ເປີດແຟັມ miss Lao 2009-2015 ທີ່ບໍ່ມີໃຜເຫັນມາກ່ອນ

ໂຄງການປະກວດນາງສາວລາວທີ່ໄດ້ດຳເນີນມາຕັ້ງແຕ່ປີ 2009 ຈົນມາເຖິງປັດຈຸບັນກໍໄດ້ 8ປີແລ້ວ ກັບການມີນາງສາວທີ່ໄດ້ຄອງມຸງກຸດອັນຊົງກຽດນີ້ເຖິງ 6 ນ້ອງນາງສາວ. ມື້ນີ້ຄິດອອກເລີຍຈະພາໄປຊົມພາບ ປຽບທຽບກັນໃຫ້ເຫັນແຈ້ງໆ ລະຫວ່າງວິນາທີທີ່ມຸງກຸດສວມຫົວກັບປັດຈຸບັນ ແຕ່ລະນ້ອງນາງງາມສະຫງ່າຂຶ້ນຫຼາຍຊ່ຳໃດ????

1. ນາງ ໄພລິນດາ ພິລາວັນ (ກິກ) MISS LAO 2009

ນາງສາວລາວຄົນທຳອິດ ທີ່ໄດ້ຄອງເຖິງສາມຕຳແໜ່ງ ຕອນນີ້ເປັນສາວນັກທຸລະກິດ ແລະຮັບວຽກໃນວົງການບັນເທີງບາງຄັ້ງຄາວ

2. ນາງ ມາໄລທິບ ສິງສາຫະນາດ (ມາໄລ)

ນາງສາວລາວປະຈຳປີ 2010 ປັດຈຸບັນເປັນສາວທະນາຄານເອກະຊົນແຫ່ງໜຶ່ງ

3. ນາງ ທິດາລັດວົງສິຣິ (ລູກນ້ຳ) 

ນາງສາວລາວປະຈຳປີ 2011 ຖືໄດ້ວ່າເປັນນາງສາວລາວທີ່ມີຜົນງງານໃນວົງການບັນເທີງຫຼາຍທີ່ສຸດ ແລະໂດ່ງດັງໄປເຖິງປະເທດເພື່ອນບ້ານ ເປັນທັງນາງແບບ, ພຣີເຊັນເຕີ້ສິນຄ້າ....

4. ນາງ ຄຣິດຕີນ່າ ຣາຊະສິມມາ (ຕິນ່າ)

ນາງສາວລາວໜ້າຝຣັ່ງທີ່ໄດ້ຄອງມຸງກຸດນາງສາວລາວປະຈຳປີ 2012 ປັດຈຸບັນເປັນເປັນພະນັກງານບໍລິສັດເອກະຊົນແຫ່ງໜຶ່ງ ແລະກໍເປັນນາງແບບອີກດ້ວຍ.

5. ນາງ ວິໄລລັກ ຈັນທະວົງ (ນຸ່ຍ)

ທຸບສະຖິຕິ! ສາວໄຊຍະບູລີທີ່ຄອງຕຳແໜງນາງງາມ 4ຕຳແໜ່ງໃນເວທີປະກວດນາງສາວລາວ  2013 ປັດຈຸບັນນ້ອງນຸ້ຍເປັນນັກສຶກສາສາຍແພດ ວ່າທີ່ທ່ານໝໍຄົນງາມໃນອະນາຄົດ.ຼ6. ນາງ ສຸຕິລັກ ອິນທະວົງ (ນົກ)

ນາງສາວລາວຄົນຫຼ້າສຸດປະຈຳປີ 2015 ປັດຈຸບັນນ້ອງເຮັດວຽກຢູ່ທີ່ບໍລິສັດການບິນແຫ່ງໜຶ່ງ ທັງຮຽນຂັບເຄື່ອງບິນນຳອີກ! ນີ້ແຫຼະ ນາງຟ້າຕົວຈິງ

ແລະສຳລັບນາງສາວລາວປະຈຳປີ 2016 ຂະນະນີ້ກຳລັງເລີ່ມທຳການຄັດເລືອກ ຕັ້ງແຕ່ວັນທີ 1ພຶດສະພາ-15ກໍລະກົດ 2016 ຄາດວ່າທ້າຍປີນີ້ເຮົາຈະໄດ້ເຫັນໂສມໜ້າຂອງນາງສາວທີ່ໄດ້ສວມມຸງກຸດອັນເປັນຄວາມຝັນສູງສຸດຂອງສາວໆເກືອບທົ່ວປະເທດ.