ເປເອັດເຊເລັງດຶງຢາຢ້າ-ສະໄວນີ້ຊ່ວງເປີດຕະຫຼາດຮອບສອງ

 

ປາຣີ ແຊັງ-ແຊັກແມັງ ຕົກເປັນຂ່າວເລັງດຶງ ຢາຢ້າ ຕູເຣ້ ແລະ ບາສຕຽນ ສະວາຍສະໄຕເກີ້ 2 ນັກເຕະສ່ວນເກີນຂອງ ແມນຊີຕີ້ ແລະ ແມນຢູ ມາຮ່ວມທັບໃນຊ່ວງປີໃໝ່ນີ້ ຫຼັງຈາກທີ່ທັງສອງບໍ່ມີອະນາຄົດກັບຕົ້ນສັງກັດ ແລະ ສາມາດຫຼິ້ນໄດ້ໃນ ຢູຟາ ແຊມປຽນ ລີກ ລະດູການນີ້.

 

ປາຣີ ແຊັງ-ແຊັກແມັງ ສະໂມສອນມະຫາເສດຖີຂອງ ລີກແອັງ ຝຣັ່ງຕົກເປັນຂ່າວວ່າກຽມທີ່ຈະເດີນໜ້າດຶງທັງ ຢາຢ້າ ຕູເຣ້ ແລະ ບາສຕຽນ ສະວາຍສະໄຕເກີ້ 2 ມິດຟິວຕົກອັບຂອງ ແມນເຊສເຕີ້ ຊີຕີ້ ແລະ ແມນເຊສເຕີ້ ຢູໄນເຕັດ ຕາມລຳດັບມາເສີມທັບໃນຊ່ວງເປີດຕະຫຼາດຮອບສອງເດືອນມັງກອນນີ້ ຈາກການລາຍງານເມື່ອວັນອາທິດທີ່ຜ່ານມາ.

 

ທັງ ຕູເຣ້ ແລະ ສະວາຍສະໄຕເກີ້ ຕາງກໍພາກັນກາຍເປັນພຽງສ່ວນເກີນຂອງຕົ້ນສັງກັດໃນລະດູການນີ້ ແລະ ໄດ້ຮັບອິດສະຫຼະທີ່ຈະຍ້າຍທີມເມື່ອຕະຫຼາດນັກເຕະເປີດຂຶ້ນອີກເທື່ອໜຶ່ງ ຂະນະທີ່ ເປເອັດເຊ ຫວັງທີ່ຈະຍື່ນຂໍ້ສະເໜີຂໍຊື້ນັກເຕະຄົນລະ 1.5 ລ້ານປອນເນື່ອງຈາກພວກເຂົາເບິ່ງຫາການເສີມທັບສຳລັບຊ່ວງເຄິ່ງຫຼັງຂອງລະດູການນີ້.

 

ສຳລັບ ຕູເຣ້ ແລະ ສະວາຍສະໄຕເກີ້ ສາມາດທີ່ຈະລົງຫຼິ້ນໃນ ຢູຟາ ແຊມປຽນ ລີກ ໄດ້ເນື່ອງຈາກວ່າພວກເຂົາບໍ່ມີລາຍຊື່ໃນການຫຼິ້ນບານຖ້ວຍເອີຣົບລະດູການນີ້ເຊິ່ງເຮັດໃຫ້ ອູໄນ ເອເມຣີ້ ນາຍໃຫຍ່ຂອງ ເປເອັດເຊ ໃຫ້ຄວາມສົນໃຈເປັນຢ່າງຍິ່ງ.