ເນມາເຜີຍຜີພ້ອມຈີກສັຍາດຶງຕົວຮ່ວມທັບ

 

ສື່ຜູ້ດີເຜີຍຂ່າວ ເນມາ ກອງໜ້າດາວດັງຂອງ ເບເຊໂລນາ ເຊື່ອວ່າ ໂຊເຊ ມູຣິນໂຢ ນາຍໃຫຍ່ຂອງ ແມນ ຢູໄນເຕັດ ພ້ອມທີ່ຈະທຸ່ມເງິນກ້ອນໃຫຍ່ຕາມຈຳນວນຄ່າຈີກສັນຍາທີ່ລະບຸໄວ້ໃນເງື່ອນໄຂດຶງຕົວໄປປະຈຳການເກມບຸກລະດູການໜ້າແຖມຍັງຍິນດີປະເຄນຄ່າເມື່ອຍໃຫ້ຕາມທີ່ຮຽກຮ້ອງແບບບໍ່ມີບັນຫາຫຍັງອີກ.

 

ເນມາ ດາວຍິງເລືອດແຊມບາຂອງ ບາເຊໂລນາ ສະໂມສສອນຍັກໃຫຍ່ຂອງ ລາ ລີກາ ສະເປນບອກກັບໝູ່ວ່າ ແມນເຊສເຕີ ຢູໄນເຕັດ ກຽມທຸ່ມເງິນ 170 ລ້ານປອນຕາມເງື່ອນໄຂຄ່າຈີກສັນຍາທີ່ລະບຸໄວ້ເພື່ອດຶງຕົນໄປຮ່ວມທັບຊ່ວງຊຳເມີນີ້ ຈາກການລາຍງານຂອງ ເດລີ ເຣັກຂອດ ສື່ຂອງອັງກິດເມື່ອວັນພະຫັດທີ່ຜ່ານມາ.

 

ໂຊເຊ ມູຣິນໂຢ ນາຍໃຫຍ່ຂອງ “ຜີສາດແດງ” ຕ້ອງການດຶງກອງໜ້າໃໝ່ເຂົ້າມາເພີ່ມຫຼັງຈາກທີ່ ຊະລາຕັນ ອິບຣາຮິໂມວິດ ຫົວຫອກຂອງທີມຕ້ອງພັກຟື້ນຍາວເນື່ອງຈາກວ່າໄດ້ຮັບບາດເຈັບຮຸນແຮງທີ່ຫົວເຂົ່າ ຂະນະທີ່ລາຍງານລະບຸວ່າສະຕາກອງໜ້າທີມຊາດເບຣຊິນບອກກັບຄົນໃກ້ຊິດວ່າທັງ ແມນຢູ ແລະ ເຊວຊີ ຕາງກໍວາງແຜນດຶງຕົວໄປເສີມເກມບຸກລວມເຖິງບອກອີກວ່າ “ເດິ ສະເປຊຽວ ວັນ” ຍິນດີປະເຄນຄ່າເມື່ອຍໃຫ້ຕາມທີ່ຮຽກຮ້ອງ ແລະ ພ້ອມທຸ່ມເງິນຈີກສັນຍາຕາມວົງເງິນທີ່ຕົນເຊັນໄວ້ກັບ ບາຊາ ອີກດ້ວຍ.

 

ນອກຈາກນັ້ນ ເດລີ ເຣັກຂອດ ຍັງລາຍງານວ່າ ເນມາ ທີ່ຫາກໍເຊັນສັນຍາກັບ ບາຊາ ເພີ່ມ 5 ປີເມື່ອເດືອນຕຸລາທີ່ຜ່ານມາຢາກຫຼິ້ນເປັນຫົວໃຈໃນເກມບຸກຫຼາຍຮ່ວມຫຼິ້ນເປັນ 3 ປະສານກັບ ລີໂອເນວ ເມັສຊີ ແລະ ຫຼຸຍ ຊົວເຣດ.