ເລື່ອງນີ້ສອນແອັດມິນຢ່າງໜຶ່ງວ່າ ຄົນທຸກຄົນມີຫລາຍມຸມ ທີ່ເຮົາເຫັນເຂົາດື້ ບໍ່ແມ່ນເຂົາຈະອ່ອນໂຍນບໍ່ເປັນ

ກ່ອນນອນມື້ນີ້ແອັດຫລິ້ນໂຊຊ້ຽວຕາມປົກກະຕິເພື່ອອ່ານບົດຄວາມ ຊອກຫາຂໍ້ມູນດີໆມາໃຫ້ທຸກທ່ານໄດ້ອ່ານຕໍ່ໆກັນ ແຕ່ມື້ນີ້ພິເສດ ບໍ່ເຄີຍຂຽນຫາທີມງານໃກ້ໂຕຈັກເທື່ອເພາະສ່ວນຫລາຍແມ່ນບໍ່ຄ່ອຍມີຫຍັງໃຫ້ເລົ່າ ເຊິ່ງທີມງານແອັດມິນມີພຶດຕິກຳແປກໆສະເພາະໂຕຢູ່ຫລາຍຄົນ

ແຕ່ມື້ນີ້ຂໍເລົ່າ ກັບຄວາມອ່ອນໂຍນຂອງທີມງານແອັດມິນທີ່ຕອນນີ້ມັນຄືຊິຍັງບໍ່ຮູ້ວ່າແອັດລົງຂ່າວນີ້ ເລື່ອງມີຢູ່ວ່າ ນັດກັນໄປຫາລູກຄ້າຕອນ17:00ໂມງ ຂອງວັນທີ8ສິງຫາ2018 ເຊິ່ງໂດຍປົກກະຕິແລ້ວ ແຮັກເລີ້(ຕາກ້ອງບ້າພະລັງທີ່ບໍ່ເຄີຍນິ້ງ) ຈະເປັນຄົນທີ່ມີເລື່ອງມາເລົ່າ ແລະ ທຸກເລື່ອງຈະເປັນເລື່ອງທີ່ບ້າພະລັງ ແຕ່ມື້ນີ້ແອັດມິນນັດໄປພົບກັນທີ່ແຖວໂບດຄຸນພໍ່ ບ້ານເກົ້າຍອດ ແຖວສະຖານທູດຝລັງ ເພາະແອັດໄປຊ້າລົດຫລາຍຍາມເລີກວຽກ ແຮັກເລີ້ເລີຍບອກວ່າຊິຊອກຍ່າງຖ່າຍຮູບຫລິ້ນຖ້າແຖວນັ້ນ ພໍແອັດໄປຮອດ ຮັບຂຶ້ນລົດ ແຮັກເລີ້ບອກເລື່ອງແມວທີ່ມີຄົນເອົາມາໂຜດ ໃຫ້ແອັດມິນຟັງ ໃນໃຈແອັດມິນກໍສົງສານ ແລະຄິດຢາກຊ່ວຍ ແຕ່ມີນັດຕ້ອງໄປເລີຍບໍ່ໄດ້ລົງຈອດເບິ່ງ ຕາມຄລິບ

ຫລັງຈາກໄປລົມວຽກມາປະມານ3ຊົ່ວໂມງ ແອັດມິນພາໝໍນີ້ກັບມາຫ້ອງການເອົາລົດແຍກຍ້າຍກັບເຮືອນເວລາປະມານ20:00ໂມງ ແຮັກເລີ້ຄອບເມືອປົກກະຕິ ແອັດມິນກໍລາກັນປົກກະຕິ ໂດຍບໍ່ໄດ້ຄິດເລື່ອງແມວໃນຫົວເລີຍຈົນມາເຫັນເຟສບຸກທີ່ແຮັກເລີ້ລົງຄລິບມື້ນີ້ ວັນທີ12ສິງຫາ2018 ຈຶ່ງມາຮູ້ວ່າມື້ນັ້ນໃຈມັນຢູ່ກັບແມວ

ຮູບກັບໄປເອົາແມວ

ຮູບໄປຊອກແກັດມາໃສ່ເອົາແມວມາເຮືອນ

ຂານ້ອງຊາຍແອັດມິນປານຂາຜູ້ສາວນ້ອຍ

ພາໄປຄຣີນິກ

ເຮັດສຸດຄວາມສາມາດ

ສຸດຊຶ້ງໃຈມັນເລີຍ ມັນກໍບໍ່ເຄີຍເລົ່າໃຫ້ຟັງອີກວ່າເອົາແມວມາເບິ່ງຢູ່ເຮືອນ ຈົນແອັດມິນມາເຫັນເອງ ນັບຖືໃຈນ້ອງຫລາຍຫຳ ນ້ອງເວົ້າລະນ້ອງເຮັດ ບໍ່ໄດ້ເວົ້າລອຍໆຖິ້ມປະໄປຕາມມີຕາມເກີດ ຢ່າງໜ້ອຍເຖິງຊ່ວຍບໍ່ໄດ້ແຕ່ແອັດມິນວ່າ ນ້ອງເປັນຕົວຢ່າງທີ່ສັງຄົມຄວນໃຫ້ຄວາມນັບຖື

ເລື່ອງນີ້ສອນແອັດມິນຢ່າງໜຶ່ງວ່າ ຄົນທຸກຄົນມີຫລາຍມຸມ ທີ່ເຮົາເຫັນເຂົາດື້ ບໍ່ແມ່ນເຂົາຈະອ່ອນໂຍນບໍ່ເປັນ

ທຸກຢ່າງມີສອງດ້ານສະເໝີ ຂຶ້ນກັບເຮົາຈະມີໂອກາດໄດ້ເຫັນມຸມນັ້ນຂອງເຂົາບໍ່

ຮັກນ້ອງຊາຍ Hackler Vlp

ໄປເບິ່ງຊີວິດຂີ້ດື້ມັນໄດ້ຕາມນີ້ https://www.facebook.com/khamloung.vilayphet.56