ເປເອັດເຊເລັງດຶງໝາກເສີມຄົມ

 

ສື່ຕີ ປາຣີິ ແຊັງ-ແຊັກແມັງ ກຽມດຶງໂຕ ອອງໂຕນີ ມາຊີຢານ ກອງໜ້າທີມຊາດຝຣັ່ງຂອງ ແມນເຊສເຕີ ຢູໄນເຕັດ ມາເສີມແດນໜ້າຊ່ວງຊຳເມີນີ້ ເຫດ 2 ຫົວຫອກຄື ກາວານີ ແລະ ອິບາຮິໂມວິດ ສໍ່ແວວເກັບເຄື່ອງຍ້າຍອອກຈາກທີມໄປໃນອີກບໍ່ດົນ.

 

ປາຣີ ແຊັງ-ແຊັກແມັງ ສະໂມສອນຊັ້ນນຳຂອງ ລີກແອັງ ຕົກເປັນຂ່າວວ່າພວກເຂົາໄດ້ວາງແຜນດຶງ ອອກໂຕນີ ມາຊີຢານ ດາວຍິງໂຕເກັ່ງຂອງ ແມນເຊສເຕີ ຢູໄນເຕັດ ທີມດັງຈາກ ພຣີເມຍລີກ ມາເສີມທັບໃນຊ່ວງຊຳເມີນີ້.

ເຊື່ອກັນວ່າ ເປເອັດເຊ ອາດຈະຕ້ອງເສຍ ຊະລາຕັນ ອິບາຮິໂມວິດ ກອງໜ້າທີມຊາດສະວີເດັນທີ່ຈະໝົດສັນຍາໃນຖິ່ນ ປາກ ເດິ ແພຣັງ ເດືອນມິຖຸນານີ້ ຂະນະທີ່ ເອດິສັນ ກາວານີ ຫົວຫອກທີມຊາດອຸລຸກວາຍອາດຈະຕ້ອງຖືກຕົ້ນສັງກັດຂາຍອອກຖ້າທີມອື່ນຍື່ນຂໍ້ສະເໜີກ້ອນໃຫຍ່ເຂົ້າມາ ນັ້ນຈຶ່ງເຮັດໃຫ້ພວກເຂົາເລັງດຶງກອງໜ້າໂຕໃໝ່ເຂົ້າມາຮ່ວມທີມ ແລະ ລ່າສຸດລາຍງານລະບຸວ່າ ມາຊີຢານ ຖືເປັນຕົວເລືອກທີ່ເໝາະສົມເນື່ອງຈາກພວກເຂົາໄດ້ເບິ່ງອະນາຄົດເອົາໄວ້ແລ້ວ.

 

ຂະນະດຽວກັນສື່ຫຼາຍສຳນັກໃນປະເທດອີຕາລີຕີຂ່າວວ່າ ຢູເວັນຕຸດ ກໍຕ້ອງການດຶງ ມາຊີຢານ ເຊັ່ນກັນຫຼັງຈາກທີ່ນັກເຕະເຮັດຜົນງານໄດ້ໜ້າປະທັບໃຈໃນລະດູການທຳອິດກັບ ຜີສາດແດງ.