ເປເອັດເຊທຸ່ມ 70 ລ້ານເອີໂຣລ່າໂຕອະເລັກຊິສ

 

ສື່ຕີຂ່າວ ປາຣີ ແຊັງ-ແຊກແມງ ພ້ອມທຸ່ມເງິນເຖິງ 70 ລ້ານເອີໂຣເພື່ອຫວັງໃຫ້ ອາເຊນອນ ຍອມຂາຍ ອະເລັກຊິສ ຊານເຊດ ປີກຄົນສຳຄັນມາຫຼິ້ນໃນຮັງ ປາກ ເດີ ແພຣັງ ຫຼັງຈາກທີ່ “ເດິ ກັນເນີ” ຍັງຫຼິ້ນໄມ້ແຂງເລື່ອງຄ່າເມື່ອຍຈໍານວນມະຫາສານໃນສັນຍາໃໝ່ຂອງນັກເຕະຢູ່.

 

ປາຣີ ແຊງ-ແຊກແມງ ສະໂມສອນມະຫາເສດຖີຂອງ ລີກແອັງ ຝຣັ່ງຕົກເປັນຂ່າວວ່າກຽມຢືນຢັນຂໍ້ສະເໜີຈຳນວນມະຫາສານເຖິງ 70 ລ້ານເອີໂຣຫວັງດຶງ ອະເລັກຊິສ ຊານເຊດ ປີກທີມຊາດຊີລີຂອງ “ປືນໃຫຍ່” ອາເຊນອນ ທີມຍັກຫຍ່ຈາກເວທີ ພຣີເມຍລີກ ມາເສີມທັບໃນເກມບຸກໃຫ້ໄດ້.

 

ກອງໜ້າ ປືນໃຫຍ່ ເຫຼືອສັນຍາໃນຖິ່ນ ເອມິເຫຼດ ສະເຕດຽມ ອີກພຽງແຕ່ 18 ເດືອນເທົ່ານັ້ນ ແລະ ຄາດວ່າຍັງມີເຈລະຈາເລື່ອງສັນຍາໃໝ່ກັບຕົ້ນສັງກັດຢ່າງຕໍ່ເນື່ອງແຕ່ເບິ່ງຄືວ່າ “ເດິ ກັນເນີ” ຍັງມີເລື່ອງຄ່າເມື່ອຍກ້ອນໃຫຍ່ໃນສັນຍາໃໝ່ຢູ່ ຂະນະດຽວກັນ ອະເລັກຊິສ ກໍຕົກເປັນຂ່າວວ່າອາດຍ້າຍໄປຫຼິ້ນປະເທດຈີນເຊັ່ນກັນແຕ່ວ່າຫຼ້າສຸດມີລາຍງານລະບຸວ່າ “ເປເອັດເຊ” ພ້ອມຈົກເງິນສູງປະມານ 70 ລ້ານເອີໂຣເພື່ອດຶງ ອະເລັກຊິສ ໄປຮ່ວມທັບ.

 

ສຳລັບ ອະເລັກຊິສ ເຮັດຜົນງານໄດ້ຢ່າງສຸດຍອດໃຫ້ຕົ້ນສັງກັດໃນລະດູການນີ້ໂດຍຍິງໄປແລ້ວເຖິງ 13 ປະຕູ ແລະ ເຮັດໄດ້ອີກ 6 ແອັດຊິດໃນ ພຣີເມຍລີກ.