ເປີດໂຕ Huawei P20 Series ສຸດຍອດການອອກແບບ ແລະກ້ອງຂັ້ນເທບ

ເປີດໂຕ Huawei P20 Series ສຸດຍອດການອອກແບບ ແລະກ້ອງຂັ້ນເທບ

ຫົວເຫວີຍເປີດໂຕ HUAWEI P20 ແລະ HUAWEI P20 Pro ທີ່ທົ່ວໂລກຕັ້ງຕາລໍຖ້າ ທີ່ Grand Palais, Exhibition Hall and Museum Complex ມະຫານະຄອນປາຣີ ປະເທດຝລັ່ງ ໂດຍ HUAWEI P20 Pro ເປັນສະມາດໂຟນລຸ້ນທຳອິດຂອງໂລກທີ່ມາພ້ອມກັບກ້ອງຫລັງ 3ໂຕ ທີ່ພັດທະນາຮ່ວມກັບ Leica ແລະເທັກໂນໂລຢີປັນຍາປະດິດ ຫລື AI (Artificial Intelligence) ນັ້ນເອງ ອັນກ້າວລ້ຳ ການປະສານເທັກໂນໂລຢີແລະການອອກແບບທີ່ຈະມາຊ່ວຍປະດັບປະສົບການໃຊ້ສະມາດໂຟນຂຶ້ນໄປອີກຂັ້ນ

 

 

 

HUAWEI P20 Series ໂດດເດັ່ນເກີນໃຜ ດ້ວຍນະວັດຕະກຳແຫ່ງອານາຄົດ

ນະວັດຕະກຳກ້ອງອັນລ້ຳໜ້າ ຊ່ວຍເພີ້ມຄວາມສາມາດໃນການຮັບແສງ ເກັບລາຍລະອຽດຮູບພາບໄດ້ຫລາຍຂຶ້ນ ໃຫ້ຮູບງາມຍິ່ງກວ່າທີ່ເຄີຍ ປະຕິວັດວົງການສະມາດໂຟນດ້ວຍກ້ອງຫລັງ 3ໂຕຈາກ Leica ທີ່ມາພ້ອມກັບລະບົບ Hybrid Zoom 5ເທົ່າ ໃນ HUAWEI P20 Pro ແລະກ້ອງຄູ່ຈາກ Leica ໃນ HUAWEI P20 ທີ່ພັດທະນາມາໃຫມ່ແບບສຸດໆ

ນະວັດຕະກຳສຳລັບການຖ່າຍຮູບ Master AI ເທັກໂນໂລຢີປັນຍາປະດິດສຳລັບການຖ່າຍຮູບແບບມືອາຊີບ ແລະ Huawei AIS (AI Image Stabilization) ເທັກໂນໂລຢີປ້ອງກັນພາບສັ່ນໄຫວທີ່ຄວບຄຸມໂດຍ AI

ການອອກແບບທີ່ເໜືອການເວລາ ດ້ວຍຂອບໜ້າຈໍທີ່ບາງລົງ ແລະສີສັນສວຍງາມ ສະດຸດຕາທີ່ແປກໃຫມ່ ບໍ່ຊ້ຳໃຜໃນຮູບແບບໄລ່ເສດສີຢ່າງມີມິຕິ

ທີສຸດປະສິດທິພາບດ້ານເຮັດວຽກ ຈາກໜ່ວຍປະມວນຜົນ Kirin 970 ແລະໜ່ວຍປະມວນຜົນພິເສດ (NPU) ທີ່ມາພ້ອມກັບ EMUI 8.1  ແລະລະບົບປະຕິບັດການ Android 8.1 ເພື່ອປະສົບການໃຊ້ງານທີ່ເໜືອລະດັບ

ການປະສົມປະສານສາດແລະສິນທີ່ລົງໂຕຢ່າງງົດງາມທີ່ລ້ຳສະໄຫມ

ທັງສອງລຸ້ນນີ້ ມາພ້ອມກັບສີສັນ ແລະການອອກແບບອັນລ້ຳສະໄຫມ ເຊິ່ງເປີດໂຕດ້ວຍສີສັນແປກໃຫມ່ບໍ່ຊ້ຳໃຜ ຄັ້ງທຳອິດກັບສະມາດໂຟນໃນສີ Twilight ແລະ Pink Gold ເຊິ່ງຄັດສັນຂຶ້ນຈາກການເຄືອບ NVMC* ຊ້ອນທັບກັນຫລາຍຊັ້ນໄດ້ຝາຫລັງທີ່ຜະລິດຈາກແກ້ວ ເສດສີຈະປ່ຽນໄປມາຍາມຕ້ອງແສງ ອີກທັງສະມາດໂຟນທັງສອງລຸ້ນຍັງວາງຈຳໜ່າຍໃນສີ Black ແລະ Midnight Blue ນຳອີກ

 

P20 ມີຂະໜາດຈໍ 5.8 ນິ້ວ ແລະ P20Pro ມີຂະໜາດໜ້າຈໍ 6.1ນິ້ວ ມາພ້ອມກັບຂອບໜ້າທີ່ບາງແລະມີອັດຕາສ່ວນໜ້າຈໍຕໍ່ຂະໜາດໂຕເຄື່ອງທີ່ກວ້າງຂຶ້ນເພື່ອປະສົບການການຮັບຊົມ ຫລິ້ນເກມ ແລະອ່ານຂໍ້ມູນເທິງໜ້າຈໍທີ່ດີຍິ່ງຂຶ້ນກວ່າທີ່ເຄີຍ ໜ້າຈໍແບບ Full View ສ້າງຄວາມລົງໂຕໃຫ້ແກ່ໜ້າຈໍກັບຂອບ ໂຕເຄື່ອງທີ່ໂຄ້ງມົນໄດ້ຢ່າງບໍ່ມີທີ່ຕິ ແລະຊ່ວຍໃຫ້ຈັບໄດ້ງ່າຍຂຶ້ນ

“ແສງ” ແລະ “ເທັກໂນໂລຢີ” ຄືແຮງບັນດານໃຈໃນການອອກແບບສະມາດໂຟນເພື່ອຄົນຮັກການຖ່າຍຮູບ

ສະມາດໂຟນ P20 Pro ເປີດໂຕພ້ອມກັບຊຸດກ້ອງຫລັງ 3ໂຕທີ່ພັດທະນາຮ່ວມ Leica ອີກທັງໃຫ້ຮູບພາບທີ່ມີຈຳນວນພິກເຊວສູງທີ່ສຸດໃນກຸ່ມສະມາດໂຟນໃນປັດຈຸບັນ ປະກອບໄປດ້ວຍເຊັນເຊີ້ຮັບແສງແບບ (RGB Sensor) ຂະໜາດ 40ລ້ານພິກເຊວ ເຊັນເຊີ້ຮັບແສງສີຂາວດຳ  (Monochrome Sensor) ຂະໜາດ 20ລ້ານພິກເຊວ ແລະເຊັນເຊີ້ຮັບແສງສຳລັບການຖ່າຍຮູບຈາກໄລຍະໄກຂະໜາດ 8ລ້ານພິກເຊວ (Telephoto Lens) ທັງຍັງມີລະບົບປະມວນຜົນຮູບພາບ ແລະ ການສ້າງໂທນສີ  ແລະ ອຸນຫະພູມຂອງຮູບຖ່າຍໃນເສດສີເອກະລັກຂອງ Leica ຊ່ວຍໃຫ້ຖ່າຍຮູບໄດ້ງາມເຖິງຂີດສຸດ P20 Pro ມີຄວາມກວ້າງຮູຮັບແສງທີ່ f/1.8 1.6 ແລະ 2.4 ຊ່ວຍໃຫ້ບັນທຶກຮູບພາບໄດ້ແຈ້ງແລະຄົມຊັດຂຶ້ນ ເກັບລາຍລະອຽດໄດ້ຢ່າງຄົບຖ້ວນ ທັງຍັງໃຊ້ເລນສ Leica ລຸ້ນໃຫມ່ ທີ່ມາພ້ອມລະບົບຊູມແບບ Optical Hybrid 5ເທົ່າ  ສຳລັບການຖ່າຍຮູບໄລຍະໄກ ນອກຈາກນີ້ຍັງມີເຊັນເຊີ້ຮັບຮູບພາບຂະໜາດ 1/1.7 ນິ້ວ (ປະມານ 7.76 x 5.82 ມມ.) ຊ່ວຍໃຫ້ສາມາດບັນທຶກຮູບພາບໃນສະພາບແສງນ້ອຍໄດ້ເຖິງລະດັບ ISO 102400

ໂຕຈິງດ້ານການຖ່າຍຮູບດ້ວຍ AI ສຳລັບທຸກຄົນໃນທຸກເວລາ

Huawei P20Pro ໃຊ້ໜ່ວຍປະມວນຜົນ Kirin 970 ຊ່ວຍກວດຈັບແລະວິເຄາະທີ່ສາກຫລັງກວ່າ 500ແບບ ແລະວັດສະດຸຕ່າງໆ ໄດ້ຮອດ 19ປະເພດ ພ້ອມປັບການຕັ້ງຄ່າຕ່າງໆ ອັດຕະໂນມັດໃຫ້ເໝາະສົມກັບວັດຖຸທີ່ຖ່າຍຫລາຍທີ່ສຸດ ແລະດ້ວຍລະບົບ  HUAWEI AIS ຈະຊ່ວຍຮອງຮັບການຖ່າຍຮູບໃນຊ່ວງເວລາກາງຄືນດ້ວຍການເປີດຮັບແສງດົນ ໂດຍບໍ່ຕ້ອງໃຊ້ຂາຕັ້ງກ້ອງ ຄຸນສົມບັດໃຫມ່ຂອງກ້ອງຈາກຫົວເຫວີຍ ຄືລະບົບການຈັບໂຟກັສຕາມວັດຖຸແບບ 4ມິຕິ  (4D Predictive Focus) ສາມາດຈັບ ແລະຄາດການເຄື່ອນໄຫວຂອງວັດຖຸ ແລະຈັບໂຟກັສໂດຍອັດຕະໂນມັດ ນອກຈາກນີ້ HUAWEI P20 Series ຍັງມີລະບົບ AI-Assisted Composition ຊ່ວຍຈັດອົງປະກອບຮູບພາບໂດຍໃຊ້ AI ແນະນຳເທັກນິກການຈ່າຍພາບກຸ່ມ ແລະທິວທັດຢ່າງຊານສະຫລາດ

ນອກຈາກນີ້ກໍ່ຍັງມີກ້ອງໜ້າ 24ລ້ານພິກເຊວ ມາພ້ອມເທັກໂນໂລຢີ AI ທີ່ຈະຊ່ວຍແຕ່ງພາບໃຫ້ງາມ ແລະເທັກໂນໂລຢີ 3 D Portrait Lighting ຊ່ວຍໃຫ້ຖ່າຍເຊວຟີ້ໄດ້ງາມຢ່າງເປັນທຳມະຊາດ  ເກັບລາຍລະອຽດໄດ້ຢ່າງຄົບຖ້ວນ ແລະຖືກຕ້ອງຕາມອົງປະກອບແບບ 3ມິຕິ ໂດຍ DxOMark ເວັບໄຊອົງກອນທີ່ຈັດອັນດັບຄຸນນະພາບຂອງ

ການຖ່າຍຮູບດ້ວຍສະມາດໂຟນ ໃຫ້ຄະແນນປະສິດທິພາບລວມຂອງກ້ອງ HUAWEI P20 Pro ແລະ Huawei P20 ທີ່ 109 ແລະ 102 ຄະແນນຕາມລຳດັບ ເຊິ່ງຖືວ່າສູງສຸດໃນກຸ່ມສະມາດໂຟນໃນເວລານີ້

ເທົ່ານັ້ນຍັງບໍ່ພໍ Huawei P20Pro ຍັງມາພ້ອມກັບ HiAI Ecosytem ຍົກລະດັບປະສົບການໃຊ້ແອັບພິເຄຊັ່ນຢ່າງ Prisma ລຸ້ນພັດທະນາພິເສດ ຮອງຮັບການໃສ່ຟິວເຕີ້ຮູບແບບ Real time ຕາມວັດຖຸ ແລະສາກຫລັງຂອງຮູບຖ່າຍ ເຊິ່ງປະມວນຜົນໄດ້ໄວກວ່າແອັບພິເຄຊັ່ນລູ້ນປົກກະຕິທີ່ໃຊ້ລະບົບຄລາວມາເຖິງ 3-4ເທົ່າ ແລະດ້ວຍການວິໃຈ ແລະພັດທະນາຮ່ວມກັນກັບ Google ເຮັດໃຫ້  P20 Series ຮອງຮັບ Google ARCore ສະໜັບສະໜູນການເຮັດວຽກຂອງAI ໄດ້ດີຍິ່ງຂຶ້ນນຳອີກ.

ສະຫຼຸບ ສະເປັກຂອງ Huawei P20 Pro

  • ລະບົບປະຕິບັດການ  : Android 8.1 (Oreo) + EMUI 8.1
  • ຂະຫນາດຕົວເຄື່ອງ : ສູງ 155 x ກວ້າງ 73.9 x ບາງ 7.8 ມມ.
  • ນ້ຳຫນັກ : 180 ກຣັມ
  • ຫນ້າຈໍ : OLED ຂະຫນາດ 6.1 ນິ້ວ ຄວາມລະອຽດ FullHD+ ອັດຕາສ່ວນ 18.7:9 ຄອບທັບກະຈົກກໍລີລາ ໂຄ້ງ 2.5D
  • ຫນ່ວຍປະມວນຜົນ: Huawei Kirin 970 ພອ້ມ AI
  • GPU : Mali-G72 MP12
  • RAM : 6GB
  • ROM : 128GB
  • ລະບົບເຊື່ອມຕໍ່ເຄືອຂ່າຍ : Dual 4G VoLTE, WiFi 802.11ac (2.4GHz/5GHz), Bluetooth 4.2 LE, GPS, NFC
  • ຮູບແບບສາຍສາກ USB Type-C
  • ລຳໂພງສະເຕີຣີໂອ ພອ້ມລະບົບສຽງ Dolby Atmos
  • ກອ້ງຫຼັ້ງ : 3 ກອ້ງ Vario Summilux-H Leica ເລນສີ RGB ຄວາມລະອຽດ 40MP,f/1.8 + 20MP,f/1.6 ເລນ ຂາວດຳ, 8MP,f/2.4 ເລນຊູມ  ຂະຫນາດພິກເຊວ 2 ໄມຄອນ(μm) ລະບົບຈັບໂຟກັສ 4 ຈຸດ ສາມາດບັນທຶກ ວີດີໂອ 4K ແລະ ສະໂລໂມຊັ່ນ 960fps
  • ກອ້ງຫນ້າ : ຄວາມລະອຽດ 24 MP ມາພອ້ມ 3D Portrait Lighting
  • ຮອງຮັບສະແກນໃບຫນ້າ ແລະ ເຊັນເຊີ້ສະແກນລາຍນິ້ວມື
  • ກັນນ້ຳ ກັນຝຸ່ນ IP67
  • ແບັດເຕີຣີ່ :  4000mAh ຮອງຮັບ Huawei Super Charge (ສາກ 30 ນາທີ ໄດ້ 58%)

 

ບົດຄວາມໃຫມ່ໆ