ເປີດໂຕແລ້ວກັບ Huawei P30 Pro | P30

ເມື່ອວັນທີ່ 26 ມີນາ 2019 ທີ່ຜ່ານມາ, ທີ່ປາຣີ ປະເທດຝຣັ່ງກຸ່ມທຸລະກິດຜະລິດຕະພັນເພື່ອຜູ້ບໍລິໂພກຂອງບໍລິສັດຫົວເຫວີຍໄດ້ມີການເປີດໂຕ Huawei P30 series ລຸ້ນໃໝ່ລ່າສຸດ ເຊິ່ງການເປີດໂຕຄັ້ງນີ້ໄດ້ນຳສະເໜີສອງລຸ້ນຄື Huawei P30 Pro ແລະ Huawei P30 ເປັນລຸ້ນທີ່ເນັ້ນເລື່ອງການອອກແບບ ແລະ ກ້ອງຖ່າຍພາບທີ່ລ້ໍາສະໄໝ. ໂດຍກອ້ງຖ່າຍພາບແມ່ນໄດ້ມີການພັດທະນາຂຶ້ນມາອີກລະດັບເຊິ່ງມີຄຸນສົມບັດໃໝ່ຫຼາຍດ້ານກັນເລີຍ.

ທ່ານ Richard Yu ປະທານຂອງກຸ່ມທຸລະກິດຜະລິດຕະພັນເພື່ອຜູ້ບໍລິໂພກຂອງບໍລິສັດຫົວເຫວີຍ ກ່າວວ່າ HUAWEI P30 Series ເປັນທີ່ສຸດແຫ່ງນະວັດຕະກໍາອັນເປັນຜົນຈາກການພັດທະນາເທັກໂນໂລຢີກ້ອງຖ່າຍພາບດິຈິຕອລຕະຫຼອດມາ ແລະ ສະມາດໂຟນລຸ້ນໃໝ່ລ່າສຸດຂອງຫົວເຫວີຍຈະສ້າງນິຍາມໃໝ່ຂອງການຖ່າຍພາບເຊັ່ນ ເຊັນເຊີຮັບແສງ HUAWEI Super Spectrum ຫຼື ເທັກໂນໂລຢີເລນ Superzoom ຊ່ວຍໃຫ້ເຮົາກ້າວຂ້າມຂີດຈຳກັດທັງການຖ່າຍພາບ ແລະ ບັນທຶກພາບເຄື່ອນໄຫວເຊິ່ງເປັນຂໍ້ຈໍາກັດທີ່ຍັງບໍ່ເຄີຍມີຜູ້ຜະລິດສະມາດໂຟນລາຍໃດກ້າວຂ້າມໄດ້ມາກ່ອນ. ຫົວເຫວີຍເຊື່ອວ່າສະມາດໂຟນ P30 Series ຈະເປັນຮາກຖານທີ່ສຳຄັນຂອງສະມາດໂຟນລຸ້ນອື່ນໆໃນອະນາຄົດ ໃຫ້ທຸກຄົນສາມາດບັນທຶກພາບຄວາມສວຍງາມຂອງທຸກສິ່ງຮອບໂຕໄດ້ຈາກອຸປະກອນເຄື່ອງນ້ອຍໆໃນມື.

ປ່ຽນກົດເກນການຖ່າຍພາບດ້ວຍສະມາດໂຟນ ໃຫ້ຖ່າຍພາບສວຍງາມດັ່ງມືອາຊີບໄດ້ທຸກຄັ້ງ

HUAWEI P30 Series ຈະປ່ຽນຄວາມຄິດຂອງຜູ້ບໍລິໂພກກ່ຽວກັບການຖ່າຍພາບ ແລະ ຖ່າຍວິດີໂອໂດຍ HUAWEI P30 Pro ໄດ້ຄະແນນສູງສຸດທັງດ້ານການຖ່າຍພາບ ແລະ ວິດີໂອ 112 ຄະແນນຈາກ DxOMark, ລຸ້ນນີ້ມີເລນກ້ອງຫຼັງ 4 ເລນຈາກ Leica ເຊິ່ງໃນຊຸດເລນນັ້ນປະກອບດ້ວຍ ເລນຖ່າຍພາບຫຼັກຄວາມລະອຽດ 40 ລ້ານພິກເຊວທີ່ໃຊ້ເຊັນເຊີຮັບແສງ HUAWEI SuperSpectrum, ເລນ Ultrawide ຄວາມລະອຽດ 20 ລ້ານພິກເຊວ, ເລນຖ່າຍພາບໄລຍະໃກ້ຄວາມລະອຽດ 8 ລ້ານພິກເຊວ ແລະ ກ້ອງສຳລັບວັດໄລຍະວັດຖຸດ້ວຍແສງ (TOF Camera) ສ່ວນກ້ອງໜ້ານັ້ນມີຄວາມລະອຽດ 32 ລ້ານພິກເຊວ ມາພ້ອມ AI HDR+ ຂະໜາດ 1/1.7 ນິ້ວເປັນເຊັນເຊີຮັບແສງຮູບແບບໃໝ່ເຊິ່ງໃຊ້ເຊັນເຊີທີ່ມີການຮຽງຕົວແບບ RYYB ແທນການຮຽງຕົວແບບ RGB ເນື່ອງຈາກຫົວເຫວີຍທົດແທນເຊັນເຊີຮັບແສງສີຂຽວດ້ວຍເຊັນເຊີຮັບແສງສີເຫຼືອງ ຊ່ວຍໃຫ້ຄ່າ IOS ການບັນທຶກພາບສູງເຖິງ 204,800 (ລຸ້ນ P30) ແລະ 409,600 (ລຸ້ນ P30 Pro)

ເລນຊູມ SuperZoom ໃໝ່ຍົກລະດັບການຖ່າຍພາບແບບຊູມແຕ່ຮູບລັກຂອງສະມາດໂຟນຍັງຄົງເບົາບາງ ເລນຊູມລຸ້ນນີ້ຮັບຮອງການຊູມພາຍແບບອອບຕິຄອລໄດ້ 5ເທົ່າໂດຍບໍ່ສົ່ງຜົນຕໍ່ຄຸນະພາບຂອງພາບຖ່າຍ ແລະ ຍັງຮັບຮອງການຊູມແບບໄຮບຣິດໄດ້ 10 ເທົ່າ ແລະ ການຊູມແບບດິຈີຕອລເຖິງ 50 ເທົ່າ, ກ້ອງຖ່າຍພາບໄລຍະໃກ້ສາມາດຫັກເຫແສງໃນມຸມ 90 ອົງສາເພື່ອເພີ່ມໄລຍະໂຟກັສໃຫ້ຍາວຂຶ້ນ ແລະ ບໍ່ເຮັດໃຫ້ໂຕກ້ອງຖ່າຍພາບດ້ານຫຼັງນູນຂຶ້ນມາຫຼາຍເກີນໄປຈົນເບິ່ງບໍ່ງາມ.    

HUAWEI TOF Camera ຫຼື ກ້ອງສຳລັບການວັດໄລຍະວັດຖຸດ້ວຍແສງໃນ HUAWEI P30 Pro ເຕີມເຕັມທຸກໆຈິນຕະນາການດ້ານການຖ່າຍພາບ ໂດຍກ້ອງນີ້ຈະວັດໄລຍະຊັດເລິກຈາກວັດຖຸເຖິງເຊັນເຊີຮັບແສງເພື່ອການຖ່າຍພາບແບບຊັດເລິກທີ່ໄຮ້ທີ່ຕິ ຄຸນສົມບັດດ້ານການວັດໄລຍະວັດຖຸດ້ວຍແສງຊ່ວຍໃຫ້ການຖ່າຍພາບແບບໂບເກ້ໄດ້ຫຼາຍຮູບແບບທັງແບບເນັ້ນສາກຫຼັງ ແລະ ແບບເບີດ້ານຫຼັງໄດ້ໂດຍງ່າຍດາຍ ບໍ່ວ່າຜູ້ໃຊ້ງານຈະຕ້ອງການເນັ້ນວັດຖຸ ຫຼື ສິ່ງໃດໃນພາບ, ນອນນີ້ຍັງມີໂໝດ Super Portrait ເພື່ອການຖ່າຍພາບບຸກຄົນທີ່ມີຄຸນະພາບສູງສຸດໂດຍໂໝດການເຮັດວຽກນີ້ຈະບັນທຶກຄວາມຊັດເລິກ ເພື່ອພາບທີ່ຄົມຊັດ ມີລາຍລະອຽດຄົບ ແລະ ເບີສາກຫຼັງຢ່າງເໝາະສົມ.

ສ້າງສັນນິຍາມໃໝ່ຂອງການຖ່າຍວິດີໂອ

HUAWEI P30 Series ມີຄຸນສົມບັດໃໝ່ຫຼາຍຢ່າງສຳລັບການຖ່າຍວິດີໂອທີ່ມີຄຸນະພາບທຽບເທົ່າກ້ອງຖ່າຍວິດີໂອລະດັບສູງ ຊ່ວຍໃຫ້ການບັນທຶກວິດີໂອດ້ວຍສະມາດໂຟນກ້າວໄປອີກຂັ້ນ ເຊັນເຊີຮັບແສງ HUAWEI SuperSpectrum ສາມາດຊ່ວຍການບັນທຶກວິດີໂອໃນຂະນະທີ່ມີແສງນ້ອຍໄດ້ເພື່ອໃຫ້ໄດ້ພາບທີ່ຄົມຊັດທີ່ສຸດ ນອກຈາກນີ້ ລະບົບປ້ອງກັນພາບສັ່ນໄຫວ AIS ແລະ OIS ຍັງສາມາດຊ່ວຍໃຫ້ວິດີໂອທີ່ໄດ້ມີຄວາມລະອຽດຄົມຊັດ, ສ່ວນເລນ SuperZoom ແມ່ນເພື່ອການຊູມພາບທີ່ດີກວ່າເກົ່າ, ໂໝດ AI Video Editor ຊ່ວຍເລືອກເພງປະກອບ ຫຼື ເອຟເຟັກເພື່ອເພີ່ມຄວາມໜ້າສົນໃຈ. ນອກນັ້ນຫົວເຫວີຍຍັງນໍາສະເໜີເທັກໂນໂລຢີອັນລ້ຳສະໄໝທີ່ສຸດກໍຄື HUAWEI Dual-View Video ເພື່ອຊ່ວຍໃຫ້ຜູ້ໃຊ້ແນ່ໃຈວ່າທຸກເຫດການສໍາຄັນຈະໄດ້ຮັບການບັນທຶກໄວ້ຢ່າງຄົບຖ້ວນທຸກມຸມມອງ ໂດຍຜູ້ໃຊ້ສາມາດໃຊ້ກ້ອງຫຼັງ 2ໂຕ ບັນທຶກວິດີໂອໄດ້ 2ຄິບພ້ອມກັນໂດຍຄວບຄຸມຜ່ານການແບ່ງໜ້າຈໍ ແບບມຸມກວ້າງໄດ້ທາງໜ້າຈໍຂວາ ແລະ ແບບຊູມໄດ້ພ້ອມກັນທາງໜ້າຈໍດ້ານຊ້າຍ ເຮັດໃຫ້ການບັນທຶກທຸກໆເຫດການສົມບູນແບບຍິ່ງຂຶ້ນ.

 

ສືບຕໍ່ການອອກແບບທີ່ເປັນເອກະລັກ

 

ເອກະລັກທີ່ໄດ້ແຮງບັນດານໃຈຈາກທຳມະຊາດບວກກັບເທັກໂນໂລຢີອັນລ້ຳໜ້າໃນການຜະລິດ ເຮັດໃຫ້ HUAWEI P30 Series ມີຮູບລັກ ແລະ ສີສັນທີ່ສວຍງາມ, ການອອກແບບຂອງ HUAWEI P30 Series ສ້າງສັນຂຶ້ນດ້ວຍເທັກນິກການເຮັດສີ Optical Color ຈາກການເຄືອບຜິວແບບນາໂນ 9 ຊັ້ນ ໄດ້ຮັບແຮງບັນດານໃຈມາຈາກສີສັນທີ່ເປັນເອກະລັກ ແລະ ຄວາມງາມບໍລິສຸດຂອງທະເລເກືອ ໂດຍ HUAWEI P30 ມີໜ້າຈໍຂະໜາດ 6.1 ນິ້ວ ແລະ HUAWEI P30 Pro ມີຂະໜາດ 6.47 ນິ້ວ ມີຫຼາຍສີຄື Breathing Crystal, Amber Sunrise, Aurora, Pearl White ແລະ Black,   ໜ້າຈໍຄວາມລະອຽດ FHD+ (2340×1080) ມີຕິ່ງໜ້າຈໍແບບຢົດນ້ຳທີ່ມີຂະໜາດນ້ອຍສຸດ ຊ່ວຍໃຫ້ດ້ານໜ້າເບິ່ງສວຍງາມ ແລະ ໜ້າຈໍເຕັມຕາ ມີການຝັງເຊັນເຊີສະແກນລາຍນິ້ວມື (In-Screen Fingerprint) ເພື່ອຄວາມສະດວກ ແລະ ປອດໄພໃນການປົດລ໋ອກໜ້າຈໍ, HUAWEI P30 Pro ຍັງມີເທັກໂນໂລຢີເພື່ອຄຸນະພາບສຽງທີ່ດີທີ່ສຸດຄືເທັກໂນໂລຢີ HUAWEI Acoustic Display Technology ໃຫ້ສຽງຄຸນະພາບສູງໂດຍໄຮ້ຮູລຳໂພງ.

ທີ່ສຸດແຫ່ງນະວັດຕະກຳ

 

  • HUAWEI P30 ແລະ P30 Pro ມີຄຸນສົມບັດໂດດເດັ່ນຫຼາຍຢ່າງ ລຸ້ນນີ້ໃຊ້ຊິບເຊັດ Kirin 980 ທີ່ຜະລິດໂດຍໃຊ້ສະຖາປັດຕະຍະກຳການຜະລິດແບບ 7 ນາໂນແມັດ ຈຶ່ງມີປະສິດທິພາບສູງ ແລະ ມີອັດຕາການໃຊ້ພະລັງງານຕ່ຳ ນອກຈາກນັ້ນຍັງມີການໃຊ້ຊິບ Dual-NPU ເພື່ອການກວດຈັບວັດຖຸທີ່ໄວກວ່າເກົ່າ
  •  HUAWEI P30 Pro ມາກັບແບັດຕາຣີ 4200mAh ພ້ອມກັບການສາກແບບໄວທີ່ມີກໍາລັງໄຟຟ້າ 40ວັດ ສາມາດສາກແບັດຈາກ 0% ເຖິງ 70% ພາຍໃນເວລາ 30ນາທີ ຊ່ວຍໃຫ້ໃຊ້ງານໄດ້ເກີນ 1 ວັນ ເຖິງວ່າຈະໃຊ້ງານຢ່າງຕໍເນື່ອງ
  • HUAWEI P30 Pro ໃຊ້ລະບົບລະບາຍຄວາມຮ້ອນ Huawei SuperCool ຊ່ວຍໃຫ້ລະບາຍຄວາມຮ້ອນໄດ້ດີ ແລະ ມີປະສິດທິພາບເຖິງວ່າໃຊ້ງານຢ່າງໜັກ
  • HUAWEI P30 Series ທັງສອງລຸ້ນຮອງຮັບຄຸນສົມບັດດ້ານການສື່ສານໄຮ້ສາຍຫຼາຍຮູບແບບ ທັງການໃຊ້ງານ Dual-SIM ແລະ ຮອງຮັບ VoLTE ທັງສອງຊິມ

 

ສຳລັບໃນປະເທດລາວນີ້ໄດ້ມີການເປີດໃຫ້ຈັບຈອງກັນແລ້ວ, ມີທັງໝົດ 3 ລຸ້ນ: Huawei P30 Pro, Huawei P30 ແລະ Huawei P30 Lite ລູກຄ້າສາມາດສັ່ງຈອງໄດ້ທີ່ຮ້ານຄ້າຫົວເຫວີຍທົ່ວປະເທດ ລາຄາເປີດໂຕຢ່າງເປັນທາງການ:

 

Huawei P30 Pro (8GB+256GB) ລາຄາ: 7,690,000 ກີບ

Huawei P30 (8GB+128GB) ລາຄາ: 5,790,000 ກີບ

Huawei P30 Lite (6GB+128GB) ລາຄາ: 2,890,000 ກີບ

 

  • ລາຍລະອຽດການຈອງລຸ້ນ Huawei P30 Pro & P30 (ມີ 2 ສີ: Breathing Crystal ແລະ Aurora)
  • ຈອງມື້ນີ້ ຮັບຟຣີຂອງແຖມສຸດພຣີມ້ຽມ ລວມມູນຄ່າ 900,000 ກີບ

Wireless Charge Power bank 10,000mAh ມູນຄ່າ 500,000 ກີບ

In-Er Bluetooth Stereo ມູນຄ່າ 400,000 ກີບ

  • ກຳນົດວັນທີສັ່ງຈອງ : 27 ມີນາ - 5 ເມສາ 2019
  • ວັນທີຮັບເຄື່ອງ:  ນະຄອນຫຼວງວຽງຈັນ : 6-7 ເມສາ 2019, ຕ່າງແຂວງ: 8-9 ເມສາ 2019
  • ລາຍລະອຽດການຈອງລຸ້ນ Huawei P30 Lite (ມີ 3 ສີ: ສີຟ້ານົກຍຸງ, ສີຂາວ, ສີດຳ)
  • ຈອງມື້ນີ້ ຮັບຟຣີຂອງແຖມສຸດພຣີມ້ຽມ ລວມມູນຄ່າ 600,000 ກີບ

Wireless Bluetooth speaker wroth ມູນຄ່າ 400,000 ກີບ

Hi-end Bluetooth headset ມູນຄ່າ 200,000 ກີບ

  • ກຳນົດວັນທີສັ່ງຈອງ : 27-31 ມີນາ 2019
  • ວັນທີຮັບເຄື່ອງ:   ນະຄອນຫຼວງວຽງຈັນ : 3-4 ເມສາ 2019, ຕ່າງແຂວງ: 5-6 ເມສາ 2019

ສະຫຼຸບສະເປັກຂອງ 3ລຸ້ນ ຈາກ Huawei P30 Series