ເລີ່ມໂຄງການ ບູລະນະ ປະຕິສັງຂອນ ພະທາດຫລວງວຽງຈັນ ຄັ້ງທີ IV


ວັນທີ 4 ກັນຍາ 2016 ໄດ້ມີພິທີເປີດໂຄງການ ບູລະນະ ປະຕິສັງຂອນ ພະທາດຫລວງວຽງຈັນ ຄັ້ງທີ IV ໂດຍການເຂົ້າຮ່ວມຂອງທ່ານ ປອ ພັນຄໍາ ວິພາວັນ ຮອງປະທານປະເທດ.ແຫ່ງ ສປປ ລາວ ແລະ ພ່ກສ່ວນທີ່ກ່ຽວຂ້ອງເຂົ້າຮ່ວມ
ທ່ານ ບຸນ​ສະໜອງ ສີ​ຫາ​ລາດ ຫົວໜ້າ​ກົມ​ວິຈິດ​ສິນ ກະຊວງ​ຖະແຫຼງ​ຂ່າວ ວັດທະນະທຳ ແລະ ທ່ອງ​ທ່ຽວ ກ່າວ​ວ່າ: ຕາມ​ການສຳ​ຫຼວດ​ເບື້ອງ​ຕົ້ນ ບໍລິເວນ​ພະທາດຫຼວງ​ ອາດ​ຈະ​ໄດ້​ບູລະນະພຽງ​ຈຳນວນ​ໃດ​ໜຶ່ງ​ເທົ່າ​ນັ້ນ​ທີ່​ມີຄວາມ​ຊຸດໂຊມ ເຊັ່ນ: ເອິກ​ໄກ່​ທີ່ເປັນ​ໄມ້​ມີ​ການ​ພຸ​ພັງ (ໂດກ) ກຳແພງ​ທີ່​ມີ​ຮອຍ​ແຕກ​ແຫງ ສີ​ຈືດຈາງ ກົມ​ມະ​ລຽນ ແລະ ທາດນ້ອຍ​ອ້ອມ​ຮອບ ສ່ວນ​ລະບົບ​ໂຄງສ້າງ​ພະ​ທາດຫຼວງ​ ແມ່ນ​ຢູ່​ໃນ​ສະພາບ​ປົກກະຕິ.
ສຳລັບ​ນັກທ່ອງ​ທ່ຽວ​ທ່ານ​ໃດ​ທີ່​ຈະ​ເດີນທາງມາ​ທ່ຽວ​ຊົມ​ ຄວາມ​ງາມ​ຂອງ​ພະທາດ ​ກໍ່​ສາມາດ​ເຂົ້າ​ໄປ​ຊົມ​ໄດ້ ເພາະ​ຈະ​ບໍ່​ມີ​ການ​ປິດ​ຕະຫຼອດຂອງ​ການ​ບູລະນະ.

====================

ພາບແລະຂ່າວ: Pathedlao Lao