ເບິ່ງເສດຖະກິດໂລກ 2014-2015

ຈາກ​ຄວາມ​ຂັດ​ແຍ່ງ​ທີ່​ເກີດ​ຂຶ້ນ​ໃນ​ໂລກຈົນ​ກາຍເປັນ​ສົງຄາມ​ພາກສ່ວນ ເຊັ່ນ: ຄວາມ​ຂັດ​ແຍ່ງ​ໃນ​ອູ​ແກຣນ ອີ​ຣັກ ຊີ​ຣີ ການ​ປາກົດ​ຕົວ​ຂອງ​ລັດ IS ແລະ ບັນຫາ​ອິ​ສຣາ​ແອນ ກັບ ປາ​ເລັສ​ຕິນ ບວກ​ໃສ່​ພະຍາດ​ລະບາດ​ຮ້າຍ​ແຮງ ອີ​ໂບ​ລາ ຢູ່​ອາ​ຟຣິ​ກາ. ເຫດການ​ກ່າວ​ມາ​ຂ້າງ​ເທິງ​ນັ້ນໄດ້​ສ້າງ​ຜົນ​ກະທົບ​ໃຫ້​ເກີດ​ການເຄື່ອນໄຫວ​ຂອງ​ຕະຫຼາດ​ການ​ລົງທຶນ ແລະ ອັດຕາ​ການ​ແລກປ່ຽນ​ຢ່າງ​ຮ້າຍ​ແຮງເຮັດ​ໃຫ້​ຫຼາຍ​ປະເທດ​ຕ້ອງ​ຕິດຕາມ​ຢ່າງ​ໃກ້ຊິດ​ການ​ປັບ​ນະໂຍບາຍ​ການ​ເງິນ​ຂອງ​ທະນາຄານ​ກາງ​ສະຫະລັດ ອົງການ​ຮ່ວມ​ມື​ທາງ​ເສດຖະກິດ ແລະ ການ​ພັດທະນາກ່າວ​ເຕືອນ​ໃນ​ກາງ​ເດືອນ​ກັນຍາ 2014 ຜ່ານ​ຄໍ​ລຳເສດຖະກິດ​ໂລກຂອງ​ໜັງສືພິມ​ຖານ​ເສດກິດ​ຂອງ​ໄທ ໃນ​ວັນ​ທີ 17/9/2014 ວ່າ:ເສດຖະກິດ​ໂລກ​ຍັງ​ຟື້ນ​ຕົວ​ບໍ່​ເຂັ້ມແຂງ ສະນັ້ນ ຈິ່ງ​ມີ​ຄວາມ​ຈຳເປັນ​ຕ້ອງ​ປັບ​ນະໂຍບາຍ​ຄັ້ງ​ໃຫຍ່ເຊິ່ງ​ເປັນ​ໜັງສືພິມ​ທີ່​ມີ​ຊື່​ສຽງ​ຂອງ​ສະຫະລັດ​ອາ​ເມ​ຣິ​ກາລາຍ​ງານ​ວ່າ: OECD ກ່າວ​ເຕືອນ​ວ່າ ເສດຖະກິດ​ໂລກ​ໃນ​ປີ 2014-2015 ຈະ​ບໍ່​ເຕີບ​ໂຕ​ໄດ້​ຕາມ​ແຜນເນື່ອງ​ມາ​ຈາກ​ຫຼາຍ​ສາເຫດ ໃນ​ນັ້ນ ກຸ່ມ​ຕະຫຼາດ​ຮ່ວມ​ອີ​ຢູ ເປັນ​ຂົງເຂດ​ທີ່​ໜ້າ​ເປັນ​ຫ່ວງເພາະ​ທ່າ​ອຽງ​ການ​ຂະຫຍາຍຕົວ​ທາງ​ເສດຖະກິດ​ຖືກ​ກະທົບ​ຈາກ​ເງິນ​ທີ່​ແຂງ​ຕົວ​ເກີນ​ໄປເຮັດ​ໃຫ້​ກະທົບ​ພາກ​ລາຍ​ຈ່າຍ​ພາຍ​ໃນ ແລະ ການ​ຈ້າງ​ງານອາດ​ສ່ຽງ​ຕໍ່​ສະພາວະ​ເງິນ​ຟືດສ່ວນ​ກຸ່ມ​ມະຫາ​ອຳນາດ​ທາງ​ເສດຖະກິດ G20 G7 ນັ້ນGDP 6 ເດືອນ​ຕົ້ນ​ປີ 2014-2015ຄາດ​ວ່າ​ຈະ​ບໍ່​ໄດ້​ຕາມ​ແຜນເຊັ່ນ: ອາ​ເມ​ຣິ​ກາຈະ​ບັນລຸ​ພຽງ​ແຕ່ 2,1% ເຊິ່ງ​ແຜນ​ແມ່ນ 2,6% EU 0,8% ຕາມ​ແຜນ​ແມ່ນ 1,2%. ສ່ວນ​ກຸ່ມ​ປະເທດ​ເສດຖະກິດ​ໃໝ່ ເຊັ່ນ: ສປ ຈີນ ຄາດ­ໝາຍ 7,4% ອິນ​ເດຍ 5,7% ບຣາ​ຊິນ 0,3% ກໍ່​ຈະ​ບໍ່​ໄດ້​ຕາມ​ແຜນບັນດາ​ທະນາຄານ​ກາງ­ຂອງ​ອາ​ເມ​ຣິ​ກາ (FED) ອັງ­ກິດ B.O.E ທະນາຄານ​ເອີ​ຣົບ E.C.B ກໍ່​ລ້ວນ​ແຕ່​ປັບ​ນະໂຍບາຍ​ໃໝ່ໂດຍ​ຢຸດຕິ​ນະໂຍບາຍ​ການ​ເງິນ​ແບບ​ຜ່ອນຜັນມີ​ແຕ່​ທະນາຄານ​ກາງຂອງ​ຍີ່ປຸ່ນ​ທໍ່​ນັ້ນ (B.O.J) ທີ່​ອອກ​ມາ​ກະ​ຕຸ້ນ​ເສດຖະກິດ. OECD ໄດ້​ແນະນຳ​ໃຫ້​ລັດຖະບານ ບັນດາ​ປະເທດ​ມະຫາ​ອຳນາດ​ເສດຖະກິດດຳເນີນ​ການ​ປະຕິ​ຮູບ​ໂຄງ​ສ້າງ​ທີ່​ຈຳເປັນ​ເພື່ອ​ກະ​ຕຸ້ນ​ການ​ເຕີບ​ໂຕ​ທາງເສດຖະກິດ (GDP) ໃຫ້​ວ່ອງໄວ​ຂຶ້ນ ຫຼື​ ວ່າ​ໃຫ້​ສູງ​ຂຶ້ນເຊັ່ນ​ວ່າ: ເພີ່ມ​ການ​ລົງທຶນ​ໃນ​ໂຄງ​ສ້າງ​ພື້ນຖານ​ໃນ​ສະຫະລັດ​ອາ​ເມ​ຣິ​ກາການຈັດຕັ້ງ​ສະຫະພາບ​ທະນາຄານ​ໃນ​ເອີ​ຣົບຫຼຸດຜ່ອນ​ໂຄງ​ສ້າງ​ພາສີ​ສັບ​ຊ້ອນ​ໃນ​ອິນ​ເດຍ,ບຣາ​ຊິນ ແລະ ພາສີ​ການ​ຈ້າງ​ງານ​ຂອງ​ປະເທດ​ຝຣັ່ງ. ທັງ​ໝົດ​ນັ້ນ​ແມ່ນ​ການ​ເບິ່ງ​ເສດຖະກິດ​ຂອງ​ໂລກ​ໃນ​ສາຍຕາ​ຂອງ​ນັກເສດຖະສາດ​ທຶນ​ນິຍົມສ່ວນ​ເສດຖະກິດ​ເບື້ອງ​ປະເທດ​ພວມ​ພັດທະນາລວມ​ເຖິງ​ບັນດາ​ປະເທດ​ສັງຄົມ​ນິຍົມກໍ່​ເຫັນ​ວ່າ​ຂະຫຍາຍຕົວ​ດີເພາະ​ບໍ່​ຄ່ອຍ​ມີ​ຜົນ​ກະທົບ​ຈາກ​ບັນຫາ​ສົງຄາມ​ພາກສ່ວນ ແລະ ພະຍາດ​ລະບາດ​ແຕ່​ຢ່າງໃດ? ກໍ່​ຄົງ​ໄດ້​ຕິດຕາມ​ເບິ່ງ​ນຳ​ກັນ​ອີກ​ຕໍ່​ໄປ. ............................................................................................................................................................... ທີ່ມາ : Vientiane mai