ເພີ່ມພະລັງຮ່າງກາຍດ້ວຍນໍ້າໝາກນາວ

ຮ່າງກາຍຂອງຄົນເຮົາຕ້ອງການພະລັງງານຕະຫຼອດເວລາບໍ່ວ່າຈະນັ່ງຫຼືລຸກ ລວມເຖິງການນອນແຕ່ວ່າໃນບາງຄັ້ງເຮົາກໍ່ຕ້ອງການຕົວກະຕຸ້ນເພື່ອໃຫ້ຮ່າງກາຍຂອງເຮົານັ້ນກຽມພ້ອມສໍາລັບການເຮັດວຽກ ຫລືເມື່ອບາງຄັ້ງເຮົາເມື່ອຍເຮົາກໍ່ຕ້ອງການພະລັງງານນັ້ນສົດຊື່ນ ແລະ ຟື້ນຕົວໄດ້ໄວ, ດັ່ງນັ້ນແລ້ວເຮົາຄວນກະຕຸ້ນໃຫ້ຖືກວິທີຈະໄດ້ພະລັງງານທີ່ສົດຊື່ນເຊັ່ນ: ຊຶ່ງໃນຕອນເຊົ້າຮ່າງກາຍເຮົາກໍ່ໄດ້ພັກຜ່ອນພຽງພໍເປັນຢ່າງດີ ຕື່ນຂຶ້ນມາສ່ວນຫຼາຍແລ້ວຕ້ອງການກາເຟເພື່ອດື່ມໃຫ້ສົດຊື່ນ ແຕ່ວ່າກາເຟນັ້ນກໍ່ບໍ່ສາມາດດື່ມໄດ້ທຸກຄົນ ນອກນັ້ນກາເຟອາດເຮັດໃຫ້ເກີດຜົນຂ້າງຄຽງທີ່ບໍ່ດີໄດ້ ຈຶ່ງເນາະນໍາໃຫ້ໃຊ້ນໍ້າຫມາກນາວແທນຈະດີກ່ວາ.

ຂໍ້ເສຍຈາກການໃຊ້ເຄື່ອງດື່ມພວກຄາເຟອິນ ຊຶ່ງມີຜົນຂ້າງຄຽງໃນຮ່າງກາຍເນື່ອງຈາກກາເຟໄປກະຕຸ້ນອະໄວຍະວະຕ່າງໆແລ້ວມີການຂັບນໍ້າອອກຈາກຮ່າງກາຍມິຜົນກະທົບຕໍ່ຕ່ອມໝວກໄຕ, ນອກຈາກນີ້ຍັງເຮັດໃຫ້ລະດັບນໍ້າຕານໃນເລືອດຜິດປົກກະຕິອີກດ້ວຍ

ນໍ້າໝາກນາວຊ່ວຍກະຕຸ້ນການເຮັດວຽກຂອງຮ່າງກາຍ ການຫຼັ່ງເອນໄຊຂອງຕັບໃນການຂັບສານພິດ ເພາະສ່ວນຫນຶ່ງສານພິດໃນຮ່າງກາຍຈະເຮັດໃຫ້ເກີດການຂັບສານຜິດເຮັດວຽກໜັັັັກ ແລະ ນໍ້າໝາກນາວໃຫ້ອອກຊີເຈນໃນຮ່າງກາຍເຮັດໃຫ້ຮ່າງກາຍສົດຊື່ນ ຊ່ວຍໃນລະບົບການຍ່ອຍອາຫານ ໝາກນາວເປັນສ່ວນໜຶ່ງໃນການເພີ່ມປະຈຸໄຟຟ້າໃນຂະບວນການເຮັດວຽກຕ່າງໆຂອງຮ່າງກາຍ ເຮັດໃຫ້ຮ່າງກາຍສົດຊື່ນ

ຫາກເຮົາດື່ມນໍ້າໝາກນາວໃນຕອນເຊົ້າແທນກາເຟຈະໄດ້ຄວາມຊຸ່ມທີ່ຄໍ ສາມາດຕໍ່ຕ້ານສານອະນຸມູນອິດສະຫຼະມີໂພແທັສຊຽມ ແລະ ແມັກນີຊຽມ ທີ່ສໍາຄັນຍັງມີວິຕາມິນຊີທີ່ເພີ່ມການໄຫຼວຽນຂອງໂລຫິດໄດ້ເປັນຢ່າງດີ ດັ່ງນັ້ນເຮົາຄວນດື່ມນໍ້າໝາກນາວດ້ວຍວິທີ່ດັ່ງຕໍ່ໄປນີ້

ນໍາເອົາໝາກນາວ 1 ໜ່ວຍ ປະສົມກັບນໍ້າ 1 ຈອກ ຖ້າບໍ່ມັກສົ້ມຫຼືບາງໜ່ວຍມີຄວາມສົ້ມຫຼາຍກໍ່ໃຊ້ນໍ້າຫຼາຍກ່າວນີ້ໄດ້ ຫລື ອາດຈະນໍາໃສ່ຕຸກເພືອນໍາໄປດື່ມນອກບ້ານໄດ້ກໍ່ດີ ອາດຈະມີການເພີ່ມຄວາມຫວານດ້ວຍນໍ້າເຜິ້ງກໍ່ຈະດີຄົບສູດເລີຍ