ເປີດໂຕ!!ຫຼຸຍໃສ່ເບີ 30 ລຸຍທັບສິງເພື່ອແຊມ

 

ດາວິດ ຫຼຸຍ ກອງຫຼັງຫົວຟູ ເຊວຊີ ເລືອກໃສ່ເສື້ອເບີ 30 ຫຼັງຈາກທີ່ຍ້າຍກັບມາຢູ່ກັບທີມອີກເທື່ອໜຶ່ງໃນມື້ປິດຕະຫຼາດ ຂະນະທີ່ ມາກອສ ອາລອນໂຊ ແບັກຊ້າຍເລືອດກະທິງໄດ້ເສື້ອເບີ 3.

 

ເຊວຊີ ສະໂມສອນຍັກໃຫຍ່ຂອງ ພຣີເມຍລີກ ເປີດເຜີຍໝາຍເລກເສື້ອຂອງນັກເຕະໃໝ່ອອກມາເປັນທີ່ຮຽບຮ້ອຍແລ້ວເມື່ອວັນພະຫັດທີ່ຜ່ານມາໂດຍ ດາວິດ ຫຼຸຍ ເຊັນເຕີແບັກທີ່ຫາກໍຍ້າຍກັບມາຈາກ ເປເອັດເຊ ໄດ້ເບີ 30.

 

ຫຼຸຍ ເຄີຍໃສ່ເບີ 4 ຕອນຢູ່ກັບ ເຊວຊີ ຄັ້ງທຳອິດເມື່ອປີ 2011-2014 ແຕ່ຈາກການທີ່ເບີດັ່ງກ່າວປັດຈຸບັນຕົກເປັນຂອງ ເຊສ ຟາເບກັສ ຫ້ອງເຄື່ອງທີມຊາດສະເປນເຮັດໃຫ້ດາວເຕະເລືອດແຊມບາເລືອກໄປໃຊ້ເບີ 30 ແທນ.

 

ຂະນະທີ່ ມາກອສ ອາລອນໂຊ ແບັກຊ້າຍເລືອດກະທິງທີ່ຍ້າຍຈາກ ຟິອໍເລັນຕິນາ ມື້ດຽວກັນນັ້ນເລືອກໃສ່ເສື້ອເບີ 3.