ເນັ້ນປະຫວັດສາດ ມີພຽງສອງທີມໃນອັງກິດທີ່ ຊາບີ້ ຢາກຮ່ວມທັບ

ອະດີດຈອມທັບຂອງ ບາເຊໂລນາ ເຜີຍວ່າ ມີພຽງແຕ່ສອງທີມເທົ່ານັ້ນໃນອັງກິດທີ່ເຂົາຢາກຍ້າຍໄປຮ່ວມທັບ.

ຊາບີ້ ເອນັນເດສ ກອງກາງໂຕເກົ໋າຂອງ ອັນ ຊາດ ຍອມຮັບວ່າມັກໃນບັນຍາກາດບານເຕະຂອງອັງກິດ ແຕ່ຖ້າຕ້ອງໃຫ້ເລືອກຍ້າຍໄປຫຼິ້ນກໍຈະມີພຽງ ແມນຢູ ແລະ ລິເວີພູ ເທົ່ານັ້ນທີ່ເປັນໂຕເລືອກຂອງເຂົາ.

ອະດີດຈອມທັບທີມຊາດສະເປນເຊິ່ງປັດຈຸບັນຫຼິ້ນຢູ່ໃນລີກ ກາຕ້າ ຍອມຮັບວ່າບານ ພຣີເມຍລີກ ເປັນໜຶ່ງໃນລີກທີ່ໜ້າສົນໃຈທີ່ສຸດໃນໂລກ ແລະ ເຕັມໄປດ້ວຍທີມດີໆຫຼວງຫຼາຍ ແຕ່ ຜີສາດແດງ ແລະ ຫົງແດງ ເປັນສງທີມທີ່ໂດດເດັ່ນກວ່າໃຜໃນດ້ານປະຫວັດສາດ.

“ພຣີເມຍລີກ ມີສະເໜ່ຢ່າງຫຼາຍກັບນັກເຕະທຸກຄົນ ມັນດີເລີດຫຼາຍທັງສະໜາມ, ແຟນບານ ແລະ ຄວາມມັກຮັກໃນເກມກິລາບານເຕະທີ່ນັ້ນ ມັນໜ້າເຫຼືອເຊື່ອແທ້ໆ” ຊາບີ້ ໃຫ້ສໍາພາດກັບສື່ຂ່າວ.

“ມີທີມດີໆຫຼາຍໃນທີ່ນັ້ນທັງ ເຊວຊີ, ແມນຢູ, ແມນ ຊິຕີ້, ອາເຊນ້ອນ, ລິເວີພູ ແຕ່ຖ້າຕ້ອງໃຫ້ຂ້ອຍເລືອກ ຂ້ອຍຈະໄປຢູ່ກັບສະໂມສອນທີ່ປະຫວັດສາດຍິ່ງໃຫຍ່ ອາດຈະເປັນ ແມນຢູ ຫຼື ລິເວີພູ”.

.......................................................................................................................................................................