ເຜີຍ​ວິທີ​ເຮັດ​ເຄັບ​ເຄັກ​ ຈາກ​ໝໍ້​ຫຸງ​ເຂົ້າ​ ບອກ​ເລີຍ​ເຮັດ​ສະບາຍງ່າຍ​​ສຸດໆ​

ທຸກ​ເທື່ອ​ທີ່​ເວົ້າ​ເຖິງ​ເຄັກ​ ​​ມັນ​ເປັນ​ຂະໜົມ​ທີ່​ມີຂະ​ບວນ​ການເຮັດ​ທີ່​ຄ່ອນ​ຂ້າງ​ຊັບ​ຊ້ອນ ແຖມ​ອຸປະກອນ​ກໍ​ຍັງ​ຕ້ອງ​ຄົບ​​ ແຕ່​ຈະ​ເຊື່ອບໍວ່າ​ເຄັບ​ເຄັກ​ສູດ​ນີ້​ ພຽງແຕ່​ມີ​ “ໝໍ້​ຫຸງ​ເຂົ້າ​” ກໍ​ເຮັດ​ໄດ້​ແວ້ວ​!!!
ນີ້​ຄື​ຮູບ​ເຄັບ​ເຄັກ​ທີ່​ໄດ້​ຈາກ​ “ໝໍ້​ຫຸງ​ເຂົ້າ​”

ມາ​ເລີ່ມ​ເຮັດ​ກັນ​ ເລີ່ມ​ຕົ້ນ​ດ້ວຍ​ວັດ​ຖຸ​ດິບ​
1. ແປ້ງ​ເຄັກ​ 500 ກຮາມ​ (ຈະ​ຮ່ອນ​ແປ້ງ​ຫຼື​ບໍ່​ຮ່ອນ​ກໍ​ໄດ້​ ເພາະ​ວ່າ​ມັນ​ຈະ​ໄດ້​ຄົນ​ປະສົມ​ກັນ​ໄດ້​ງ່າຍ​ຂຶ້ນ​)
2. ນ້ຳ​ຕານ​ຊາຍ​ 120 ກຮາມ​
3. ໄຂ່​ໄກ່​ 8 ໜ່ວຍ​ (ໃຊ້​ທັງ​ໄຂ່​ຂາວ​ແລະ​ໄຂ່​ແດງ​)
4. ເນີຍ​ 50 ກຮາມ​ (ນຳ​ໄປ​ຕັ້ງ​ໄຟ​ໃຫ້​ເນີຍ​ລະ​ລາຍ​ກ່ອນ​)
5. ນົມ​ຈືດ​ 600 ມິນ​ລິ​ລີດ​ (ອຸ່ນ​ນົມ​ໃຫ້​ພໍ​ຮ້ອນ​ນິດ​ໆ​)
6. ກິ່ນ​ວາ​ນິ​ລາ​ (ໃສ່​ກໍ​ໄດ້​ບໍ່​ໃສ່​ກໍ​ໄດ້​ແລ້ວ​ແຕ່​​)
7. ໝາກໄມ້​ຕົກ​ແຕ່ງ​ໜ້າ​ເຄັບ​ເຄັກ​ (ຫຼື​ແລ້ວ​ແຕ່​ໃຜ​ຢາກ​ເອົາ​ຫຍັງ​ແຕ່ງ​ກໍ​ຕາມ​ສະ​ດວກ)

ສ່ວນ​ຄຣີມ​ປາດ​ຊັ້ນ​ເຄັບ​ຂອງ​ເຮົາ​ກໍ​ໃຊ້ແຕ່​

1. ວິບ​ປິ້ງ​ຄຣີມ​

ອຸປະກອນ​ທີ່​ຕ້ອງ​ໃຊ້​

1. ໂຖ​ປະສົມ​ຕ່າງ​ໆ​
2. ຕ​ະ​ກໍ້​ສຳລັບ​ຕີ​ແປ້ງ​ ຕີ​ໄຂ່​
3. ໝໍ້​ຫຸງ​ເຂົ້າ​ແບບ​ເທ​ບລອນ​ ຕົວ​ເອກ​ຂອງ​ເຮົາ​
4. ຖ້ວຍ​ຕວງ​ ຖ້າ​ມີ​ກໍ​ດີ​​ ຖ້າ​ບໍ່​ມີ​ກໍ​ກະ​ໆ​ເອົາ
ວິທີ​ເຮັດ​

1. ນຳ​ໄຂ່​ທັງ​ໝົດ​ ຕີ​ປະສົມ​ທັງໝົດ​ກັບ​ນ້ຳ​ຕານ​ຊາຍ​ທັງ​ໝົດ​ ແຄ່ພໍ​ເຂົ້າ​ກັນ​ນ້ຳ​ຕານ​ລະ​ລາຍ​ ບໍ່​ຕ້ອງ​ຕີ​ຂະໜາດ​ຂຶ້ນ​ຟູ​ຫຼື​ຕັ້ງ​ຢອດ​ໄດ້.​
2. ນຳ​ແປ້ງ​ທີ່​ເຮົາ​ຮ່ອນ​ແລ້ວ​ຫຼື​ບໍ່​ຮ່ອນ​ກໍ​ໄດ້​ມາ​ປະສົມ​ຕໍ່​ ໂດຍ​ໃນ​ລະຫວ່າງ​ປະສົມ​ແປ້ງ​ລົງ​ໄປ​ໃຫ້​ຄ່ອຍ​ໆ​ເທ​ແປ້ງ​ເທື່ອ​ລະ​ນ້ອຍ​ໆ​ຄ່ອຍ​ໆ​ຄົນ​ປະສົມ​ໆ​ ຕີ​ໄປ​ເລືື່ອຍ​ໆ​ຈົນ​ໝົດ​ຕີ​ໃຫ້​ແປ້ງ​ບໍ່​ເປັນ​ເມັດ​ແລະ​ເນື້ອ​ນຽນ​ເຂົ້າ​ກັນ​ດີ.​
3. ຕາມ​ດ້ວຍ​ນຳ​ນົມ​ສົດ​ທີ່​ເຮົາ​ອຸ່ນ​ກຽມ​ໄວ້​ແລ້ວ​ ຄ່ອຍ​ໆ​ເທ​ເປັນ​ສາຍ​ນ້ອຍ​ໆ​ລົງ​ໄປ​ ຕີ​ໄປ​ເລື່ອຍ​ໆ​ຫຼື​ຈະ​ໃຊ້​ວິທີ​ການ​ຄ່ອຍ​ໆ​ໃສ່​ເທື່ອ​ລະ​ນ້ອຍ​ໆ​ ແລ້ວ​ຕີ​ໄປ​ເລື່ອຍ​ຈົນ​ສ່ວນ​ປະສົມ​ເຂົ້າ​ກັນ​ໄດ້​ດີຈົນ​ໝົດ.​
4. ຕາມ​ດ້ວຍ​ເນີຍ​ທີ່​ເຮົາ​ໄດ້​ເຮັດ​ໄດ້​ກໍ່ການ​ລະ​ລາຍ​ແລ້ວ​ ຄ່ອຍ​ໆ​ເຕີມ​ເທື່ອ​ລະ​ນ້ອຍ​ເຊັ່ນ​ດຽວ​ກັບ​ການ​ເຕີມ​ນົມ​ ພະ ຍາຍາມ​ເຮັດ​ທຸກ​ຂັ້ນ​ຕອນ​ຕາມ​ທີ່ບ​ອກ​ ຢ່າ​ໃຈ​ຮ້ອນ​ເທ​ລວດ​ດຽວ​ໝົດ​ ເພາະ​ມັນ​ຈະ​ເຮັດໃຫ້​ສ່ວນ​ປະສົມ​ເຂົ້າ​ກັນ​ໄດ້​ບໍ່​ດີ​ແລະ​ກໍ​ຍາກ​ຕໍ່​ການ​ປະສົມ​ດ້ວຍ​.
5. ນຳ​ສ່ວນ​ປະສົມ​ທີ່​ອອກ​ມາ​ນຽນ​ແລ້ວ​ນີ້​ ແຊ່​ຕູ້​ເຢັນ​ໄວ້​ ຊ່ອງ​ປົກກະຕິ​​ບໍ່​ຕ້ອງ​ເຖິງ​ຂັ້ນ​ຊ່ອງ​ຟີດ​ສົດ​ສົດ​ ໂດຍ​ປົກ ກະຕິ​ແລ້ວ​ຈະ​ແຊ່​ກັນ​ໄວ້​ເປັນ​ມື້​ ແຮງ​ດົນ​ແຮງ​ນຸ່ມ​ ແຕ່ວ່າບໍ່ສະດວກ 2 ຊົ່ວ​ໂມງ​ພໍ​ໃນ​ການເຮັດ​ເທື່ອ​ນີ້.​

ເຮົາ​ກໍ​ຈະ​ໄດ້​ແປ້ງ​ອອກ​ມາ​ໜ້າ​ຕາປະ​ມານ​ນີ້
ລະຫວ່າງ​ຖ້າແປ້ງ​ກໍ​ຫັ່ນ​ກຽມ​ໝາກໄມ້​ຫຼື​ຂອງ​ແຕ່ງ​ໜ້າ​ເຄັບ​ເຄັກ​ໄວ້​
ຄົບ​ 2 ຊົ່ວ​ໂມງ​ແລ້ວ​​ ເຮົາ​ມາ​ເລີ່ມ​ເຮັດ​ແປ້ງ​ເຄັບ​ກັນ​ເລີຍ​​
ທີ​ນີ້​ໝໍ້​ທີ່​ໃຊ້​ນີ້​ເປັນ​ໝໍ້​ແບບ​ກົດ​ເດ້ງ​ໆ​ ທຳມະດາ​ ບໍ່​ໄດ້​ເປັນ​ໝໍ້​ອຸ່ນ​ທິບ​ແຕ່​ຢ່າງ​ໃດ​​ ໝໍ້​ອັນ​ນີ້​ເປັນ​ຂະໜາດ​ 1.4 ລີດ​ ຕອນ​ທີ່​ຕັກ​ແປ້ງ​ເນີຍ​ ໃຊ້​ຖ້ວຍ​ຕວງ​ຂະໜາດ​ 1/4 Cup ຫຼື​ 60 Ml. ໃນ​ການ​ຕັກ​ແປ້ງ​ ໄປ​ເຮັດ​ແຜ່ນ​ເຄັບ​ ຈະ​ໄດ້​ຂະໜາດ​ແລະ​ຄວາມ​ບາງ​ພໍ​ດີ ໃຜ​ບໍ່​ມີ​ຖ້ວຍ​ຕວງ​ກໍ​ລອງ​ກະ​ໆ​ເອົາ ລອງ​ເຮັດໃຫ້​ໄດ້​ແປ້ງ​ແຜ່ນ​ບາງ​ໆ​ພໍ​ດີ​ໆ​

6. ຕັກ​ແປ້ງ​ລົງ​ໄປ​ໃນ​ໝໍ້​ຫຸງ​ເຂົ້າ​ເທ​ບລອນ​ເລີຍ ຈັບ​ໝໍ້​ອຽງ​ໆ​ກີ້ງ​ໆ​ແປ້ງ​ໃຫ້​ທົ່ວ​ກົ້ນ​ໝໍ້​ແລ້ວ​ກົດ​ Cook ໄດ້​ເລີຍ​

7. ເບິ່ງ​ໃຫ້​ແປ້ງ​ພໍ​ສຸກ​ໆ​ເຫຼືອງ​ໆ​ນິດ​ໜ່ອຍ​ກໍ​ພໍ​ ກໍ​ຫາ​ຕົວ​ຊ່ວຍ​ມາ​ຊ່ວຍ​ພິກ​ດ້ານ​ມັນເພື່ອ​ໃຫ້​ອີກ​ດ້ານ​ສຸກ​ເຊັ່ນ​ກັນ​ ແຕ່​ບໍ່​ຕ້ອງ​ເຖິງ​ຂະໜາດ​ໃຫ້​ແປ້ງ​ກອບ​ໃຫ້​ພໍ​ສຸກ​ແຕ່​ຍັງມີ​ຄວາມ​ນຸ່ມ​ໆ​ຢູ່​ ສ່ວນ​ໄຟ​ກໍ​ເປີດ​ Cook ແບບ​ນັ້ນ​ໄປ​ຕະຫຼອດ​​ ຖ້າ​ມັນ​ເດ້ງ​ກໍ​ກົດ​ໃໝ່​ໄປ​ເລື່ອຍ​ໆ.

8. ເຮັດ​ແປ້ງ​ໄປ​ເລື່ອຍ​ໆ​ເທື່ອ​ລະ​ແຜ່ນ​ຈະ​ໝົດ​​ ເອົາ​ແປ້ງ​ທີ່​ໄດ້​ມາ​ລຽງ​ໆ​ກັນ​ໄວ້​ເບິ່ງ​ວ່າ​ໄດ້​ຈັກ​ແຜ່ນ​ກັນ​ ໄດ້​ແປ້ງ​ອອກ​ມາ​ທັງ​ໝົດ​ 26 ແຜ່ນ​​ ຊຶ່ງ​ໂດຍ​ປົກກະຕິ​ແລ້ວ​ ເຄົ້າ​ວ່າ​ກັນ​ວ່າ​ໃນ​ການເຮັດ​ເຄັບ​ເຄັກ​ ຈັກ​ 17-20 ແຜ່ນ​ຈະ​ກຳ​ລັງ​ດີ ເພາະ​ຖ້າ​ຫຼາຍ​ໄປ​ແບບ​ເວລາ​ຕັດ​ເຄັບ​ເຄັກ​ກິນ​​ ແຜ່ນ​ເຄັບ​ມັນ​ປິ້ນ

9. ເມື່ອ​ເຮົາ​ເຮັດ​ແປ້ງ​ເຄັບ​ຈົນ​ໝົດ​ແລ້ວ​ກໍ​ພັກ​ແປ້ງ​ຖິ້ມ​ໄວ້​ໃຫ້​ເຢັນ
10. ລະຫວ່າງຖ້າ​ແປ້ງ​ເຢັນ​ ເຮົາ​ກໍ​ມາ​ຕີ​ວິບ​ປິ້ງ​ຄຣີມ​ກັນ​ດີກວ່າ​ ເພື່ອ​ໃຊ້​ໃນ​ການ​ປາດ​ຊັ້ນ​ເຄັບ​ເຄັກ​ແຕ່​ລະ​ຊັ້ນ​ກັນ​

ສູ້​ໆ​ ທ່ອງ​ໄວ້​ວ່າ​ມັນ​ຕ້ອງ​ຂຶ້ນ​ຟູຢ່າງ​ທໍ້​ແທ້​ເຫັນ​ເປັນ​ນ້ຳ​ບໍ່​ເ​ປັນຄ​ຣີມ​ຟູ​ຈັກ​ທີແລ້ວ​ເລີກອຸປະກອນ​ໃນ​ການ​ຕີ​ວິບ​ຄຣີມ​ ມີ​ເທົ່າ​ນີ້
1. ໂຖ​ຫຼື​ຊາມ​ສຳລັບ​ຕີ​
2. ວິບ​ປິ້ງ​ຄຣີມ​ ຢີ່​ຫໍ້​ຫຍັງ​ກໍ​ແລ້ວ​ແຕ່​ສະ​ດວກໃຜ​ຢາກ​ໄດ້​ຫວານ​ເພິ່ມເຕິມ​ນ້ຳ​ຕານ​​ໄປ​ໃນ​ວິບ​ປິ້ງ​ຄຣີມ​ກ່ອນ​ຕີຫຼື​ຊື້​ຢີ່​ຫໍ້​ທີ່​ມີລົດ​ຫວານ​ໜ່ອຍ​ ແຕ່​ໂດຍ​ສ່ວນ​ຕົວ​ບໍ່​ມັກ​ແບບ​ຫວານ​ໆ​ມັກ​ແບບ​ມັນ​ໆ​ຂອງ​ນົມ
3. ຕ​ະ​ກໍ້​ຕີ​ມື​
ເທັກ​ນິກ​ໃນ​ການ​ຕີ​ວິບ​ຄຣີມ​ຄື​ ວິບ​ປິ້ງ​ຄຣີມ​ຕ້ອງ​ເຢັນ​ຈັດ​ (ແຕ່​ບໍ່​ຕ້ອງ​ເຖິງ​ຂັ້ນ​ເອົາ​ໄປ​ແຊ່​ຟີດ​​) ໂຖ​ຫຼືຊາມ​ທີ່​ໃຊ້​ແນະ​ນຳ​ໃຫ້ເປັນ​ແກ້ວ​ຫຼື​ສະ​ແຕນ​ເລດ​ ນຳ​ໄປ​ແຊ່​ຊ່ອງ​ຟີດ​ຊັກ​ພັກ​ ທັງໝົດ​ເຖິງ​ຕ​ະ​ກໍ້​ທີ່​ໃຊ້​ຕີ​ດ້ວຍເອົາ​ໄປ​ແຊ່​ນຳກັນ​ໂລດຄື​ທຸກ​ຢ່າງ​ຕ້ອງ​ເຢັນ​ຈັດ​ນັ້ນ​ເອງ​ ຈະ​ເຮັດໃຫ້​ຕີ​ວິບ​ຄຣີມ​ຂຶ້ນ​ຟູ​ງ່າຍ​ຫຼາຍ​
ເວລາ​ຕີ​ວິບ​ຄຣີມ​ກໍ​ຕີ​ໃຫ້​ແຮງ​ແລະ​ໄວ​ ເພື່ອ​ນຳ​ອາ​ກາດ​ເຂົ້າໄປ​ໃນ​ຕົວ​ວິບ​ປິ້ງ​ຄຣີມ​ໃຫ້​ຫຼາຍ​ທີ່ສຸດ​ຢ່າ​ທໍ້ ຈາກ​ເປັນ​ນ້ຳ​ມັນ​ກໍ​ຈະ​ເລີ່ມ​ເ​ປັນຄ​ຣີມ​ເທື່ອ​ລະ​ນິດ​ໆ​ ຈົນ​ເປັນ​ວິບ​ຄຣີມ​ໃຫ້​ເຮົາ​ເອງອາດຈະ​ໃຊ້​ເວລາ​ຈັກ​ນິດ​ໜື່ງ​ແຕ່​ຂຶ້ນ​ແນ່ ນອນ ໃຜ​ເມື່ອຍ​ກໍ​ໄປ​ລາກ​ຫົວ​ເພື່ອນ​ຫຼື​ຄົນ​ຂ້າງ​ໆ​ມາ​ຊ່ວຍ​ກັນ​ຜັດ​ກັນ​ຕີ
ລືມ​ບອກ​ ວິບ​ຄຣີມ​ນີ້​ເຮົາ​ເຮັດ​ເທື່ອ​ລະ​ຊາມ​ກໍ​ໄດ້ເຜື່ອ​ມັນ​ເຫຼືອ​ ເອົາ​ໄວ້​ຖ້າ​ເກີດ​ວ່າ​ທາ​ແລ້ວ​ມັນ​ບໍ່​ພໍ​ ກໍ​ເອົາ​ແປ້ງ​ທີ່​ທາ​ແລ້ວ​ໄປ​ແຊ່​ຕູ້​ເຢັນ​ໄວ້​ກ່ອນ​​ວິບ​ຄຣີມ​ຈະ​ເຢີ້ມ​​ໝົດ​ ແລ້ວ​ມາ​ນັ່ງ​ຕີ​ວິບ​ຄຣີມ​ໃໝ່​​

ສຸດ​ທ້າຍ​ກໍ​ອອກ​ມາ​ເປັນ​ວິບ​ຄຣີມ​ແລ້ວ​​ ທີ​ນີ້​ວິບ​ຄຣີມ​ໄດ້​ແລ້ວ​ ແປ້ງ​ເຢັນ​ແລ້ວ​ ເຮົາ​ກໍ​ມາ​ເລີ່ມ​ຂັ້ນ​ຕອນ​ຕໍ່ໄປ
11. ນຳ​ວິບ​ຄຣີມ​ມາ​ປາດ​ໃຫ້​ທົ່ວ​ແຜ່ນ​ບາງ​ໆ​ໄປ​ເທິງ​ແຜ່ນ​ແປ້ງ​ເທື່ອ​ລະ​ແຜ່ນ​

ທາ​ໄປ ທາ​ໄປ​ ທາ​ໃຫ້​ໝົດ​ຈົນຄອນ​ບ​ທຸກ​ແຜ່ນ​

ນຳ​ເຄັບ​ເຄັກ​ມາ​ຫັ່ນ​ແບ່ງ​ຊິ້ນ​ ພ້ອມ​ກິນ ກິນ​ກັບ​ຊອດ​ສະຕໍ​ເບີ​ຮີ​ ຊອດ​ຊາ​ຂຽວ​ຫຍັງ​ກໍ​ວ່າ​ກັນ​ໄປ ​

ເຫຼືອ​ເຊື່ອ​ບໍລະ ວ່າ​ເຄັບ​ເຄັກ​ໜ້າ​ຕາ​ໜ້າ​ກິນເຫຼົ່າ​ນີ້​ ມາ​ຈາກ​ “ໝໍ້​ຫຸງ​ເຂົ້າ​” ບໍ່​ເຊື່ອ​ກໍ​ຕ້ອງ​ເຊື່ອ​ ເຫັນ​ທີ​​ຕ້ອງ​ລອງ ຫວັງ​ວ່າລົດ​ຊາດ​ຈະ​ອອກ​ມາ​ຟິນ

========================================================================================================​​