ເປເອັດເຊ ພ້ອມແລ້ວທີ່ຈະລົງດວນກັບ ເຣອັນ ມາດຣິດ!!!

ກຳລັງຄຶກ!! ຊະລາຕັນ ອິບຣາຮິໂບວິດ ດາວຍິງ ເປເອັດເຊ ພ້ອມທີ່ຈະພົບກັບ ເຣອັນ ມາດຣິດ ໃນເກມ ແຊມປ້ຽນລີກ ຫຼັງຈາກທີ່ຕົນເອງຍິງ 2 ລູກ ຊ່ວຍໃຫ້ທີມບຸກໄປຊະນະ ບາສເຕຍ ໝັ້ນໃຈພົບ “ລາຊາຊຸດຂາວ” ຈະເປັນເກມທີ່ມ່ວນ.

ຊະລາຕັນ ອິບຣາຮິໂມວິດ ກອງໜ້າໂຕເກົ໋າຂອງ ປາຣີ ແຊັງ-ແຊັກແມັງ ອອກປະກາດເຕືອນ ເຣອັນ ມາດຣິດ ຍັກໃຫຍ່ຈາກ ລາ ລີກາ ສະເປນ ວ່າ ເປເອັດເຊ ພ້ອມແລ້ວທີ່ຈະລົງດວນກັບ ລາຊາຊຸດຂາວ ໃນລາຍການ ຢູຟາ ແຊມປ້ຽນລີກ ຮອບແບ່ງກຸ່ມ ສອງນັດຕໍ່ໄປ ຫຼັງຈາກທີ່ຍິງຄົນດຽວສອງປະຕູໃນເກມບຸກໄປຊະນະ ບາສເຕຍ 2-0 ເມື່ອວັນເສົາທີ 17 ຕຸລາທີ່ຜ່ານມາ.

ດາວຍິງທີມຊາດ ສະວີເດັນ ເຜີຍວ່າ “ມັນເປັນຜົນການແຂ່ງຂັນທີ່ດີໃນເກມພົບກັບ ບາສເຕຍ ເນື່ອງຈາກເຮົາສາມາດເອົາຊະນະໜຶ່ງໃນທີມທີ່ຍາກທີ່ສຸດໃນການລົງຫຼິ້ນ ເຮົາຍັງຈື່ໄດ້ເຖິງຜົນການແຂ່ງຂັນທີ່ຮ້າຍແຮງຂອງເຮົາທີ່ນີ້ເມື່ອລະດູການທີ່ຜ່ານມາ (ເປເອັດເຊ 2-4 ບາສເຕຍ) ແຕ່ວ່າເກມນີ້ເຮົາສາມາດເກັບ 3 ຄະແນນ ແລະ ສະແດງໃຫ້ເຫັນເຖິງຄວາມມຸ່ງໝັ້ນທີ່ຈະເປັນແຊ້ມລີກ”.

“ຢ່າງໃດກໍຕາມ ເກມທີ່ຈະພົບກັບ ເຣອັນ ມາດຣິດ ໃນວັນພຸດນີ້ຈະແຕກຕ່າງອອກໄປຢ່າງສິ້ນເຊີງ ເຮົາຈະລົງຫຼິ້ນໃນບ້ານພົບກັບໜຶ່ງໃນທີມທີ່ດີທີ່ສຸດໃນໂລກ ມັນຈະເປັນເກມທີ່ມ່ວນ ຕອນນີ້ພວກເຮົາສາມາດທຸ່ມເທສະມາທິໄປທີ່ເກມນີ້ ແລະ ພວກເຮົາພ້ອມແລ້ວທີ່ຈະລົງດວນກັບເຂົາ” ອິບຣາຮິໂມວິດ ກ່າວ.

.......................................................................................................................................................................................