ເປເອັດເຊກຽມຈັດໜັກທຸ່ມ 200 ລ້ານປອນເພື່ອດຶງເນມາປີໜ້າ

 

 

ເປເອັດເຊ ກຽມຈັດໜັກທຸ່ມເງິນ 200 ລ້ານປອນໃນຊ່ວງຊຳເມີປໜ້າເພື່ອດຶງ ເນມາ ດາວຍິງແຊມບ້າມາເສີມທັບໃຫ້ໄດ້ເຖິງວ່າເຄີຍຖືກ ບາເຊໂລນາ ບອກປັດໄປເມື່ອໜ້າຮ້ອນທີ່ຜ່ານມາກໍຕາມ.

 

ປາຣີ ແຊັງ-ແຊັກແມັງ ສະໂມສອນມະຫາເສດຖີຂອງ ລີກແອັງ ຝຣັ່ງພ້ອມທຸ່ມຂໍ້ສະເໜີ 200 ລ້ານປອນລໍ້ໃຈ ບາເຊໂລນາ ຍັກໃຫຍ່ຂອງ ລາ ລີກາ ສະເປນໃຫ້ຍອມປ່ອຍ ເນມາ ກອງກາງຈອມພິ້ວມາເສີມຄວາມຄົມຊ່ວງໜ້າຮ້ອນປີໜ້າຈາກການລາຍງານຂອງ “ເດິ ຊັນ” ເມື່ອວັນອັງຄານທີ່ຜ່ານມາ.

 

ແຊມລີກເມືອງນຳ້ຫອມ ກຳລັງວາງແຜນທຸກຢ່າງເພື່ອດຶງດາວຍິງທີມຊາດບາຊິວມາໂຊລີລາໃນຖິ່ນ ປາກ ເດີ ແພຣງ ໃຫ້ໄດ້ຫຼັງຈາກທີ່ເຄີຍຍື່ນຂໍ້ສະເໜີຊ່ວງໜ້າຮ້ອນທີ່ຜ່ານມາແລ້ວແຕ່ຖືກ ບາຊາ ປະຕິເສດແຕ່ມີລາຍງານວ່າ ເປເອັດເຊ ຍັງບໍ່ທໍ້ຖອຍ ແລະ ພ້ອມເພີ່ມຂໍ້ສະເໜີທີ່ຢົ້ວໃຈກວ່າເກົ່າໃນປີ 2017.

 

ນາສເຊີ ເອົາ-ເຄໄລຟີ ປະທານ ປາຣີ ຈະຍື່ນຂໍ້ສະເໜີດັ່ງກ່າວພ້ອມຄ່າເມື່ອຍ 22.5 ລ້ານປອນຕໍ່ປີຕະຫຼອດສັນຍາທີ່ຍື່ນໃຫ້ຮອດປີ 2021 ເຊິ່ງທຽບເທົ່າກັບທີ່ ລີໂອເນວ ເມສຊີ ສະຕາດັງໄດ້ຮັບກັບ ບາຊາ ໃນປັດຈຸບັນ.

 

ບົດຄວາມໃຫມ່ໆ