ເປືອກ​ໝາກ​ມ່ວງ​ກິນ​ໄດ້​ ເ​ເຖມ​ຍັງມີ​ປະໂຫຍດ​ກັບ​ຮ່າງກາຍມະຫາ​ສານ​

ເປືອກ​ໝາກ​ມ່ວງ​ກິນ​ໄດ້​ ເ​ເຖມ​ຍັງມີ​ປະໂຫຍດ​ກັບ​ຮ່າງກາຍມະຫາ​ສານ​

ນອກ​ຈາກ​ໝາກ​ມ່ວງ​ແຕ່​ລະ​ພັນ​ຈະ​ມີລົດ​ຊາດ​ຄວາມແຊບ​ທີ່​ແຕກ​ຕ່າງ​ກັນ​ແລ້ວ​ ຍັງມີ​ປະໂຫຍດ​ຕໍ່​ຮ່າງກາຍ​ຫຼາຍ​ຢ່າງ​ ແຕ່​ຍັງມີ​ສ່ວນໜຶ່ງ​ຂອງ​ໝາກ​ມ່ວງ​ທີ່​ເຮົາ​ເບິ່ງ​ຂ້າມ​ ນັ້ນ​ກໍ​ ຄື​ “ເປືອກ​ໝາກ​ມ່ວງ​”

ເຮົາ​ຈະກ່າວເຖິງ​ໝາກ​ມ່ວງ​ເຄິ່ງ​ສຸກ​ແລະ​ສຸກ​ ເພາະ​ຈະ​ມີ​ຄວາມ​ຝາດ​ນ້ອຍ​ກວ່າ​ໝາກ​ມ່ວງ​ດິບ​ ຊຶ່ງ​ກ່ອນທີ່ຈະ​ກິນ​ເປືອກ​ໝາກ​ມ່ວງ​ນັ້ນ​ ຄວນ​ຈະ​ທົດສອບ​ໃຫ້​ແນ່​ໃຈ​ວ່າ​ເຮົາ​ແພ້​ໜ່ວຍ ໄມ້​ຊະນິດ​ນີ້​ຫຼື​ບໍ່​ ໂດຍ​ນຳ​ເປືອກ​ໝາກ​ມ່ວງ​ມາ​ຖູ​ບໍລິເວນ​ຜິວ​ໜັງ​ທີ່​ອ່ອນ​ ຄືທ້ອງ​ແລະແຂນ​ ຫາກ​ມີ​ຜື່ນ​ແດງ​ ຈາກ​ການແພ້​ ກໍ​ຄວນ​ຫຼີກ​ລ້ຽງ​

ປະໂຫຍດ​ນານາ​ເຈົ້າ​ຂອງ​ເປືອກ​ໝາກ​ມ່ວງ​

ຊ່ວຍ​ຮັກສາ​ລະ​ດັບ​ນ້ຳ​ຕານ ​ແລະ ​ຫຼຸດ​ຄໍ​ເລດ​ເຕີ​ຣໍ – ສານ​ອາຫານ​ທີ່​ຢູ່ໃນ​ເປືອກ​ໝາກ​ມ່ວງ​ຈະ​ຊ່ວຍ​ຄວບ​ຄຸມ​ລະ​ດັບ​ຂອງ​ນ້ຳ​ຕານ​ໃນ​ເລືອດ​ ແລະ​ ຫຼຸດ​ລະ​ດັບ​ຄໍ​ເລດ​ເຕີ​ຣໍໄດ້​ ແຕ່​ສຳລັບ​ຄົົນທີ່​ມີຄໍເລດ​ເຕີ​ຣໍດີ​ຢູ່ໃນ​ປະລິມານ​ທີ່​ເໝາະ​ສົມ​ ບໍ່​ຄວນ​ບໍ​ລິໂພກ​ ເພາະ​ຈະ​ເຮັດໃຫ້​ຄໍ​ເລດ​ເຕີ​ຣໍ​ຫຼຸດລົງ​ຈົນ​ບໍ່​ສົມ​ດຸນ​ກັບ​ຮ່າງກາຍ​

ຊ່ວຍ​ຫຼຸດ​ຄວາມ​ສ່ຽງ​ເກີດ​ມະ​ເຮັງ – ເປືອກ​ໝາກ​ມ່ວງ​ອຸດົມ​ໄປ​ດ້ວຍ​ສານ​ຕ້ານ​ອະ​ນຸ​ມູນ​ອິດສະຫຼະ​ ຊຶ່ງ​ຈະ​ຊ່ວຍ​ປ້ອງ​ກັນ​ການ​ປ່ຽນ​ແປງ​ຂອງ​ເຊລ​ ທີ່​ຈະ​ນຳ​ໄປ​ສູ່​ການ​ກໍ່ມະ​ເຮັງ​

ຊ່ວຍ​ຕ້ານ​ອາການ​ອັກ​ເສບ​ – ຜູ້​ຊ່ຽວ​ຊານ​ກ່າວ​ວ່າ​ ພາ​ວະ​ການ​ອັກ​ເສບ​ ຈະ​ເຮັດໃຫ້​ພະຍາດ​ທີ່​ເປັນ​ຢູ່​ມີ​ອາການ​ຮຸນແຮງ​ຂຶ້ນ​ ຊຶ່ງ​ການ​ກິນ​ເປືອກ​ໝາກ​ມ່ວງ​ຈະ​ຊ່ວຍ​ຫຼຸດ​ຄວາມ​ສ່ຽງ​ໃນ​ການ​ ອັກ​ເສບ​ຂອງ​ 3 ພະຍາດ​ໄດ້​ເປັນ​ຢ່າງ​ດີ​ ໄດ້​ແກ່​ ພະຍາດ​ໄຂ​ຂໍ້​ ພະຍາດ​ເບົາ​ຫວານ​ ແລະ​ ພະຍາດ​ອຳໄຊ​ເມີ​​

ຊ່ວຍ​ບຳ​ລຸງ​ສາຍ​ຕາ​ – ບໍ່​ພຽງ​ໃນ​ຊີ້ນ​ຂອງ​ໝາກ​ມ່ວງ​ຈະ​ມີ​ວິ​ຕາ​ມິນ​ A ສູງ​ເທົ່າ​ນັ້ນ​ ບໍລິເວນ​ເປືອກ​ຂອງ​ໝາກ​ມ່ວງ​ກໍ​ອຸດົມ​ໄປ​ດ້ວຍ​ສານ​ເບ​ຕ້າ​ແຄ​ໂຣ​ທີນ​ ແລະ​ ວິ​ຕາ​ມິນ​ A ຄືກັນ​ ຊຶ່ງ​ມີ​ ສ່ວນ​ຊ່ວຍ​ໃນ​ການ​ບຳ​ລຸງ​ສາຍ​ຕາ​ ແລະ ​ນັບ​ເປັນ​ສານ​ອະ​ນຸ​ມູນ​ອິດສະຫຼະ​ທີ່​ເປັນ​ເກາະ​ປ້ອງ​ກັນ​ເລ​ຕິ​ໜ້າ​ (ຈໍ​ຕາ​) ບໍ່​ໃຫ້​ເສື່ອມ​ສະພາບ​ອີກ​ດ້ວຍ​

ຊ່ວຍ​ບຳ​ລຸງ​ຜິວ​ພັນ​ – ເປືອກ​ໝາກ​ມ່ວງ​ຊ່ວຍ​ເຮັດໃຫ້​ຜິວ​ພັນ​ເບິ່ງ​ອ່ອນ​ເຍົາ​ ເນື່ອງ​ຈາກ​ອຸດົມ​ໄປ​ດ້ວຍ​ວິ​ຕາ​ມິນ​ C ນອກ​ຈາກ​ຈະ​ກິນ​ເປືອກ​ແລ້ວ​ ເນື້ອໝາກ​ມ່ວງ​ສຸກ​ຍັງ​ເອົາ​ມາບົ​ດ​ໃຫ້​ລະອຽດ​

ພອກ​ໜ້າ​ໄວ້​ 15 ນາ​ທີ​ ຮັບຮອງ​ຜິວ​ພັນ​ສົດຊື່ນ​ດັ່ງ​ໃຈ​

ຊ່ວຍ​ຄວບ​ຄຸມ​ນ້ຳ​ໜັກ​ – ເປືອກ​ໝາກ​ມ່ວງ​ເຕັມ​ໄປ​ດ້ວຍ​ໄຟ​ເບີ​​ ຊຶ່ງ​ເປັນ​ກາກ​ໃຍ​ທີ່​ຈະ​ຊ່ວຍ​ໃຫ້​ເຮົາ​ອິ່ມ​ໄວ​ຂຶ້ນ​ ແລະ ​ເຮັດໃຫ້​ຢາກ​ອາຫານ​ນ້ອຍ​ລົງ​ ທັງ​ຍັງ​ເລັ່ງ​ການ​ເຜົາ​ຜານ ​ແລະ ​ຍ່ອຍ​ ອາຫານ​ໄດ້​ດີ​

ວິທີ​ການ​ກິນ​ທີ່​ຈະ​ເຮັດໃຫ້​ເປືອກ​ໝາກ​ມ່ວງ​ມີລົດ​ຊາດ​ບໍ່​ຝືດ​ຂົມ​ຕິດ​ລີ້ນ​ຄືທີ່​ຫຼາຍ​ຄົນ​ກັງ​ວົນ​

1.ຝານ​ເປືອກ​ໝາກ​ມ່ວງ​​ບາງ​ໆ​ ລ້າງ​ຢາງ​ອອກ​ໃຫ້​ສະ​ອາດ​ ນຳ​ມາ​ຊ່ອຍ​ເປັນເນື້ອ​ນ້ອຍ​ໆ​

2.ນຳ​ໄປ​ດອງ​ໃນ​ນ້ຳ​ເກືອ​ ຄ້າຍ​ໝາກ​ມ່ວງ​ດອງ​

3.ອີກ​ວິທີ​ຄື​ ນຳ​ໄປ​ຕາກ​ແດດ​ ຫຼັງ​ຈາກ​ນັ້ນ​ນຳ​ໄປ​ອົບ​ ຫຼື​ ທອດ​ກອບ​

ຮູ້​ແບບ​ນີ້​ແລ້ວ​ ຄາວ​ໜ້າ​ເວລາ​ປອກ​ເປືອກ​ໝາກ​ມ່ວງ​ ຢ່າ​ໂຢນ​ຖິ້ມ​ລົງ​ຖັງ​ຂີ້ເຫຍື້ອ​ ລອງ​ເກັບ​ມາ​ເຮັດ​ຕາມ​ວິທີ​ຂ້າງ​ເທິງ​ເບິ່ງ​ ເປັນ​ການ​ກິນ​ໝາກ​ມ່ວງ​ທີ່​ໄດ້​ປະໂຫຍດ​ສູງ​ສຸດ​ເກືອບ​ທຸກ​ສ່ວນ​ ແຖມ​ຍັງ​ດີ​ຕໍ່​ຮ່າງກາຍ​ອີກ​ດ້ວຍ​