ເປັນສິວແຕ່ຢາກໜ້າຂາວໃສຄວນອ່ານ

ທັງຍິງສາວ-ຊາຍໜຸ່ມທີ່ໜ້າເປັນສິວ ແລະ ຍັງໝອງຄ້ຳບໍ່ສົດໃສພຸດຜ່ອງ ແຕ່ຢາກໃຫ້ຜິດໜ້າຂາວໃສ,ສິວຫຼຸດລົງ ມື້ນີ້ແອັດມິນມີ 5 ຂໍ້ມາແນະນຳເພື່ອເຮັດໃຫ້ຜິວໜ້າມີສຸຂະພາບດີຂຶ້ນ ເຊິ່ງຈະເຮັດແນວໃດນັ້ນເຮົາມາອ່ານນຳກັນເລີຍ

1. ຫຼີກລ່ຽງການບີບສິວທີ່ຍັງບໍ່ທັນສຸກດີເພາະນອກຈາກຈະເຮັດໃຫ້ຜິວຊ້ຳແລ້ວຍັງຈະເຮັດໃຫ້ເກີດການອັກເສບ ຈົນເກີດເປັນຮອຍສິວຝັງເລິກຮັກສາຍາກ

2. ຫຼີກລ່ຽງການປະເຊີນໜ້າກັບແສງແດດໂດດກົງ ເພາະແສງແດດຈະເຮັດໃຫ້ຮອຍສິວມີສີເຂັ້ມຂຶ້ນກວ່າເກົ່າ ແລະ 3. ໃບໜ້າຄວນທາກັນແດດທຸກມື້ ແຕ່ຄວນເລືອກຊະນິດທີ່ບໍ່ເຮັດໃຫ້ເກີດຄວາມມັນສ່ວນເກີນ

4. ຢ່າໃຊ້ຄລີມທີ່ມີສ່ວນປະສົມຂອງສານຂັດເຊລຜິວ ມີລິດລະຄາຍເຄືອງເຊັ່ນ AHA ເພາສານພວກນີ້ຈະເຮັດໃຫ້ໜ້າຂາວຂຶ້ນໃນໄລຍະທຳອິດເທົ່ານັ້ນ ແຕ່ຖ້າໃຊ້ດົນໆຈະເຮັດໃຫ້ໜ້າທ່ານບາງ ເມື່ອເລີກໃຊ້ໜ້າກໍ່ຈະເຂົ້າຝ້າ ແລະ ຈະເກີດສິວ

5. ສິ່ງທຳອິດທີ່ທ່ານຄວນເຮັດແມ່ນເລື່ອງຄວາມສຳຄັນຂອງໃບໜ້າຄືການລ້າງເຄື່ອງສຳອາງ ຫຼື ຄຣີມ, ແປ້ງ ແລະ ອື່ນໆທີ່ທາລົງໃບໜ້າອອກໃຫ້ໝົດ ແລະ ສຳລັບຄົນເປັນສິວນັ້ນກໍ່ຕ້ອງເລື່ອງໃຊ້ຜະລິດຕະພັນລ້າງໜ້າສູດອ່ອນໂຍນມາໃຊ້ເພື່ອບໍ່ເຮັດໃຫ້ຜິວລະຄາຍເຄືອງ