ເປີດປະຫວັດ ແມ່ຍິງເກັ່ງຜູ້ມີອຳນາດສູງສຸດໃນສະພາ ສປປລາວ

ໃນວັນທີ 20ເມສາ2016 ເປັນທີ່ຮູ້ກັນດີແລ້ວວ່າ ຜູ້ທີ່ຈະດຳລົງຕຳແຫນ່ງປະທານສະພາແຫ່ງຊາດ ໄດ້ແກ່ທ່ານນາງປານີຍ່າທໍ່ຕູ້ ເຊິ່ງໄດ້ຮັບການຄັດເລືອກເປັນສະໄຫມທີສອງຕິດຕໍ່ກັນ. ອາດເວົ້າໄດ້ວ່າເປັນແມ່ຍິງລາວຄົນທຳອິດແລະຄົນດຽວທີ່ໄດ້ດຳລົງຕໍາແຫນ່ງສູງສຸດໃນຖັນແຖວວຽກງານການເມືອງ-ການປົກຄອງ. ມື້ນີ້ຄິດອອກຈຶ່ງນຳພາທ່ານໄປຮູ້ຈັກກັບປະຫວັດຂອງແມ່ຍິງເກັ່ງທ່ານນີ້ ທ່ານ​ນາງ ປານີ ຢາ​ທໍ່​ຕູ້ ເກີດວັນທີ 18 ກຸມພາ 1951 ຢູ່ບ້ານສາມແຈ, ເມືອງໜອງແຮດ, ແຂວງຊຽງຂວາງ. ຊົນເຜົ່າມົ້ງ, ປະຈຸບັນ ຢູ່ບ້ານໜອງບົວທອງເໜືອ ເມືອງສີໂຄດຕະບອງ ນະຄອນຫລວງ ວຽງຈັນ. - ລະດັບສຶກສາສາມັນ ມ.6 ລະດັບວິຊາສະເພາະຊັ້ນສູງ, ລະດັບທິດສະດີການເມືອງ ຊັ້ນສູງ. - ວັນເດືອນປີເຂົ້າການປະຕິວັດ 19/05/1976. - ວັນເດືອນປີເຂົ້າພັກ 19/10/1979

• ການເຄື່ອນໄຫວໂດຍຫຍໍ້ໃນແຕ່ລະໄລຍະ - 1959-1970 ເປັນນັກຮຽນສາມັນສຶກສາ.

- 1971- 1975 ເປັນນັກສຶກສາທີ່ ສາທາລະນະລັດ ສັງຄົມນີຍົມ ຫວຽດນາມ.

- 1976-1977 ເປັນຮອງພະແນກງົບປະມານ ຢູ່ທະນາຄານພິເສດນະຄອນຫລວງວຽງຈັນ.

- 1977-1978 ເປັນພະນັກງານຂົນຂວາຍ ຢູ່ນະຄອນຫລວງວຽງຈັນ ແລະ ເປັນຫົວໜ້າ ສູນຝຶກອົບຮົມວິຊາການ ທະນາຄານ ແຫ່ງລັດ.

- 1978-1979 ເປັນຮອງກົມເງິນຕາ.

- 1979-1982 ເປັນຫົວໜ້າເງິນຕາ.

- 1982-1983 ເປັນຫົວໜ້າກົມເສດຖະກິດ ແລະ ແຜນການ.

- 1983-1986 ເປັນຫົວໜ້າກົມລົງທຶນ ກໍ່ສ້າງພື້ນຖານ.

- 1986-1987 ເປັນຮອງຜູ້ວ່າການທະນາຄານ ແຫ່ງ ສປປ ລາວ.

- 1987-1992 ເປັນກຳມະການສຳຮອງສູນກາງພັກ, ຜູ້ວ່າການທະນາຄານ ແຫ່ງ ສປປ ລາວ.

- 1996-1997 ເປັນກຳມະການສູນກາງພັກ, ຜູ້ວ່າການທະນາຄານ ແຫ່ງ ສປປ ລາວ.

- 1997-2001 ເປັນກຳມະການສູນກາງພັກ, ສະມາຊິກສະພາແຫ່ງຊາດຊຸດທີ IV, ກຳມະການຄະນະປະຈຳ, ຜູ້ປະຈຳການ ຄະນະປະຈຳສະພາແຫ່ງຊາດ ແລະ ທັງເປັນຫົວໜ້າຄະນະກຳມະການບັນດາເຜົ່າ.

- 2002-2006 ເປັນກຳມະການສູນກາງພັກ, ສະມາຊິກສະພາແຫ່ງຊາດຊຸດທີ V, ຮອງປະທານສະພາແຫ່ງຊາດ, ກຳມະການຄະນະປະຈຳ, ຜູ້ປະຈຳການຄະນະສະພາແຫ່ງຊາດ.

- 21/3/2006 ກອງປະຊຸມໃຫຍ່ຄັ້ງທີ VIII ຂອງພັກປະຊາຊົນ ປະຕິວັດລາວ ຖືກເລືອກຕັ້ງ ເປັນກຳມະການກົມ ການເມືອງສູນກາງພັກ.

- 2006 – 2010 ເປັນກຳມະການກົມການເມືອງສູນກາງພັກ, ຮອງປະທານສະພາແຫ່ງຊາດ, ຄະນະປະຈຳ ສະພາແຫ່ງຊາດ.

- ໃນວັນທີ 23 ທັນວາ 2010 ໄດ້ຮັບການເລືອກຕັ້ງເປັນປະທານສະພາແຫ່ງຊາດ ​ຊຸດທີ VI.

- 21/3/2011 ກອງປະຊຸມໃຫຍ່ ຄັ້ງທີ IX ຂອງພັກປະຊາຊົນ ປະຕິວັດລາວ ຖືກເລືອກຕັ້ງ ເປັນກຳມະການກົມ ການເມືອງສູນກາງພັກ.

- 15/6/2011 ໃນກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ VII ກໍໄດ້ຮັບການເລືອກຕັ້ງເປັນປະທານສະພາແຫ່ງຊາດ ​ຊຸດທີ VII.

- ຫລ້າສຸດໃນກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີVIII ທ່ານກໍໄດ້ຮັບການຄັດເລືອກໃຫ້ເປັນປະທານສະພາແຫ່ງຊາດ ຖືເປັນສະໄຫມທີ2

ບົດຄວາມໃຫມ່ໆ