ເປເອັດເຊສົນດຶງມືກາວອິນເຕີຮ່ວມທັບ

 

ປາຣີ ແຊັງ-ແຊັກແມັງ ສົນດຶງ ຊາມີ ຮັນດາໂນວິດ ນາຍທະວານຈາກ ອິນເຕີ ມິລານ ມາເຝົ້າເສົາ ຫຼັງບໍ່ແຮັບປີກັບ ເຄວິນ ແທຣັບ ແລະ ຊັນວາຕໍເລ ຊີຣີກູ 2 ຕົວເລືອກໃນປັດຈຸບັນ ຄາດວ່າຄ່າໂຕນັກເຕະຈະບໍ່ຕ່ຳກວ່າ 15 ລ້ານເອີໂຣແນ່ນອນ.

 

ເປເອັດເຊ ສະໂມສອນແຊມ ລີກແອັງ ຕົກເປັນຂ່າວວ່າສົນໃຈທີ່ຈະດຶງ ຊາມີ ຮັນດາໂນວິດ ນາຍທະວານ “ງູໃຫຍ່” ອິນເຕີ ມິລານ ສະໂມສອນຍັກໃຫຍ່ຈາກ ກັນໂຊ ຊີຣີ ອາ ມາເຝົ້າເສົາໃນຊ່ວງພັກລະດູການນີ້ຈາກການລາຍງານເມື່ອວັນຈັນທີ່ຜ່ານມາ.

 

ເປເອັດເຊ ຫາກໍດຶງ ເຄວິນ ແທຣັບ ເມື່ອຊ່ວງພັກລະດູການທີ່ຜ່ານມາແຕ່ວ່າມືກາວກໍສ້າງຄວາມຜິດພາດຂຶ້ນຫຼາຍຄັ້ງ ຂະນະທີ່ ຊັນວາຕໍເລ ຊີຣີກູ ຕົວສຳຮອງກໍບໍ່ເປັນທີ່ຕ້ອງການຂອງ ໂລຣອງ ບຣອງ ນາຍໃຫຍ່ຂອງທີມເຮັດໃຫ້ ນິໂກລາ ດູເຊດ ນາຍທະວານມື 3 ໄດ້ຮັບໂອກາດລົງເຝົ້າເສົາໃນເກມລີກນັດສຸດທ້າຍຂອງລະດູການເມື່ອທ້າຍອາທິດທີ່ຜ່ານມາ.

 

ຮັນດາໂນວິດ ບໍ່ປິດບັງວ່າເຂົາຕ້ອງການທີ່ຈະຫຼິ້ນໃນ ຢູຟາ ແຊມປຽນລີກ ແລະ ກັດເຊັດຕາ ເດໂລ ສະປອດ ກໍລາຍງານວ່າ ເປເອັດເຊ ໃຫ້ຄວາມສົນໃຈເຂົາໂດຍເຊື່ອວ່າ ອິນເຕີ ຈະຕັ້ງຄ່າຫົວນັກເຕະໄວ້ບໍ່ຕ່ຳກວ່າ 15 ລ້ານເອີໂຣແຕ່ຄາດວ່າທີມດັງຈາກເມືອງປາຣີຫວັງທີ່ຈະໄດ້ໂຕໃນລາຄາທີ່ຕ່ຳກວ່ານັ້ນໂດຍການແຖມ ຊີຣີກູ ໃຫ້ອີກ.

 

ປັດຈຸບັນ ຊີຣີກູ ມີສັນຍາຈົນຮອດປີ 2018 ແລະ ເຊື່ອວ່າເຂົາສົນໃຈທີ່ຈະກັບໄປຫຼິ້ນໃນ ຊີຣີ ອາ ອີກຮອບໜຶ່ງ.