ເມື່ອຮູ້ວ່າຜິວໜ້າເລີ່ມແຫ້ງ,ຫລອກແລ້ວຕ້ອງເຮັດແນວໃດ?!!

ສາເຫດມາຈາກຫຼາຍໆຢ່າງແຕ່ຫຼັກໆແລ້ວແມ່ນ ຜິວເຮົານັ້ນຢູ່ໃນພາວະຂາດນຳ້ຈຶ່ງສົ່ງຜົນ ເຮັດໃຫ້ສະພາບຜິວມີຄວາມແຫ້ງກະດ້າງຂາດຄວາມຊຸ່ມຊື່ນ ເມື່ອເຊວຜິວຊັ້ນນອກເຊື່ອມສະພາບລົງສຸດທ້າຍຜິວໜ້າກໍຈະຄ່ອຍໆຫລອກຈົນເປັນເກັດໃນທີ່ສຸດ
ນອກຈາກສາເຫດທີ່ໄດ້ກ່າວໄວ້ເບື້ອງຕົ້ນນັ້ນປັນຫາຜິວໜ້າຫລອກເປັນເກັດມີສາເຫດມາຈາກການທີ່ເຮົາໃຊ້ເຄື່ອງແຕ່ງໜ້າຫຼືຜະລິດຕະພັນບໍາລຸງຜິວຢູ່ໃນພື້ນທີ່ອາກາດແຫ້ງໂດຍສະເພາະໃນຊ່ວງລະດູໜາວນີ້ລວມໄປເຖີງການລ້າງໜ້າຫຼາຍຈົນເກີນໄປ
ມື້ນີ້ Bedtaledidia ໄດ້ມີວິທີການແກ້ໄຂບັນຫາຜິວໜ້າຫລອກດ້ວຍວິທີງ່າຍໆເຊິ່ງເຮົາເອງກໍສາມາດເຮັດໄດ້ແລະທີ່ສຳຄັນໄປກວ່ານັ້ນກໍຄື ປະຢັດ ແຖມຍັງໄດ້ຜົນລັບທີ່ດີອີກພ້ອມ

ເມື່ອຮູ້ວ່າຜິວໜ້າເລີ່ມແຫ້ງ,ຫລອກແລ້ວຕ້ອງເຮັດແນວໃດ?!!


ຂັ້ນຕອນທີ1 ກ່ອນທີ່ພາຍນອກຈະດູດີນັ້ນ ພາຍໃນເຮົາກໍຕ້ອງດີເຊັ່ນກັນ ສິ່ງທຳອິດທີ່ຢາກແນະນຳກ່ອນໝູ່ເລີຍແລະໃຫ້ຟ້າວໃຫ້ເຮັດຕັ້ງແຕ່ຕອນນີ້ເລີຍນັ້ນກໍຄື ''ການດື່ມນຳ້ '' ດື່ມນຳ້ໃຫ້ຫຼາຍໆ ໂດຍສະເພາະບຸກຄົນທີທໃຊ້ຊີວິດຢູ່ແຕ່ນຳຫ້ອງແອ ຫຼືຢູ່ໃນສະພາບອາກາດເຢັນແລະແຫ້ງ '' ຫ້າມ '' ລືມດື່ມນຳ້ໃຫ້ໄດ້ຫຼາຍໆຢ່າງເດັດຂາດ!!

ຂັ້ນຕອນທີ2 ໜ້າແຫ້ງຈົນຫລອກແລະເປັນເກັດຕ້ອງຢຸດ!!

2.1 ລ້າງໜ້າຫຼາຍ ແລະ ຫ້າມລ້າງໜ້າດ້ວຍນຳ້ອຸ່ນ
2.2 ຫຸກໜ້າແຮງ ຂັດໜ້າ
2.3 ໃຊ້ເຄື່ອງແຕ່ງໜ້າຫຼືຄີມທີ່ປະສົມເອວກໍຣໍ

ຂັ້ນຕອນທີ3 ໜ້າແຫ້ງຈົນຫລອກແລ້ວຕ້ອງເຮັດ


3.1 ດື່ມນຳ້ຫຼາຍໆ ປະມານ 8 ຈອກຕໍ່ມື້
3.2 ເນັ້ນກິນອາຫານຈຳພວກຜັກ ເນື່ອງຈາກວ່າຜັກອຸດົມໄປດ້ວຍວິຕາມິນ A ແລະ B ແລະຕ້ອງກິນໝາກໄມ້ເປັນປະຈຳ
3.3 ໃຊ້ຜະລິດຕະພັນລ້າງໜ້າທີ່ເບົາບາງແລະເຂົ້າກັບຄົນທີ່ຜິວແຫ້ງ 
3.4 ຫາຊື້ສະເປນຳ້ແຮ່ມາສີດໃສ່ໃບໜ້າເພຶ່ອເພິ່ມຄວາມຊຸ່ມຊື່ນໃຫ້ກັບຜິວໜ້າ ແຖມຍັງຊ່ວຍລົດອາການໜ້າຫລອກ ໃຫ້ດີຂຶ້ນອີກພ້ອມ
3.5 ໃຊ້ຄີມກັນແດດທີ່ເໝາະສົມກັບສະພາບຜິວແຫ້ງເນື່ອງຈາກຄົນທີ່ຜິວແຫ້ງນັ້ນຈະໄວຕໍ່ແສງແດດຫຼາຍເພຶ່ອປ້ອງກັນຜິວບໍ່ໃຫ້ສູນເສຍຄວາມຊຸ່ມຊື່ນໄປຫຼາຍກວ່ານີ້ດັ່ງນັ້ນເມຶ່ອທາຄີມບໍາລຸງຜິວໜ້າທີ່ມີຄວາມເບົາບາງຕໍ່ສະພາບຜິວແຫ້ງຂອງເຮົາແລ້ວ ແນະນຳວ່າຢ່າລືມທາຄີມກັນແດດກ່ອນອອກຈາກບ້ານກ່ອນເດັດຂາດ!!! 

ຂັ້ນຕອນສຸດທ້າຍ ແກ້ຜິວໜ້າຫລອກດ້ວຍສູດສະມຸນໄພ ປອດສານເຄມີເດີ້...

ສູດທີ1 ນຳ້ເຜີ້ງ ການຝອກໜ້າດ້ວຍນຳ້ເຜີ້ງຈະຊ່ວຍບຳລຸງຜິວໜ້າໃຫ້ເບິ່ງແກ່ກ່ອນໄວ ຊຸ່ມຊື່ນ ນຸ່ມນວນ ແຖມນຳ້ເຜີ້ງຍັງຊ່ວຍບຳລຸງຮັກສາຜິວໜ້າທີ່ແຫ້ງແຕກຫລອກເປັນເກັດໄດ້ດີອີກດ້ວຍ ເຊິ່ງວິທີກໍງ່າຍໆ ພຽງແຕ່ນຳໄຂ່ແດງ 1 ໜ່ວຍ ໄປປະສົມກັບນຳ້ເຜີ້ງ1ບ່ວງ ຄົນໃຫ້ເຂົ້າກັນແລ້ວນຳມາຝອກໜ້າຖີ້ມໄວ້ 10 ນາທີແລ້ວລ້າງອອກດ້ວຍນຳ້ເຢັນ 

 

ສູດທີ2 ໃບເຕີຍຫອມ + ໃບບົວບົກ + ນຳ້ເຜີ້ງ ພຽງແຕ່ນຳໃບເຕີຍຫອມໄປຄັ້ນກັບນຳ້ໃຫ້ໄດ້ 1 ບ່ວງກາງແລ້ວນັ້ນສ່ວນປະສົມທັ້ງສອງໄປປະສົມກັບນຳ້ເຜີ້ງປະມານ 2ບ່ວງໂຕະ ເມື່ອໄດ້ແລ້ວກໍນຳມາທາໃຫ້ທົ່ວໃບໜ້າປະຖີ້ມໄວ້ປະມານ 15 ນາທີ ແລ້ວລ້າງອອກດ້ວຍນຳ້ເຢັນ 

 

 

 

ສູດທີ3 ໝາກເລັ່ນແດງໃຫ່ຍ + ໝາກແຕງ + ນົມສົດ ນຳສ່ວນປະສົມທັ້ງໝົດມາປັ່ນໃຫ້ເຂົ້າກັນຈາກນັ້ນນຳມາຝອກໜ້າປະຖີ້ມໄວ້ 20 ນາທີ ແລ້ວລ້າງອອກດ້ວຍນຳ້ເຢັນຈະຊ່ວຍເຮັດໃຫ້ຜິວກັບມານຸ່ມຊຸ່ມຊື່ນຫຼາຍຂຶ້ນກວ່າເກົ່າ

 

ສູດທີ4 ຫວ່ານຫາງແຂ້ ພຽງແຕ່ນຳເອົາໃບຫວ່ານຫາງແຂ້ມາປອກເປືອກຈົນໄດ້ເປັນວຸ້ນຫຼືນຳ້ໃສໆ ຈາກນັ້ນນຳໄປລ້າງນຳ້ໃຫ້ສະອາດແລ້ວຄ່ອຍນຳມາຝອກໃຫ້ທົ່ວໃບໜ້າ ປະໄວ້ປະມານ 30 ນາທີ ວຸ້ນຈາກຫວ່ານຫາງແຂ້ຈະຊ່ວຍເຮັດໃຫ້ຜິວຊຸ່ມຊື່ນ ແລະຊ່ວຍຫຼຸດອາການຜິວຫລອກຜິວແຫ້ງອີກດ້ວຍ 

 

ສູດທີ5 ນົມສົດ ສູດນີ້ສຳລັບຄົນທີ່ບໍ່ມັກຄວາມຫຍຸ້ງຍາກໃນການກະກຽມປານໃດ ພຽງແຕ່ທ່ານນຳເອົານົມສົດມາທາບໍລິເວນທີ່ແຫ້ງຫລອກເປັນປະຈຳທຸກມື້ ຈາກນັ້ນຜິວກໍ່ຈະຄ່ອຍໆຫາຍຫລອກໄປເອງ