ເບວ ບອກຟິດເຕັມທີ່ພ້ອມລຸຍເສິກ ເອວ ກລາຊິໂກ້ ກັບ ບາເຊໂລນາ

ແກເຣັດ ເບວ ປີກພັນລ້ານເລືອດ ເວວ ຂອງ ເຣອັນ ມາດຣິດ ຢືນຢັນວ່າ ສະພາບຮ່າງກາຍສົມບູນເຕັມທີ່ ແລະ ພ້ອມຈະເຮັດເສິກ “ເອວ ກລາຊິໂກ” ກັບ ບາເຊໂລນາ ແລ້ວ ໝັ້ນໃຈເກມນີ້ຕ້ອງມັນແນ່ນອນເພາະຫຼິ້ນເກມບຸກທັງສອງທີມ ແລະ ຄືຈະແລກໝັດກັນແບບດຸເດືອດ.

ແກເຣັດ ເບວ ປີກທີມຊາດ ເວວ ຂອງ “ລາຊາຊຸດຂາວ” ເຣອັນ ມາດຣິດ ອອກມາເປີດເຜີຍວ່າ ພ້ອມທີ່ຈະເຮັດເສິກ “ເອວ ກລາຊິໂກ” ກັບ “ເຈົ້າບຸນທຸ່ມ” ບາເຊໂລນາ ທີ່ສະໜາມ ຊານດິເອໂກ້ ເບີນາເບວ ວັນເສົາທີ 21 ພະຈິກນີ້ເຕັມທີ່ຫຼັງຈາກທີ່ໜີຈາກອາການບາດເຈັບອອກມາໄດ້.

ເບວ ມີບັນຫາເຈັບມາຕະຫຼອດ ເຮັດໃຫ້ທັງລະດູການໄດ້ຫຼິ້ນເຕັມທີ່ພຽງແຕ່ 4 ນັດລວມທຸກລາຍການ ນອກຈາກນີ້ຍັງນັ່ງຕັ່ງເບິ່ງໝູ່ຫຼິ້ນໃນເກມທີມຊາດທີ່ ເວວ ເສຍໃຫ້ກັບ ຮອນແລນ ເພື່ອເປັນການປອດໄພໄວ້ກ່ອນແຕ່ໃນເກມ “ເອວ ກລາຊິໂກ້” ນັ້ນ ເບວ ຢືນຢັນວ່າຟິດເຕັມທີ່.

“ຂ້ອຍຮູ້ສຶກດີ ແລະ ຟິດເຕັມທີ່ ຂ້ອຍພ້ອມທີ່ຈະອອກເສິກ ຂ້ອຍຄິດວ່າຄວາມໄວ ແລະ ຄວາມແຂງແກ່ນຂອງຂ້ອຍຈະຊ່ວຍທີມໄດ້ ແລະ ມັນເປັນໂບນັສໃຫ້ທີມມາຕະຫຼອດ ເຮົາແມ່ນສອງທີມໃຫຍ່ຂອງ ສະເປນ ມີຄວາມເປັນສັດຕູກັນສູງຕະຫຼອດຫຼາຍປີທີ່ຜ່ານມາ ແລະ ເຮົາສູ້ຍາດແຊ້ມກັນມາຕະຫຼອດທັງ ລາ ລີກາ, ຢູຟາ ແລະ ລາຍການອື່ນໆອີກ ດ້ວຍຄວາມທີ່ເປັນສຸດຕູກັນ ແລະ ປັດໄຈອື່ນໆເຮັດໃຫ້ເກມນີ້ມີຄວາມກົດດັນສູງຫຼາຍໃນສະໜາມ ເຊິ່ງເຮັດໃຫ້ເກມນີ້ມີເອກະລັກ ແລະ ໜ້າຕື່ນເຕັ້ນ”.

“ເຮົາມີຟອມການຫຼິ້ນທີ່ດີໃນລະດູການນີ້ ເຮົາເສຍພຽງນັດດຽວ ແລະ ເຮົາຍັງສາມາດພັດທະນາຂຶ້ນໄດ້ອີກ ເຮົາຫຼິ້ນໄດ້ດີກວ່ານີ້ ເຮົາດີກວ່ານີ້ໄດ້ ແລະ ຂ້ອຍຫວັງວ່າ ເມື່ອລະດູການໄປ ຟອມການຫຼິ້ນຂອງເຮົາຈະພັດທະນາໄປນຳ ແລະ ພາເຮົາເປັນແຊ້ມລີກໃນທີ່ສຸດ ບາເຊໂລນາ ຈະບໍ່ປ່ຽນຮູບແບບການຫຼິ້ນ ເຮົາກໍຄືກັນ ຂ້ອຍໝັ້ນໃຈວ່າແຟນບານຈະໄດ້ເຫັນເກມບຸກຈາກທັງສອງທີມ”.

....................................................................................................................................................