ເບິ່ງແຍງສຸຂະພາບໃນຊ່ວງບານໂລກ 2018

ລວມ 7 ວິທີເບິ່ງແຍງສຸຂະພາບສໍາລັບແຟນບານທີ່ນອນເດິກ ເພື່ອຖ້າເຊຍທີມທີ່ມັກໃນບານໂລກ 2018 ເບິ່ງບານແບບມີຄວາມສຸກບໍ່ເສຍສຸຂະພາບ

ເປີດສາກຂື້ນແລ້ວສໍາລັບບານໂລກ 2018 ມະຫາກໍາກິລາສຸດບິ່ງໃຫຍ່ທີ່ໝຸ່ມໆສາວໆຖ້າກັນມາດົນກວ່າ 4ປີ ໂດຍປີນີ້ຈັດຂື້ນທີ່ປະເທດຣັດເຊຍ ຕັ້ງແຕ່ວັນທີ່ 14 ມີຖຸນາ - 15 ກໍລະກົດ ເຊື່ອວ່າແຟນບານທຸກຄົນກຽມຕົວຕິດໜ້າຈໍຖ້າເຊຍທີມທີ່ມັກຈົນວິນາທີສຸດທ້າຍກັນແນ່ນອນ ແຕ່ເນື່ອງຈາກສະຖານທີ່ທີ່ຈັດການແຂ່ງຂັນຢູ່ຄົນລະທະວີບກັບບ້ານເຮົາຈຶ່ງເຮັດໃຫ້ເວລາບໍ່ຕົງກັນບາງຄູ່ອາດຈະເຕະເດິກ ສົ່ງຜົນໃຫ້ຄໍບານພັກຜ່ອນບໍ່ພຽງພໍຕາມໄປນໍາ

ຊຶ່ງການນອນເດິກຫຼາຍມື້ຕິດຕໍ່ກັນຈະສົ່ງຜົນກະທົບຫຼາຍຢ່າງຕໍ່ຮ່າງກາຍ ທັງສະໝອງເບີ ອາການອອ່ນເພຍ ເກີດຄວາມຄຽດສະສົມ ແລະ ຜິວພັນເຊື່ອມໂຊມ ສະນັ້ນທ່ານໃດທີ່ເບິ່ງບານເຕະຈຶ່ງຄວນໃສ່ໃຈເບິ່ງແຍງສຸຂະພາບໃຫ້ຫຼາຍຂື້ນ

ມື້ນີ້ເຮົາມີ 7 ວິທີ ເບິ່ງແຍງສຸຂະພາບ ໃໃນຊ່ວງບານໂລກ 2018 ມາຝາກ ເບິ່ງບານແລ້ວຕ້ອງເບິ່ງແຍງສຸຂະພາບໄປດ້ວຍເຊຍບານມ່ວນ ບໍ່ເສຍສຸຂະພາບແບບນີ້ຈຶ່ງມີຄວາມສຸກ

1.ຢ່າເຜີກິນອາຫານຕອນເດິກໜັກໆ

ແນ່ນອນວ່າເບິ່ງບານເດິກໆມັນຕ້ອງມີອາການຫິວເກີດຂື້ນແນ່ນອນ ຊຶ່ງຖ້າຈະປ່ອຍໃຫ້ທ້ອງຮ້ອງຢູ່ແບບນັ້ນກໍ່ອາດຈະເຮັດໃຫ້ນອນບໍ່ຫຼັບໄດ້ ແຕ່ຖ້າຈະກິນກໍ່ຄວນຫຼີກລ້ຽງອາຫານຈໍາພວກໄຂມັນ ແລະ ເນື້ອສັດ ເພາະຕ້ອງໃຊ້ເວລາໃນການຍ່ອຍດົນ ສົ່ງຜົນໃຫ້່ຮ່າງກາຍເຮັດວຽກໜັກ ຮໍໂມນແປປວນ ແລະ ມີອາການເມື່ອຍອອ່ນເພຍສະສົມຕອນເຊົ້າແນະນໍາໃຫ້ກິນອາຫານຍ່ອຍງ່າຍຫຼສຍປະໂຫຍດ ເຊັ່ນ ຜັກ ໝາກໄມ້ ເຕົ້າຫູ້ ພັນພືດຖົ່ວຕ່າງໆແທນ

2.ທາຄີມບໍາລຸງຖ້າໄວ້ເລີຍ

ທຸກຄົນອາດຈະຮູ້ດີວ່າການນອນເດິກເຮັດໃຫ້ຜິວພັນເຊື່ອມໂຊມ ອອ່ນແອ ແລະ ເປັນສິວໄດ້ງ່າຍສະນັ້ນຕ້ອງປ້ອງກັນໄວ້ແຕ່ເນີ່ນໆ ໂດຍການລ້າງໜ້າໃຫ້ສະອາດ ແລ້ວທາຄີມບໍາລຸງສູດກາງຄືນ ສະກິນແຄຕ່າງໆ ເຂົ້າໄປ ເພື່ອຊ່ວຍໃຫ້ຜິວພັນດູດຊຶມ ແລະ ຊ່ອມແຊມຕົວເອງໃນຂະນະລະຫວ່າງນອນ ເຮັດໃຫ້ຕອນເຊົ້າຜິວຍັງນຸ່ມຊຸ່ມຊື່ນຫຼົງເຫຼືອຢູ ແລະ ງ່າຍຕໍ່ການຟື້ນຟູຜິວ

3.ນອນຢ່າງຕໍ່າ 4 ຊົ່ວໂມງ ແລະ ຢ່າຕື່ນສວຍ

ປົກກະຕິຄົນເຮົານ້ອຍພັກຜ່ອນຢ່າງນ້ອຍ 7-8 ຊົ່ວໂມງຕໍ່ວັນ ແຕ່ໃນກໍລະນີຕ້ອງນອນເດິກກໍ່ຄວນຈັດເວລາໃຫ້ມີເວລານອນຫຼັບຕິດຕໍ່ກັນຢ່າງນ້ອຍ 4ຊົ່ວໂມງ ເພື່ອໃຫ້ລະບົບຕ່າງໆ ຂອງຮ່າງກາຍເຮັດວຽກໄດ້ຢ່າງສຢມບູນ ແລະ ບໍ່ຄວນຊົດເຊີຍຈົນຕື່ນສວຍ ເພາະຈະເຮັດໃຫ້ສະໝອງອອ່ນເພຍ ມີອາການເຊື່ອງຊຶມ ແລະ ຮ່າງກາຍເຮັດວຽກບໍ່ເປັນປົກກຕິ

4.ອອກກໍາລັງກາຍເບົາໆຫລັງຕື່ນນອນ

ການອອກກໍາລັງກາຍເບົາໆ ເຊັ່ນ ແລ່ນຈອກກີ້ງຢູ່ກັບທີ່ ເຕັ້ນເຊືອກ ຫຼື ປັ່ນລົດຖີບ ຈະເຮັດໃຫ້ເລືອດສູບສີດໄປທົ່ວຮ່າງກາຍເຮັດໃຫ້ຮູ້ສຶກດີຂື້ນ ແລະ ທາງທີ່ດີຄວນອອກກໍາລັງກາຍກາງແຈ້ງ ເພື່ອໃຫ້ຮ່າງກາຍໄດ້ສັງເຄາະວິຕາມິນດີຈາກການສໍາຜັດແສງແດດຕອນເຊົ້າ ແລ້ວນໍາໄປກະຕຸ້ນການດູດຊຶມແຄລຊຽມ ຊ່ວຍໃຫ້ກະດູກແຂງແຮງ ແລະ ກະຕຸ້ນລະບົບພູມຄຸ້ມກັນໃນຮ່າງກາຍໃນຊ່ວງທີ່ເຮົາອອ່ນເພຍຈາກການອົດນອນ

5.ກິນອາຫານທີ່ມີປະໂຫຍດ

ເມື່ອສູນເສຍກໍ່ຕ້ອງມີການຟື້ນຟູ ຢ່າປ່ອຍໃຫ້ຊຸດໜັກກ່ວາເດີມ ໂດຍການນອນເດິກຈະເຮັດໃຫ້ສະໝອງອອ່ນເພຍ ຮໍໂມນແປປວນ ແລະ ເກີດຄວາມຄຽດ ວິທີ່ຟື້ນຟູຈາກພາຍໃນທີ່ດີທີ່ສຸດຄືການກິນອາຫານໃຫ້ຄົບ 5 ໝູ່ ແລ້ວເນັ້ນກິນວິຕາມິນດີ ແລີ ຊີທີ່ມີສ່ວນຊ່ວຍບໍາລຸງສະໝອງໃຫ້ຕື່ນຕົວ ຫຼຸດຄວາມຄຽດ ຟື້ນຟູສະພາບຜິວ ແລະ ຢ່າລືມດື່ມນໍ້າຫຼາຍໆເພື່ອໃຫ້ລະບົບຕ່າງໆຂອງຮ່າງກາຍເຮັດວຽກໄດ້ເຕັມປະສິດທິພາບ

6.ດື່ມກາເຟພໍດີເໝາະ

ສານຄາເຟອິນໃນກາເຟຈະຊ່ວຍກະຕຸ້ນລະບົບປະສາດສ່ວນກາງ ຫົວໃຈ ແລະ ກ້າມເນື້ອ ເຮັດໃຫ້ເກີດຄວາມຕື່ນຕົວ ສະໝອງປອດໂປ່ງ ຫຼຸດອາການເມື່ອຍລ້າ ແຕ່ກໍ່ບໍ່ຄວນດື່ມຫຼາຍເກີນໄປ ເພາະຈະເຮັດໃຫ້ຫົວໃຈເຕັ້ນໄວຜິດປົກກະຕິ ຄວາມດັນໂລຫິດ ແລະ ນໍ້າຕານໃນເລືອດສູງຂື້ນ ແນະນໍາໃຫ້ດື່ມພໍປະມານ ມື້ລະ 1-2ຈອກນ້ອຍ ແລະ ບໍ່ຄວນດື່ມຫຼັງຊ່ວງບ່າຍເປັນຕົ້ນໄປ ເພາະຈະເຮັດໃຫ້ນອນບໍ່ຫຼັບຈົນເກີດເປັນຄວາມຄຽດສະສົມ ສ່ວນທ່ານໃດທີ່ບໍ່ດື່ມກາເຟ ໃຫ້ລອງເປັນຊາຮ້ອນ ໂກໂກ້ ຫຼື ຊອກໂກແລດແທນ

7.ງີບຫຼັບສັ້ນໆ

ຫາກມີໂອກາດຫາເວລາງີບຫຼັບສັ້ນໆ ລະຫວ່າງມື້ 15-20 ນາທີ ວິທີ່ນີ້ຈະຊ່ວຍຮຽກຄືນພະລັງງານ ຟື້ນຟູຮ່າງກາຍຈາກການອົດນອນຕອນເດິກໄດ້ ແຕ່ລະວັງເລື່ອງການນອນທີ່ຫຼາຍກ່ວາ 30 ນາທີຂື້ນໄປເພາະອາດຈະເຮັດໃຫ້ເກີດອາການຕື່ນຍາກ ບໍ່ຢາກຕື່ນນອນ

ຮູ້ກັນດີແລ້ວແມ່ນບໍ່ວ່າຄວນເບິ່ງແຍງຕົວເອງແບບໃດແດ່ຫາກຕ້ອງເຊຍບານຄູ່ເດິກ ກໍ່ຢ່າລືມເອົາໄປປັບໃຊ້ກັນນໍາດ້ວຍ ຈະໄດ້ເຊຍບານແບບມີຄວາມສຸກ ແລະ ບໍ່ເສຍສຸຂະພາບນໍາອີກດ້ວຍ