ເປີດເຜຍຂໍ້ມູນໃໝ່ ໄທທານິກ ບໍ່ໄດ້ຫຼົ້ມເພາະຊົນພູເຂົານ້ຳກ້ອນພຽງຢ່າງດຽວ!!

ນັກຂ່າວອັງກິນເປີດເຜີຍທິສະດີໃໝ່ ທີ່ເຮັດໃຫ້ເຊື່ອວ່າ ໄທທານິກ ເຮືອທີ່ມີຊື່ສຽງໂດ່ງດັງທົ່ວໂລກ ບໍ່ໄດ້ຫຼົ້ມເພາະຊົນພູເຂົານ້ຳກ້ອນພຽງຢ່າງດຽວເທົ່ານັ້ນ ແຕ່ມີປັດໃຈອື່ນອີກ

ສຳນັກຂ່າວຕ່າງປະເທດລາຍງານວ່າ ເລື່ອງເລົ່າຂອງເຮືອສຳລານຊື່ດັງ ໄທທານິກ ກັບມາໄດ້ຮັບຄວາມສົນໃຈອີກຄັ້ງຫຼັງຈາກກ້າວເຂົ້າສູ່ປີ 2017 ໃກ້ຈະຄົບຮອບ 105 ປີຂອງເຫດການດັ່ງກ່າວ ແຕ່ມີການເປີດເຜີຍຂໍ້ມູນໃໝ່ທີ່ເຊື່ອວ່າການຊົນພູເຂົານຳກ້ອນບໍ່ໄດ້ເປັນປັດໃຈດຍວທີ່ເຮັດໃຫ້ເຮືອຫຼົ້ມ

Senan Molony ນັກຂ່າວຊາວອັງກິດໄດ້ເຮັດການກວດສອບຂໍ້ມູນ ແລະ ສືບສວນວິໃຈເຖິງສາເຫດການຈົມລົງຂອງເຮືອໄທທານິກ ກາຍເປັນສາລະຄະດີຊຸດໃໝ່ທີ່ມີຊື່ວ່າ ໄທທານິກກັບຫຼັກຖານໃໝ່ ເຊິ່ງອອກອາກາດຜ່ານທາງສະຖານີໂທລະພາບ ຊ່ອງ 4 ຂອງອັງກິດ ເມື່ອວັນເສົາທີ່ຜ່ານມາ

ຈາກຂໍ້ມູນໃໝ່ທີ່ຖືກເປີດເຜີຍ ເຮັດໃຫ້ພົບວ່າຂໍ້ສັນນິຖານວ່າເຮືອໄທທານິກຈົມລົງເພາະຊົນກັບພູເຂົານ້ຳກ້ອນ ບໍ່ໄດ້ເປັນປັດໃຈດຽວທີ່ເຮັດໃຫ້ເກີດເຫດການນີ້ຂື້ນ ແຕ່ຍັງມີຄວາມບົກຜ່ອງໃນຫ້ອງອາຍນ້ຳ ທີ່ຢູ່ດ້ານລຸ່ມຂອງເຮືອ ເຊິ່ງຫ້ອງອາຍນ້ຳນີ້ເປັນໜຶ່ງໃນພະລັງງານທີ່ຊ່ວຍຂັບເຄື່ອນເຮືອ ແລະ ກາຍເປັນອີກບັນຫາໃຫຍ່

Senan Molony ເປີດເຜີຍວ່າ ອຸນຫະພູມມີຄວາມຮ້ອນພຸ່ງຂື້ນສູງ ຫຼາຍພາຍໃນທ້ອງເຮືອ ຈາກອາຍນ້ຳທີ່ບໍ່ມີການຄວບຄຸມຂອງເຮືອ ເຮັດໃຫ້ຫຼຸດປະສິດທິພາບໃນການຂັບເຄື່ອນເຮືອ ແລະ ຍັງເຮັດໃຫ້ເຮືອບໍ່ມີຄວາມທົນທານ ຕໍ່ການປະທະກັບພູເຂົານ້ຳກ້ອນ ເຊິ່ງກາຍເປັນອີກຈຸດໜື່ງທີ່ເປະບາງຂອງເຮືອລຳນີ້ໃນຄືນທີ່ເກີດເຫດ ເພະາພາຍໃນເຮືອຮອ້ນຫຼາຍຈົນເກືອບຈະຫຼອມແຫຼວ ແຕ່ພາຍນອກປະເຊິນກັບນ້ຳທະເລທີ່ມີຄວາມເຢັນສູງ
ຈາກປັດໃຈດັ່ງກ່າວ ເຮັດໃຫ້ນັກຂ່າວຊາວອັງກິດຜູ້ນີ້ ບໍ່ເຊື່ອວ່າການຊົນພູເຂານ້ຳແຂງພຽງຢ່າງດຽວ ຈະເຮັດໃຫ້ເຮືອໄທທານິກຈົມລົງໄດ້ Senan Molony ທີ່ໄດ້ເຮັດການຄົ້ນຄວ້າ ແລະ ສືບຫາຂໍ້ມູນກ່ຽວກັບເຮືອໄທທານິກມາຕະຫຼອດ 30 ປີ ທິດສະດີຂອງລາວໄດ້ສອດຄ່ອງກັບຄໍາໃຫ້ການຂອງເຈົ້າໝ້າທີ່ດັບເພີງຂອງເຮືອໄທທານິກ ທີ່ຢືນຢັນວ່າມີເຫດການໄຟໄໝ້ຢູ່ຕະຫຼອດໃນຫ້ອງອາຍນ້ຳຂອງເຮືອ ຕັ້ງແຕ່ວັນທີ່ອອກຈາກອູ່ຕໍ່ເຮືອໄປຫາທ່າເຮືອເຊົາແຮມຕັ້ນ ເພື່ອຈະອອກເດີນທາງສູ່ມະຫາສະໝຸດ ກໍ່ຍັງມີໄຟໄໝ້ຢູ່

ນອກຈາກນີ້ຈາການສອບສວນຄັ້ງນັ້ນຍັງລະບຸວ່າ ກັບຕັນ Edward John Smith ແຫ່ງເຮືອໄທທານິກ ກໍ່ຮູ້ເຖິງຂໍ້ມູນທີ່ເກີດຂຶ້ນໃນຫ້ອງອາຍນ້ຳເປັນຢ່າງດີ ແຕ່ຂໍ້ໃຫ້ປິດຂໍ້ມູນໄວ້ເປັນຄວາມລັບ ເພື່ອຮັກສາບັນຍາກາດໃນການເດີນທາງຄຳສັ່ງເລັ່ງຄວມໄວເຕັມກຳລັງເພື່ອມຸ່ງໜ້າໄປຍັງປາຍທາງຂອງກັບຕັນເອັດເວິດ ອາດຈະເປັນສ່ວນໜຶ່ງທີ່ກະຕຸ້ນໃຫ້ເກີດໄຟໄໝ້ໃນຫ້ອງອາຍນ້ຳຮຸນແຮງຂື້ນ

ເຖິງຢ່າງໃດກໍຕາມ Senan Molony ບໍ່ແມ່ນຄົນທຳອິດທີ່ພົບທິດສະດີດັ່ງກ່າວ ເມື່ອປີ 2008 ນັກວິຊາການ Ray Boston ກໍ່ເຄີຍພົບແນວຄິດທີ່ຄ້າຍໆກັນນີ້ ໂດຍເຊື່ອວ່າເຫດໄຟໄໝ້ໃນຫ້ອງອາຍນ້ຳ ນ່າຈະເປັນອີກປັດໃຈທີ່ເຮັດໃຫ້ເຮືອໄທທານິກ ທີ່ມີຊື່ສຽງຈົມລົງ ບໍ່ແມ່ນພຽງແຕ່ຊົນພູເຂົານ້ຳກ້ອນເທົ່ານັ້ນ