ເປັບຍົກໄຊເໜືອອາວສະບວກໃຫ້ບັສຕຸເບີ

 

ເປັບ ກວາດິໂອລາ ນາຍໃຫຍ່ ບາເຢິນ ມິວນິກ ລະບຸຂໍມອບການຊະນະ ອາວສະບວກ ໃຫ້ກັບ ໂຮເກີ ບັສຕຸເບີ ກອງຫຼັງຂອງທີມພ້ອມກັບ “ເສືອ້ໃຕ້” ພົບກັບສະຖານະການທີ່ຍາກລຳບາກກ່ອນດວນກັບ ຢູເວັນຕຸດ ໃນເກມ ແຊມປຽນລີກ ຮອບ 16 ທີມສຸດທ້າຍນັດທໍາອິດ.

 

ເປັບ ກວາດິໂອລາ ນາຍໃຫຍ່ ບາເຢິນ ມິວນິກ ກ່າວວ່າຕົນຂໍອຸທິດການບຸກໄປຊະນະ ອາວສະບວກ ໃນເກມລີກທີ່ຜ່ານມາໃຫ້ກັບ ໂຮເກີ ບັສຕຸເບີ ກອງຫຼັງຂອງທີມທີ່ຫາກໍເຈັບຂໍ່ຕີນຈົນຕ້ອງພັກຍາວ 3 ເດືອນ.

 

ບັສຕຸເບີ ຖືເປັນແນວຮັບລາຍລ່າສຸດຂອງ ບາເຢິນ ທີ່ຖືກອາການບາເຈັບຫຼິ້ນງານຢ່າງຕໍ່ເນື່ອງຕໍ່ຈາກ ຄາບີ ມາຕີເນດ, ເບນາເຕຍ ແລະ ໂບເຕັງ ແຕ່ ບາເຢິນ ກໍຫຼິ້ນໄດ້ຢ່າງດຸດັນຈົນໄດ້ 3 ແຕ້ມໄປ.

 

“ສິ່ງທີ່ເກີດຂຶ້ນກັບ ບັສຕຸເບີ ມັນນັບເປັນຝັນຮ້າຍເຮົາຢູ່ທີ່ນີ້ເພື່ອເຂົາ ແລະ ຮູ້ສຶກຍິນດີກັບເກມນີ້ເພື່ອເຂົາ” ນາຍໃຫຍ່ສະເປນເຜີຍ ໂດຍໃສ່ເສື້ອທີ່ໃຫ້ກຳລັງໃຈ ບັສຕຸເບີຮ່ວມກັບລູກທີມດ້ວຍ.

 

ເປັບ ຍັງຍອມຮັບວ່າທີມຂອງຕົນກຳລັງພົບສະຖານະການທີ່ຍາກລຳບາກກັບການທີ່ແນວຮັບເຈັບກັນເປັນແຖວກ່ອນລົງຫຼິ້ນເກມ ຢູຟາ ຮອບ 16 ທີມສຸດທ້າຍນັດທຳອິດກັບ ຢູເວັນຕຸດ “ມັນບໍ່ແມ່ນສະຖານະການໃນຝັນເລີຍ ເຮົາຕ້ອງພົບກັບໜຶ່ງໃນທີມທີ່ດີທີ່ສຸດຂອງເອີຣົບ”.