລູກໜັງ “ຂ້ອຍໝັ້ນໃຈຫຼາຍບາງທີ່ເພາະຂ້ອຍເປັນຄົນຝຣັ່ງກໍໄດ້ ແຕ່ຕອນນີ້ນັກເຕະເກັ່ງໆລະດັບໂລກຢູ່ໃນຝຣັ່ງເຈົ້າກໍເຫັນແລ້ວວ່ານັກເຕະທີ່ເຕັມໄປດ້ວຍຄຸນນະພາບຊັ້ນດີຢູ່ໃນບ້ານເຮົາຄືກັບບຣາຊິວເມື່ອ 20 ປີກ່ອນບໍ່ວ່າບ່ອນໃດກໍຕາມເຈົ້າຈະພົບກັບນັກເຕະທີ່ສາມາດຫຼິ້ນທີມຊາດໄດ້ໝົດ”.