ເປເອັດເຊເລັງດຶງກູລັອມເສີມທັບຕະຫຼາດນັກເຕະຮອບສອງນີ້

 

ປາຣີ ແຊັງ-ແຊັກແມັງ ຫວັງເພີ່ມຄວາມໂຫດໃຫ້ກັບແນວຮັບໂດຍຫຼ້າສຸດມີຂ່າວເລັງດຶງ ຟາອູຊີ ກູລັອມ ແບັກຊ້າຍຈອມລຸຍຂອງ ນາໂປລີ ມາຮ່ວມທັບໃນເດືອນມັງກອນນີ້.

 

ປາຣີ ແຊັງ-ແຊັກແມັງ ສະໂມສອນມະຫາເສດຖີຂອງເວທີ ລີກແອັງ ຝຣັ່ງຕົກເປັນຂ່າວເມື່ອວັນຈັນທີ່ຜ່ານມາວ່າເລັງດຶງໂຕ ຟາອູຊີ ກູລັອມ ແບັກຊ້າຍຄົນເກັ່ງຂອງ ນາໂປລີ ສະໂມສອນດັງໃນ ກັນໂຊ ຊີຣີ ອາ ອີຕາລີເປັນເປົ້າໝາຍຫຼັກໃນການເສີມທັບຊ່ວງຕະຫຼາດນັກເຕະຮອບສອງເດືອນມັງກອນນີ້.

 

ເຖິງຍັງບໍ່ເປັນທີ່ແນ່ນອນວ່າ ນາໂປລີ ຈະຍອມປ່ອຍ ກູລັອມ ອອກຈາກທີມຫຼືບໍ່ແຕ່ວ່າ ອິວ ມັດຕິໂນ ສື່ດັງຂອງແດນກະໂລນີລະບຸວ່າເວລານີ້ ຄຣິສຕຽນໂນ ຈຸນໂຕລີ ຜູ້ອຳນວຍການກິລາ ນາໂປລີ ເລີ່ມເບິ່ງຫາຕົວແທນຂອງດາວເຕະທີມຊາດແອວຈີເລຍແລ້ວໂດຍເລັງນັກເຕະຄື ດານິໂລ ດຳໂບຣຊິໂອ ຂອງ ອິນເຕີ ມິລານ, ມັດເຕໂອ ດາມຽນ ຂອງ ແມນເຊສເຕີ ຢູໄນເຕັດ ແລະ ຣິກ ຄາສດັອບ ຂອງ ເຟເຢນູດ ຣັອດເຕີດຳ ເອົາໄວ້.

 

ທັງນີ້ ກູລັອມ ລົງຫຼິ້ນໃຫ້ກັບ ນາໂປລີ ໄປແລ້ວທັງໝົດ 115 ນັດນັບຕັ້ງແຕ່ຍ້າຍມາຈາກ ແຊງ-ເອຕຽນ ເມື່ອປີ 2014.