ເປັນທາງການ..ມາສເຄຣາໂນຢູ່ກັບບາຊາຮອດປີ 2019

 

ບາເຊໂລນາ ຈະມີ ຮາເວຍ ມາສເຄຣາໂນ ຢູ່ເປັນທາງເລືອກໃນທີມຕໍ່ໄປຈົນຮອດປີ 2019 ຫຼັງຈາກທີ່ນັກເຕະລົງນາມຂະຫຍາຍສັນຍາແລ້ວ ຫຼັງຈາກທີ່ກາຍເປັນຕົວຫຼັກ ແລະ ເຮັດຜົນງານໄດ້ໂດດເດັ່ນຕໍ່ເນື່ອງ ນັບຕັ້ງແຕ່ຍ້າຍມາຈາກ ລີເວີພູ ເມື່ອປີ 2010.

 

ຮາເວຍ ມາສເຄຣາໂນ ກອງຫຼັງຊາວອາເຈັນຕິນາເຊັນຂະຫຍາຍສັນຍາກັບ ບາເຊໂລນາ ມະຫາອຳນາດລູກໜັງຂອງ ລາ ລີກາ ສະເປນອອກໄປຈົນຮອດຈົບລະດູການ 2018-2019 ຮຽບຮ້ອຍແລ້ວເມື່ອວັນຈັນທີ່ຜ່ານມາ.

 

ນັກເຕະຕົກເປັນຂ່າວເຊື່ອມໂຍງກັບເລື່ອງຍ້າຍທີມຢ່າງຕໍ່ເນື່ອງລວມເຖິງມີລາຍງານວ່າໄດ້ຮັບຄວາມສົນໃຈຈາກສະໂມສອນໃນ ໄຊນິສ ຊຸບເປີລີກ ແຕ່ເຂົາມຸ່ງໝັ້ນກັບການຫຼິ້ນກັບ ບາຊາ ຕໍ່ໄປ ຂະນະທີ່ ບາຊາ ຢືນຢັນກ່ອນໜ້ານີ້ວ່າຕົກລົງເລື່ອງສັນຍາໃໝ່ກັບ ມາສເຄຣາໂນ ໄດ້ແລ້ວ ແລະ ຫຼ້າສຸມີລາຍການລົງນາມຢ່າງເປັນທາງການຮຽບຮ້ອຍແລ້ວ.

 

ທັງນີ້ ມາສເຄຣາໂນ ລົງຫຼິ້ນໃຫ້ກັບ ບາເຊໂລນາ ໄປແລ້ວທັງໝົດ 289 ນັດ ແລະ ປະສົບຄວາມສຳເລັດຫຼວງຫຼາຍນັບຕັ້ງແຕ່ຍ້າຍມາຈາກ ລີເວີພູ ເມື່ອຊ່ວງປີ 2010 ໂດຍໄດ້ແຊມ ລາ ລີກາ 4 ສະໄໝ, ໂກປາ ເດີ ເຣ 3 ສະໄໝ, ສະເປນນິດ ຊຸບເປີ ຄັບ 3 ສະໄໝ, ຢູຟາ ແຊມປຽນ ລີກ 2 ສະໄໝ, ຢູຟາ ຊຸບເປີ ຄັບ 2 ສະໄໝ ແລະ ຟີຟາ ຄລັບ ເວິວ ຄັບ 2 ສະໄໝ.

 

ບົດຄວາມໃຫມ່ໆ