ເປເອັດເຊເລັງດຶງມາຊີຢານເສີມທັບຊຳເມີນີ້

 

ປາຣີ ແຊງ-ແຊັກແມງ ກຽມສວຍໂອກາດທີ່ ອັອງໂຕນີ ມາຊີຢານ ຫົວຫອກຂອງ ແມນເຊສເຕີ ຢູໄນເຕັດ ກັບ ໂຊເຊ ມູຣິນໂຢ ກຳລັງມີຄວາມສຳພັນທີ່ຄອນແຄນຫຼັງຈາກທີ່ຖືກນາຍໃຫຍ່ວິຈານອອກນອກໜ້າໂດຍການຍື່ນຂໍຊື້ແຄ່ງເລືອດຝຣັ່ງຢ່າງເປັນທາງການໃນຊ່ວງຊຳເມີ.

 

“ເດິ ມິນເລີ” ສື່ຂອງອັງກິດລາຍງານຂ່າວວ່າ ປາຣີ ແຊງ-ແຊັກແມງ ທີມດັງຂອງ ລີກແອັງ ຝຣັ່ງ ກຽມຍື່ນຂໍ້ສະເໜີເພື່ອດຶງ ອັອງໂຕນີ ມາຊີຢານ ກອງໜ້າທີມຊາດຝຣັ່ງຂອງ “ຜີສາດແດງ” ແມນເຊສເຕີ ຢູໄນເຕັດ ແຫ່ງເສິກ ພຣີເມຍລີກ ມາເສີມທັບໃນຊ່ວງຕະຫຼາດຊື້ຂາຍຊຳເມີນີ້ ຫຼັງຈາກນັກເຕະມີຄວາມສຳພັນທາງລົບກັບ ໂຊເຊ ມູຣິນໂຢ ຜູ້ຈັດການທີມ.

 

ດາວຍິງອາຍຸ 21 ປີທີ່ຍ້າຍມາຈາກ ອາແອສ ໂມນາໂກ ມາຫຼິ້ນໃຫ້ກັບ ແມນຢູ ດ້ວຍຄ່າຕົວເຖິງ 58 ລ້ານປອນເມື່ອປີ 2015 ມີບັນຫາຟອມຕົກ ແລະ ຖືກ “ເດິ ສະເປຊຽວ ວັນ” ວິຈານຢ່າງເປີດເຜີຍໃນຊ່ວງທີ່ຜ່ານມາ ຈົນຫຼ້າສຸດ “ເດິ ມິນເລີ” ຕີຂ່າວວ່າ ມາຊີຢານ ຮູ້ສຶກວ່າຕົນເອງກາຍເປັນແພະຮັບບາບຕໍ່ຜົນງານຂອງທີມ ແລະ ເປເອັດ ກໍພ້ອມສວຍໂອກາດດຶງນັກເຕະໃນຊ່ວງຈົບລະດູການນີ້.

 

ສຳລັບ ມາຊີຢານ ຖືກຫຼຸດບົດບາດຈາກຕົວຈິງສະໄໝ ຫຼຸຍ ຟານ ກາວ ກາຍເປັນນັກເຕະໂຣເຕຊັນຈາກການຍ້າຍມາຂອງ ເຮັນຣິກ ມາຄິຕາຢານ ຕະຫຼອດຈົນຮອດການຍາດຕຳແໜ່ງກັບ ມາຄັສ ແຣສຝອດ, ຮວານ ມາຕາ, ເຈັດຊີ ລິນກາດ ຫຼື ລວມທັງ ເວນ ຣູນີ ເຮັດໃຫ້ລະດູການນີ້ໄດ້ລົງຫຼິ້ນເປັນຕົວຈິງໃນລີກພຽງ 9 ນັດ ແລະ ຍິງ 2 ປະຕູ.

 

ບົດຄວາມໃຫມ່ໆ