ເຢຍລະມັນ ຫລຸດຜ່ອນ ຄ່າໃຊ້ຈ່າຍ 2,5 ຕື້ເອີໂຣ

ຕາມ​ຂ່າວ​ ຕ່າງປະ​ເທດ, ວັນ​ທີ 20​ ກັນຍາ 2015,  ທ່ານ ໂວນກັງ ຊາໂຊໂບ ລັດ​ຖະມົນ​ຕີ​ ວ່າການ ກະຊວງ​ ການ​ເງິນ ​ຂອງ ເຢຍລະມັນ ໃຫ້ຮູ້ວ່າ,  ຄ່າໃຊ້ຈ່າຍ ງົບປະມານ ແຫ່ງຊາດ ຂອງ ເຢຍລະ ມັນ ໃນສົກປີ 2016 ຈະຫລຸດລົງ 2,5 ຕື້ ເອີໂຣ ເພື່ອສະໜອງ ກອງທຶນ ຊຳລະ ສະສາງ ໜີ້ສິນໃຫ້ ຄ່າໃຊ້ຈ່າຍຕ່າງໆ ທ່ີກ່ຽວຂ້ອງເຖິງ ບັນດາ ຜູ້​ເຂົ້າ​ເມືອ​ງ ແລະ ຜູ້​ລີ້​ໄພ​ ເຂົ້າປະ​ເທດ​ນີ້.

  ການ​ຜັນ​ຂະ​ຫຍາ​ຍ ​ແຜນ​ປະຢັດ​ ງົບປະມານ​ນີ້ ຈະ​ປະ​ກອບ​ດ້້ວຍ 2 ພາກສ່ວນ​ຄື: ບັນດາ​ກະຊວງ ຈະ​ສະ​ເໜີ​ ແຜນ​ຫລຸດຜ່ອນ ຄ່າ​ໃຊ້​ຈ່າຍ​ຂອງ​ຕົນ ​ໃນ​ສົກ​ປີ 2016 ດ້ວຍ​ມູນ​ຄ່າ 500 ລ້ານ​ເອີ​ໂຣ ​ແລະ ບັນດາ​ ບ້ວງ ຫລຸດ​ຜ່ອນ​ ອື່ນໆ 2 ຕື້​ເອີ​ໂຣ.

            ກ່ອນ​ໜ້າ​ນີ້, ທ່ານ ​ໂວ​ນກັງ ຊາ​ໂຊ​ໂບ ​ໄດ້​ປະກາດ ບ້ວງ​ສ່ວນ​ເກີນ 6 ຕື້​ເອີ​ໂຣ​​ ຂອງ​ງົບ​ປະມານ ສົກ​ປີ 2015 ຈ​ະ​ໂອນ​ໄປ​ ສົກ​ປີ 2016 ​ເພ່ືອຊົດ​ເຊີຍ ຄ່າ​ໃຊ້​ຈ່າຍ​ ທ່ີ​ຮັບ​ເອົາ​ ບັນ​ດາ​ ຜູ້​ອົບ​ພະຍົບ ​ເຂົ້າປະ​ເທດ

ທີ່ມາ http://kpl.gov.la/