ເລເກີເປີດຕົວຮູບປັ້ນບິກແຊັກໜ້າສະໜາມ

 

ເຊຄິວ ໂອນິວ ອະດີດຊູເປີສະຕາແຫ່ງວົງການພື້ນປະເກ້ຕ້ອງນຳ້ຕານອງດ້ວຍຄວາມດີໃຈຫຼັງຈາກທີ່ ລອສແອັງເຈີລິສ ເລເກີ ເປີດຕົວຮູບປັ້ນເຮັດທ່າໂດດດັ້ງເພື່ອເປັນກຽດແກ່ເຂົາທີ່ສ້າງຊື່ສຽງ ແລະ ນຳຄວາມສຳເລັດມາສູ່ທີມຫຼວງຫຼາຍ.

 

ລອສແອັງເຈີລິສ ເລເກີ ທີມດັງຂອງວົງການ ເອັນບີເອ ບາສເກັດບອນ ເປີດຕົວຮູບປັ້ນເພື່ອເຊີດຊູກຽດຂອງ ເຊຄິວ ໂອນິວ ຕຳນານເຊັນເຕີຮ່າງຍັກຂອງທີມທີ່ໜ້າສະໜາມ ສະເຕເບິນ ເຊັນເຕີ ຈາກການລາຍຂອງ ເດລີ ເມວ ສື່ຂອງອັງກິດເມື່ອວັນເສົາທີ່ຜ່ານມາ.

 

ທັງນີ້ “ບິກແຊັກ” ທີ່ຄວ້າແຊມ ເອັນບີເອ ຮ່ວມກັບ ເລເກີ 3 ສະໄໝຕິດລະຫວ່າງປີ 2000-2002 ເດີນທາງມາພ້ອມກັບຄອບຄົວລວມເຖິງລຸກທັງ 6 ຄົນໂດຍອະດີດເຈົ້າຂອງລາງວັນຜູ້ຫຼິ້ນຊົງຄຸນຄ່າ ຫຼື ເອັມວີພີ ໃນປີ 2000 ທີ່ປະກາດຣີມາຍເມື່ອປີ 2011 ຕ້ອງມີນຳ້ຕາຂະນະຢູ່ເທິງເວທີຈົນ ໂຄບີ ໄບຣອັນ ທີ່ຍົກຍ້ອງອະດີດຄູ່ຫູວ່າເປັນຜູ້ຫຼິ້ນທີ່ໂດດເດັ່ນທີ່ສຸດເທົ່າທີ່ຕົນເຄີຍເຫັນມາຕ້ອງປອບດ້ວຍຮອຍຍິ້ມທີ່ຍິ່ງໃຫຍ່.