ເຜີຍ​ເຄັດ​ລັບ​ສ​ະ​ຜົມ​ໃຫ້​ຖືກ​ວິທີ..ທີ່​ຫຼາຍ​ຄົນ​ມັກເບິ່ງ​ຂ້າມ​!

ເຜີຍ​ເຄັດ​ລັບ​ສ​ະ​ຜົມ​ໃຫ້​ຖືກ​ວິທີ..ທີ່​ຫຼາຍ​ຄົນ​ມັກເບິ່ງ​ຂ້າມ​!

ຜົມ​ ເປັນ​ເລື່ອງ​ໃກ້​ຕົວ​ທີ່​ທຸກ​ຄົນ​ຕ້ອງ​ໃຫ້​ຄວາມ​ໃສ່​ໃຈ ​ແລະ ​ໝັ່ນ​ສ​ະ​ເຮັດ​ຄວາມ​ສະ​ອາດ​ຢ່າງ​ສ​ະຫມ່ຳ​ສະເໝີ​ ແຕ່​ອາດຈະ​ມີ​ຫຼາຍ​ຄົນ​ມັກ​ເບິ່ງ​ຂ້າມ​ຄວາມ​ສຳຄັນ​ແລະ​ບໍ່​ໄດ້​ໃສ່​ໃຈ​ກັບ​ການ​ສ​ະ​ຜົມ​ໃຫ້​ຖືກ​ວິທີເທົ່າໃດ ພຽງ​ເພາະ​ຄິດວ່າ​ສ​ະ​ຜົມ​ແບບໃດ​ກໍ​ສະ​ອາດ​ຄືກັນ​ 

ແຕ່​ສິ່ງ​ທີ່​ເຈົ້າ​ກຳ​ລັງ​ຄິດ...ເປັນ​ຄວາມ​ຄິດ​ທີ່​ຜິດ​ ການ​ສະ​ຜົມ​ໃຫ້​ຖືກ​ວິທີ​ເປັນ​ສິ່ງ​ຈຳ​ເປັນ​ຫຼາຍ ເພາະ​ນອກ​ຈາກ​ຈະ​ຊ່ວຍ​ໃຫ້​ຜົມ​ສະ​ອາດ​​ແລ້ວຍຍັງຈະ​ຊ່ວຍ​ໃຫ້​ຜົມ​ມີ​ສຸຂະພາບ​ດີ​ ແຂງ​ແຮງ​ ແລະ​ ເງົາ​ງາມຫຼາຍ​ຂຶ້ນ​ອີກ​ດ້ວຍ​

ການ​ສະ​ຜົມ​ທີ່​ຖືກ​ວິທີ​
1. ທຳອິດ​ ກ່ອນທີ່ຈະ​ລົງ​ມື​ສ​ະ​ຜົມ​ ຄວນ​ຫວີ​ຜົມ​ດ້ວຍ​ຫວີ​ຫ່າງ​ກ່ອນ​ທຸກ​ເທື່ອ​ເພື່ອ​ບໍ່​ໃຫ້​ຜົມ​ພັນ​ກັນ​

2.ຈາກ​ນັ້ນ​ເຂົ້າ​ສູ່​ຂັ້ນ​ຕອນ​ການ​ສ​ະ​ຜົມ​ ແຕ່​ກ່ອນທີ່ຈະ​ບີບ​ແຊມ​ພູນ​ລົງເທິ່ງ​ຜົມ​ ຈະ​ຕ້ອງ​ລ້າງ​ຜົມ​ດ້ວຍ​ນ້ຳ​ສະ​ອາດ​ກ່ອນ​ ເພື່ອ​ຊຳ​ລະ​ລ້າງ​ສິ່ງ​ສົກກະປົກ​ຈາກ​ມົນ​ລະພິດ​ຕ່າງໆ​ ທີ່​ຕ້ອງພົບມາ​ຕະຫຼອດ​ທັງ​ມື້​

3.ເທ​ແຊມ​ພູລົງ​ຝ່າ​ມື​ແລ້ວ​ຄ່ອຍ​ໆ​ ຊະ​ໂລມ​ລົງ​ເທິງ​ຜົມ​ ທັງ​ນີ້​ຄວນ​ເລືອກ​ໃຊ້​ແຊມ​ພູ​ໃຫ້​ເໝາະ​ກັບ​ສະພາບ​ເສັ້ນ​ຜົມ​ຂອງ​ແຕ່​ລະ​ຄົນ​ດ້ວຍ​ ການ​ສ​ະ​ຜົມ​ດ້ວຍ​ແຊມ​ພູ​ຄວນ​ສ​ະ​ຢ່າງ​ນ້ອຍ​ 2 ເທື່ອ​ ແລ້ວ​ລ້າງ​ນ້ຳ​ອອກ​ ໃນ​ລະຫວ່າງ​ສ​ະ​ຜົມ​ຄວນ​ຫຼີກ​ລ້ຽງ​ການ​ເກົາ​ດ້ວຍ​ເລັບ​ ຫຼື ​ເກົາຜົມ​ແຮງ​ໆ​ ແຕ່​ໃຫ້​ປ່ຽນ​ມານ​ວດ​ແທນ​ ວິທີ​ນີ້​ຈະ​ໄດ້​ນວດ​ໜັງ​ຫົວ​ໄປ​ພ້ອມ​ໆ​ກັນ​ ຊຶ່ງ​ຈະ​ເຮັດໃຫ້​​ຜ່ອນ​ຄາຍ​ ກະຕຸ້ນ​ການ​ໄຫຼ​ວຽນ​ຂອງ​ເລືອດ​ ແລະ ຍັງ​ຊ່ວຍ​ກະຕຸ້ນ​ຮາກ​ຜົມ​ໃຫ້​ແຂງ​ແຮງ​ຫຼາຍ​ຂຶ້ນ​

4.ເມື່ອສະ​ຜົມ​ດ້ວຍ​ແຊມ​ພູ​ເລັດ​ແລ້ວ​ ຈະ​ຕ້ອງ​ໃຊ້​ຄຮີມ​ນວດ​ຜົມ​ທຸກ​ເທື່ອ​ ໝັກ​ຖິ້ມ​ໄວ້​ປະ​ມານ​ 2-3 ນາ​ທີ​ ແລ້ວ​ລ້າງ​ອອກ​ໃຫ້​ສະ​ອາດ​

5.ເມື່ອ​ເຮັດ​ຄວາມ​ສະ​ອາດ​ເສັ້ນ​ຜົມ​ຮຽບຮ້ອຍ​ແລ້ວ​ໃຫ້​ໃຊ້​ຜ້າກຂົນ​ໜູ​ຄ່ອຍ​ໆ​ ຊັບ​ນ້ຳ​ ແລ້ວ​ເຊັດ​ເບົາ​ໆ​ ລູບ​ຈາກ​ດ້ານ​ເທິງ​ລົງ​ດ້ານ​ລຸ່ມ​ ໃນ​ທິດ​ທາງ​ດຽວ​ກັບ​ເສັ້ນ​ຜົມ​ ຢ່າ​ຍ້ອງ ເພາະ​ການ​ຍ້ອງ​ເປັນ​ສາ​ເຫດ​ໜຶ່ງ​ຂອງ​ຜົມຫຼົ່ນ ​ແລະ ​ພັນ​ກັນ​ ລວມ​ເຖິງ​ເຮັດໃຫ້​ຜົມ​ຫຍຸ້ງ​ບໍ່​ເປັນ​ຊົງ​ເມື່ອມັນ​ແຫ້ງ​​

6.ຈາກ​ນັ້ນ​ຖ້າ​ມີ​ເວລາ​ ຄວນ​ປ່ອຍ​ໃຫ້​ຜົມ​ແຫ້ງ​ເອງ​ຕາມ​ທຳມະຊາດ​ ບໍ່​ຄວນ​ໃຊ້​ໄດ​​ເປົ່າ​ຜົມ​ເລື້ອຍ​ໆ​ ເພາະ​ອາດ​ເປັນ​ສາ​ເຫດ​ຂອງ​ຜົມ​ແຫ້ງ​ເສຍ​ໄດ້​ ແລະ ​ບໍ່​ຄວນ​ນອນ​ໃນ​ຂະນະ​ທີ່​ຜົມ​ຍັງ​ປຽກ​ຢູ່​ ເພາະ​ອາດ​ເປັນ​ເຊື້ອ​ລາເທິ່ງ​ໜັງ​ຫົວ​ ແລະ​ ມັນຈັດ​ຊົງ​ຍາກ​​ ອີກ​ຂໍ້​ທີ່​ບໍ່​ຄວນ​ເຮັດ​ເວລາ​ຜົມ​ປຽກ​ຄື​ການ​ຫວີ​ຜົມ​ ເພາະ​ຈະ​ເຮັດໃຫ້​ເສັ້ນ​ຜົມ​ຂາດ ​ແລະ ​ຫຼຸດ​ຫຼົ່ນໄດ້​ງ່າຍ​

ສ​ະ​ຜົມ​ສະ​ອາດ​ເປັນ​ກຸນ​ແຈ​ສຳຄັນ​ຫຼາຍ​ປະ​ການ​​ ຄື​ໜັງ​ຫົວ​ຈະ​ສະ​ອາດ​ ບໍ່ມີ​ຮັງ​ແຄ​ ກຳຈັດ​ກິ່ນ​ທີ່​ບໍ່ຕ້ອງການ​ ເຮັດໃຫ້​ເຈົ້າ​ສົດ​ໃສ​ໝັ່ນໃຈ​ ແລະ​ ຖ້າສະ​ບໍ່​ສະ​ອາດ​ ​ຜົມ​ທີ່​ຖືກໃບ​ໜ້າ​ ຈະ​ເປັນ​ສາ​ເຫດ​ຂອງ​ການ​ເກີດ​ສິວ​​  ຮຽນ​ຮູ້​ວິທີ​ການ​ສ​ະ​ຜົມ​ຢ່າງ​ຖືກ​ວິທີ​ແລ້ວ​  ຢ່າ​ລືມ​ນຳ​ໄປ​ປະຕິບັດ​ ເພາະ​ສຸຂະພາບ​ຜົມ​ຈະ​ງາມ​​ໄດ້ ພຽງແຕ່ເຮົາ​ໃສ່​ໃຈ ​ແລະ ​ປ່ຽນ​ວິທີ​ສ​ະ​ຜົມ​ໃຫ້​ຖືກ​ຕ້ອງ​