ເຜີຍ​ເຄັດ​ລັບ​ ເຮັດແນວໃດ​ບໍ່​ໃຫ້​ຫາວນອນໃນເວລາເຮັດວຽກ

ເຜີຍ​ເຄັດ​ລັບ​ ເຮັດແນວໃດ​ບໍ່​ໃຫ້​ຫາວນອນໃນເວລາເຮັດວຽກ

ໜຸ່ມ​ໆ​ ສາວໆ​ ຄົນ​ໃດ​ເຄີຍ​ຮູ້ສຶກ​ວ່ານ​ອນຫຼາຍຊ້ຳ​ໃດ​ກໍ​ຍັງ​ຮູ້ສຶກ​ຫາວນອນ ຮ່າງກາຍ​ບໍ່​ສົດຊື່ນເທົ່າໃດ ມື້​ນີ້​ເຮົາ​ມີ​ຄຳ​ແນະ​ນຳ​ມາ​ໃຫ້​ວ່າ​ມີ​ວິທີ​ໃດ​ຈະ​ຊ່ວຍ​ໃຫ້​ຫາຍ​ຈາກ​ອາລົມ​ຊຶມ​ໆ​ ກາຍ​ເປັນ​ສົດ​ຊື່ນ​ຂຶ້ນ​ໄດ້​ງ່າຍໆ​

1. ເມື່ອ​ຮ່າງກາຍ​ຕ້ອງ​ການ​ແດດ​ ຖືກ​ແດດ​ແດ່ໃນຕອນເຊົ້າຮັບວິຕາມິນ​ ບໍ່​ແມ່ນ​ຊີວິດ​ນີ້​ ກໍ​ຫຼົບ​ແດດ​ຢ່າງດຽວ ເປັນ​ໜຸ່ມ​ສາວ​ອັອບຟິດ​ຕ້ອງ​ຕື່ນ​ເຊົ້າ​ຢູ່​ແລ້ວ​ແມ່ນບໍ​ ສະນັ້ນ​ກ່ອນ​ໄປ​ອາບ​ນ້ຳ​ກໍ່ລຸກ​ຈາກ​ຕຽງ​ນອນອອກ​ມາ​ທັກ​ທາຍ​ແສງ​ແດດ​ຈັກປະ​ມານ​ 10 ນາ​ທີ​ ​ລະ​ບຽງຫຼືສວນ​ຢູ່​ບ້ານ​ກໍ​ຊ່ວຍ​ໃຫ້​ຮ່າງກາຍ​ຮູ້ສຶກ​ສົດຊື່ນ​ຂຶ້ນ​ໄດ້​ ຄົນ​ເຮັດວຽກ​ນັ່ງ​ໂຕະ​ຄວນ​ເຮັດ​ແບບ​ນີ້​ທຸກ​ມື້​

2. ຕື່ມ​ອອກ​ຊິ​ເຈນ​ໃຫ້​ເຕັມ​ຖັງ​ ​ເຮົາ​ລອງ​ປ່ຽນ​ຈາກ​ຂຶ້ນ​ລິບ​ ມາແລ່ນຂຶ້ນ​ຂຶ້ນ​ຂັ້ນໄດ​ຈັກ 4-5 ຊັ້ນ​ ໃນ​ບ່ອນເຮັດວຽກ​ພໍ​ໃຫ້​ເຮົາ​ໄດ້​ຫາຍ​ໃຈ​ແຮງ​ຂຶ້ນ​ ເທົ່າ​ນີ້​ກໍ​ຊ່ວຍ​ໃຫ້​ເລືອດ​ລົມ​ສູບ​ສີດ​ສົ່ງ​ໄປ​ເຖິງ​ເຊລ​ໄດ້​ຄືກັນ​

3. ເລືອກ​ອາຫານເຊົ້າ​ທີ່​ດີ​ທີ່ສຸດ​ ລະຫວ່າງ​ໄຂ່​ກັບ​ຊີ​ຣຽວຄວນ​ເລືອກ​ກິນ​ຫຍັງ​ ຄຳ​ຕອບ​ງ່າຍ​ໆ​ ເລີຍ​ຕ້ອງ​ເລືອກ​ກິນ​ໄຂ່​​ ເພາະ​ມີ​ທັງ​ໂປຼຣ​ຕິນ​ທີ່​ຈະ​ຊ່ວຍ​ປຸກ​ຮ່າງກາຍ​ຂອງ​ເຮົາ​ໃຫ້​ຕື່ນ​ຕົວ ​ແລະ ​ມີ​ພະລັງ​ສະໝອງ​ເຕັມ​ທີ່​ລະຫວ່າງ​ມື້​ ໂຢ​ເ​ກິດ​ໃນ​ຊ່ວງ​ບ່າຍໆ​ກໍ​ດີມັນ​ຊ່ວຍ​ໃຫ້​ສະໝອງ​ບໍ່​ລ້າ​ໄດ້​

4. ຊ່ວຍ​ເຫຼືອ​ຄົນ​ອື່ນ​ໃຫ້ເປັນ​ ຈາກ​ງານ​ວິ​ໄຈ​ເຜີຍ​ວ່າ​ຄົົນທີ່​ຊ່ວຍ​ງານ​ຄົນ​ອື່ນ​ຈະ​ເຮັດໃຫ້​ຮ່າງ ກາຍ​ຂອງເຂົາ​ຫຼັ່ງ​ສານ​ເອັນ​ເດີ​ຟິນ​ອອກ​ມາ​ຢ່າງ​ວ່ອງໄວ​ ແລະ ​ຄົງ​ລະ​ດັບ​ຍາວ​ນານ​ຢ່າງ​ຕໍ່​ເນື່ອງ​ຫຼາຍ​ຊົ່ວ​ໂມງ​ ເພາະ​ການ​ທີ່​ເຮົາ​ໄດ້​ຊ່ວຍ​ເຫືອ​ຄົນ​ອື່ນ​ໃຫ້​ຮູ້ສຶກ​ດີ​ ເຮົາ​ກໍ​ຈະ​ໄດ້ຮັບ​ພະລັງ​ງານ​ກັບ​ມາ​ຄື​ກັນ​

5. ຫາ​ຫຍັງ​ໃໝ່​ໆ​ ຈາກ​ສິ່ງເກົ່າໆທີ່​ເຄີຍ​ເຮັດ​ຢູ່​ ເຊັ່ນ​ ປ່ຽນ​ເສັ້ນ​ທາງ​ການ​ແລ່ນຫຼື​ການ​ຍ່າງ​ອອກ​ກຳ​ລັງ​ກາຍ​ຈາກ​ເສັ້ນ​ທາງ​ເກົ່າໆທີ່​ຄຸ້ນ​ເຄີຍໄປ​ເສັ້ນ​ທາງ​ໃໝ່​ ຈະ​ໄດ້​ປ່ຽນ​ອາລົມ​ ແລະ ​ບໍ່​ຊ້ຳ​ຊາກ​ຈຳ​ເຈ​ ແລະ​ ເພື່ອ​ເພີ່ມ​ຄວາມ​ຕື່ນ​ເຕັ້ນ​ໃຫ້​ກັບ​ຊີວິດ​ດ້ວຍ​ການ​ເຫັນ​ສິ່ງ​ໃໝ່​ໆ​

6. ເຮັດ​ຄວາມ​ສະ​ອາດ​ຫ້ອງ​ນອນ​ ນອກ​ຈາກ​ຈະ​ຊ່ວຍ​ກຳຈັດ​ເຊື້ອ​ພະຍາດ​ແລ້ວ​ຍັງ​ຊ່ວຍ​ເພີ່ມ​ບັນ​ຍາ​ກາດ​ຫ້ອງ​ນອນ​ທີ່​ສະ​ອາດ​ ແລະ ​ສະຫງົບ​ ຍັງ​ຊ່ວຍ​ໃຫ້​ເຮົາ​ນອນ​ຫຼັບ​ສະບາຍ​ ຕື່ນ​ມາສົ​ດ​ໃສ​​

7. Facebook Instagram Social ອື່ນ​ໆ​ ຮູ້​ບໍ່​ວ່າ​ການ​ຕິດ​ Social Network ເຮັດໃຫ້​ເຮົາ​ພັກ​ຜ່ອນ​ບໍ່​ພຽງ​ພໍ​ ແລະ​ ເປັນ​ສາ​ເຫດ​ຂອງ​ການ​ເກີດ​ຄວາມ​ຄຽດ ລອງ​ຫາ​ກິດຈະກຳ​ທີ່ ມ່ວນໆ ແບບ​ອື່ນ​ເຮັດ​​ ເຈົ້າ​ຈະ​ໄດ້​ລືມ​ໂທລະ​ສັບ​ໄປ​ຊ່ວງ​ໜຶ່ງ​ 

Cr: news.la