ເປເອັດເຊເລັງດຶງດາວລຸ້ງຊານໂຕດຮ່ວມທັບ

 

ສື່ອີຕາລີລະບຸວ່າ ປາຣີ ແຊັງ-ແຊັກແມັງ ຂຶ້ນມາເປັນທີມເຕັງທີ່ຈະໄດ້ໂຕ ຕິອາໂກ ມາເອຍ ມິດຟິວດາວລຸ້ງຂອງ ຊານໂຕດ ໄປຮ່ວມທີມ ຄາດວ່າ ຢູເວັນຕຸດ ສູ້ຄ່າຫົວນັກເຕະບໍ່ໄຫວ.

 

ປາຣີ ແຊັງ-ແຊັກແມັງ ສະໂມສອນມະຫາເສດຖີຂອງ ລີກແອັງ ຝຣັ່ງກາຍເປັນທີມທີ່ມີໂອກາດຫຼາຍສຸດໃນການດຶງໂຕ ຕິອາໂກ ມາເອຍ ກອງກາງດາວລຸ້ງບາຊິວຂອງ ຊານໂຕດ ສະໂມສອນດັງໃນແດນກາເຟມາເສີມທັບ ຕາມການລາຍງານຈາກ ກັນໂຊແມຄາໂຕ້ ສື່ກິລາຂອງອີຕາລີເມື່ອວັນຈັນທີ່ຜ່ານມາ.

 

ມາເອຍ ໂຊຟອມໄດ້ໂດດເດັ່ນໃນການຫຼິ້ນໃຫ້ກັບທີມຊາດບາຊິວຊຸດໄດ້ຫຼຽນຄຳ ໂອລິມປິກ ເກມ 2016 ເມື່ອຊ່ວງຊຳເມີທີ່ຜ່ານມາ ແລະ ເຖິງວ່າຍັງບໍ່ເຄີຍມື່ຊື່ຕິດທັບ “ເຊເລເຊົາ” ຊຸດໃຫຍ່ ແຕ່ວ່າ ເປເອັດເຊ ໄດ້ເບິ່ງວ່າດາວເຕະ 19 ປີເປັນເປົ້າໝາຍການເສີມທັບອັນດັບຕົ້ນໆຮຽບຮ້ອຍ.

 

ຫຼ້າສຸດ ກັນໂຊແມຄາໂຕ້ ລະບຸວ່າ ປາຣີ ແຊັງ-ແຊັກແມັງ ພ້ອມທີ່ຈະຍື່ນຂໍ້ສະເໜີເງິນຈຳນວນ 17 ລ້ານປອນລ່າໂຕ ມາເອຍ ມາເສີມທັບ ໂດຍທີ່ ຢູເວັນຕຸດ ຍັກໃຫຍ່ຂອງ ກັນໂຊ ຊີຣີ ອາ ກໍມີຄວາມສົນໃຈໃນໂຕນັກເຕະລາຍນີ້ເຊັ່ນກັນແຕ່ວ່າ “ມ້າລາຍ” ອາດຈະບໍ່ທຸ່ມເງິນສູ້ກັບ ເປເອັດເຊ ໄດ້.

 

ທັງນີ້ ເຊວຊີ ແລະ ແມນເຊສເຕີ ຢູໄນເຕັດ ສອງສະໂມສອນດັງຂອງ ພຣີເມຍລີກ ກໍມີຂ່າວວ່າຢາກໄດ້ໂຕ ມາເຢຍ ເຊັ່ນກັນແຕ່ທັງສອງທີມບໍ່ມີທ່າທີຈະຍື່ນຂໍ້ສະເໜີໄປທາບທາມຢ່າງເປັນທາງການ.

 

ບົດຄວາມໃຫມ່ໆ