ເຜີຍ​ວິທີ​ຢຸດ​ລົດ​ ເມື່ອ​ເກີດ​ເບກ​ແຕກ​ ເຮັດ​ແບບ​ນີ້ປອດ​ໄພ​ແນ່ນອນ​

ເຜີຍ​ວິທີ​ຢຸດ​ລົດ​ ເມື່ອ​ເກີດ​ເບກ​ແຕກ​ ເຮັດ​ແບບ​ນີ້ປອດ​ໄພ​ແນ່ນອນ​

ເລື່ອງ​ການ​ຂັບ​ລົດ​ເທິງ​ຖະໜົນຫົນທາງ​ ຖື​ເປັນ​ເລື່ອງ​ທີ່​ສຳຄັນ​ໃນ​ການ​ໃຊ້​ສະຕິ​ແລະ​ຄວາມ​ບໍ່​ປະ​ມາດ​ເພື່ອ​ຊີວິດ​ທີ່ ປອດໄພ​ ການ​ດູແລຮັກສາ​ເຄື່ອງ​ຍົນ​ໃຫ້​ມີ​ຄວາມ​ພ້ອມ​ຕະຫລອດ​ເວລາ​ກໍ​ຖື​ເປັນ​ສິ່ງ​ທີ່​ຈຳ​ເປັນ​ ເພາະ​ນອກ​ຈາກ​ຈະ​ປ້ອງ​ກັນ​ອຸບັດຕິເຫດ​ແລ້ວ​ ຈະ​ຊ່ວຍ​ໃຫ້​ສະພາບ​ລົດ​ຂອງ​ເຈົ້າ​ບໍ່​ເພ​ໄວ​ອີກ​ດ້ວຍ​
ແຕ່​ຂຶ້ນ​ຊື່​ວ່າ​ອຸບັດຕິເຫດ​ ແນ່ນອນ​ວ່າ​ເປັນ​ສິ່ງ​ທີ່​ຄາດ​ເດົາ​ບໍ່​ໄດ້​ ບາງເທື່ອ​ເກີດ​ຈາກ​ຄວາມ​ບົກຜ່ອງ​ຂອງ​ລົດ​ແລະ​ອຸ ບັດຕິເຫດ​ທີ່ພົບ​ຢູ່​ເລື້ອຍໆ​ຄື​ “ເບກ​ແຕກ​” ເປັນ​ເຫດການ​ທີ່ເກິດຂື້ນ​ໄດ້​ແບບ​ກະ​ທັນ​ຫັນ​ໂດຍ​ບໍ່​ຄາດ​ຄິດ​ ແລ້ວ​ເຮົາ​ຕ້ອງ​ເຮັດ​ແນວໃດ​ເມື່ອ​ເກີດ​ເຫດການ​ແບບ​ນີ້​ຂຶ້ນ​ ມື້​ນີ້​ເຮົາ​ມີ​ວິທີ​ຈັດການ​ບັນຫາ​ນີ້​ມາ​ຝາກ​ດັ່ງ​ນີ້​
1. ຕັ້ງ​ສະຕິ​ ເມື່ອ​ຢຽບ​ເບ​ກ​ແລ້ວ​ລົດ​ບໍ່​ຊະ​ລໍ​ຫລື​ຢຸດ​ ການຕັ້ງ​ສະຕິ​ ຄິດ​ໃຫ້​ໄວ​ຂຶ້ນ​ເຮັດໃຫ້​ລົດ​ຊ້າລົງ​ ຫາ​ວິທີ​ແກ້​ບັນຫາ​ ຖ້າ​ມີ​ຊ່ອງ​ວ່າງ​ໃຫ້​ເຂົ້າ​ຂວາ​ທັນ​ທີ​ ເພາະ​ລົດ​ເບ​ກ​ແຕກ​ ຂັບ​ບໍ່​ວ່າ​ຈະ​ຊ້າ​ຫລື​ໄວ​ກໍ​ບໍ່​ປອດ​ໄພ​ທັງ​ນັ້ນ​
2. ຫຼຸດ​ຄັນ​ເລັ່ງ​ແລະ​ຄວາມ​ໄວ​ ຈຳ​ໄວ້​ວ່າ​ເຄື່ອງຍົນ​ມີ​ແຮງ​ສຽດ​ທານ​ ຈົ່ງ​ໃຊ້​ໃຫ້ເປັນ​ປະໂຫຍດ​ ທີ່ເອີ້ນວ່າ​ເອັນ​ຈິ້ນ​ ເບ​ກ​ (Engine Brake)ຫລື​ອາການ​ໜ່ວງ​ຂອງ​ເຄື່ອງ​ຍົນ ຊ່ວຍ​ໃຫ້​ຫຼຸດ​ຄວາມ​ໄວ​ຢ່າງ​ກະ​ທັນ​ຫັນ​ ເຮັດ​ໄດ້​ໂດຍ​ຢຽບ​ຄາດ ຫຼຸດ​ຕຳແໜ່ງ​ເກຍ​​ ສ່ວນ​ເກຍ​ອັດ​ຕະໂນ​ມັດ​ຖ້າ​ມີ​ໂອ​ເວີໄດ​ໃຫ້​ກົດ​ປຸ່ມ​ໂອ​ເວີໄດຫລື​ສັບ​ຕຳແໜ່ງ​ເກຍ​ ຈາກ​ D ມາ​ເປັນ​ 3 ແລະ​ຕ່ຳ​ລົງ​ມາ​ເລື່ອຍ​ໆ​ ແຕ່​ຫ້າມ​ປ່ຽນບາດ​ດຽວ​ລົງ​ມາ​ເປັນ​ L ເພາະ​ເຄື່ອງ​ຍົນ​ອາດເສຍໄດ້​  
 3. ຈັບ​ພວງ​ມະໄລ​ໃຫ້​ມັ່ນ​ແລ້ວ​ເຂົ້າຂວາ​ ເມື່ອລົດ​ເກຍ​​ຈະ​ຄ່ອຍ​ໆ​ຊ້າລົ​ງ​ ແຕ່​ບໍ່​ເຖິງ​ກັບ​ຢຸດ​ສະນິດ​ ຫາ​ທາງ​ລ້ຽວ​ຂວາ​ເຂົ້າ​ຂ້າງ​ທາງ​ ຫ້າມ​ຕື່ມ​ຄັນ​ເລັ່ງ​ ຖ້າ​ມີລົດ​ຂວາງ​ໃຫ້​ບີບ​ແກ​ເພື່ອ​ສົ່ງ​ສັນຍາ​ນ​ ຖ້າ​ເປັນ​ໄປ​ໄດ້​ຄວນ​ເປີດ​ໄຟ​ສຸກ​ເສີນ​ດ້ວຍ​
4. ເບ​ກ​ມື​ຊ່ວຍ​ໄດ້​ ແມ່ນ​ເບ​ກ​ແຕກ​ແຕ່​ເບ​ກ​ມື​ຫລື​ທີ່​ເອີ້ນວ່າ​ເບ​ກ​ສຸກ​ເສີນ​ (E-Brake/Emergency Brake) ສາມາດ​ຊ່ວຍ​ໄດ້​ ຈະ​ຊ່ວຍ​ຫຼຸດ​ຄວາມ​ໄວ​ທີ່​ລໍ້​ຫຼັງ​ ຊ່ວຍ​ໜ່ວງ​ແລະ​ຊະ​ລໍ​ໄດ້​ ແຕ່​ຈຳ​ໄວ້​ວ່າ​ຢ່າ​ດຶງ​ແຮງ​ເທື່ອ​ດຽວ​ຄ່ອຍ​ໆ​ ດຶງ​ຂຶ້ນ​ຈົນ​ສຸດ​ ຈະ​ຊ່ວຍ​ຫຼຸດ​ຄວາມ​ໄວ​ໄດ້​ດ້ວຍ​ບໍ່​ຫລາຍ​ກໍ​ນ້ອຍ​
5. ທາງ​​ຊັນ​ເຮັດແນວໃດ​ ໃນ​ກໍລະນີ​ໂຊກ​ຮ້າຍ​ພົບ​ວ່າ​ເບ​ກ​ແຕກ​ຂະນະ​ລົງ​ເຂົາ​ນັ້ນ​ ສິ່ງ​ສຳຄັນ​ຕ້ອງ​ຫຼຸດ​ຄວາມ​ໄວ​ຢູ່​ດີ​ ພຽງ​ແຕ່​ການ​ລົງ​ເຂົາ​ຈະ​ມີ​ໂມ​ເມັນ​ຕື່ມ​ຫລາຍ​ຂຶ້ນ​ຈາກ​ແຮງ​ດຶງ​ດູດ​ຂອງ​ໂລກ​ ການ​ຊະ​ລໍລົດ​ຄວນ​ເລີ່ມ​ຈາກ​ການ​ຫຼຸດ​ເກຍ​ຕ່ຳ​ລົງ​ກ່ອນ​ ແຕ່​ໃຫ້​ງົດ​ການ​ໃຊ້​ເບກ​ມື​ຈົນ​ກວ່າ​ຈະ​ເຖິງ​ຊ່ວງ​ຄວາມ​ຊັນ​ນ້ອຍ​ ຈະ​ຕອບສະຫນອງ​ໄດ້​ຊັດເຈນ​ກວ່າ​ແລະ​ບໍ່​ເຮັດໃຫ້​ເກີດ​ຄວາມ​ຮ້ອນ​ຫລາຍ​ເກີນ​ໄປ​
6 ຫ້າມ​ດັບ​ເຄື່ອງຍົນ​ທັນ​ທີ​ ເພາະ​ເຮົາ​ຈະ​ສູນ​ເສຍ​ການ​ຄວບ​ຄຸມ​ທັນ​ທີ​