ເນມາຖືກສັ່ງຂຶ້ນສານຖານໜີພາສີ

 

ສານສະເປນສັ່ງໃຫ້ ເນມາ ມາໃຫ້ປາກຄຳໃນຊັ້ນສານກ່ຽວກັບເລື່ອງທີ່ເຂົາຖືກກ່າວຫາວ່າລ່ຽງພາສີໂດຍທີ່ໄອຍາການໃຫ້ເຂົາມີໂທດຈຳຄຸກ 2 ປີ.

 

ເນມາ ກອງໜ້າແຊມບາຂອງ ບາເຊໂລນາ ສະໂມສອນຍັກໃຫຍ່ຂອງ ລາ ລີກາ ສະເປນຖືກສານຂອງປະເທດສະເປນສັ່ງໃຫ້ເຂົາເຂົ້າມາໃຫ້ປາກຄຳໃນຊັ້ນສານ ຈາກການທີ່ເຂົາຖືກກ່າວຫາວ່າໂກງພາສີ.

 

ດາວເຕະທີມຊາດເບຣຊິນຍ້າຍມາຈາກ ຊານໂຕດ ມາຢູ່ກັບ ບາເຊໂລນາ ດ້ວຍຄ່າຕົວ 48 ລ້ານປອນແຕ່ມີການກ່າວຫາວ່າ ບາຊາ ປົກປິດຄ່າຕົວທີ່ແທ້ຈິງເອົາໄວ້ພ້ອມກັບເຊື່ອກັນວ່າ ບາຊາ ຈ່າຍເງິນໄປເຖິງປະມານ 70 ລ້ານປອນເພື່ອໃຫ້ໄດ້ ເນມາ ມາຮ່ວມທັບ.

 

ທັງນີ້ທາງເຈົ້າໜ້າທີ່ຂອງສະເປນເຊື່ອີກວ່າ ເນມາ ມອບສ່ວນແບ່ງຈາກຄ່າຕົວຂອງເຂົາໃຫ້ກັບຄອບຄົວເຖິງ 33 ລ້ານປອນ ເຊິ່ງນັ້ນເຮັດໃຫ້ພວກເຂົາລົງມາສືບສວນເລື່ອງນີ້ທັນທີ ເຊິ່ງທາງໄອຍາການກໍຢາກໃຫ້ສານລົງໂທດນັກເຕະໂດຍການສັ່ງຈຳຄຸກ 2 ປີພ້ອມກັບໄໝເງິນອີກ 8 ລ້ານປອນ.

 

ຢ່າງໃດກໍຕາມຕໍ່ໃຫ້ສານຈະສັ່ງຈຳຄຸກເຂົາ 2 ປີແຕ່ເຊື່ອກັນວ່າ ເນມາ ກໍຄົງຈະບໍ່ໄປນອນໃນຄຸກຢູ່ດີເພາະປົກກະຕິແລ້ວໂທດດັ່ງກ່າວຈະເປັນການເຮັດທັນບົນຄືກັບກໍລະນີຂອງ ລິໂອເນວ ເມສຊີ ດາວຍິງຂອງ ບາເຊໂລນາ ທີ່ເຄີຍຖືກໂທດຄຸກ 21 ເດືອນຈາກການໂກງພາສີເຊັ່ນກັນ ແຕ່ສຸດທ້າຍກໍເປັນການຕິດທັນບົນໄວ້ກ່ອນ.