ເນມາຖືກຕຳນິເລື່ອງການໃຊ້ທັກສະເໜືອຄູ່ແຂ່ງ

   ກອງກາງຈອມທັບຂອງສະເປນອອກປາກເຕືອນສະມາຊິກລຸ່ນນ້ອງກໍຄື ເນມາໃຫ້ລະວັງເລື່ອງການໃຊ້ທັກສະຄວາມສາມາດສ່ວນໂຕແບບເໜືອຊັ້ນໃສ່ຂູ່ແຂ່ງເພາະເປັນເລື່ອງທີ່ລະອຽດອ່ອນໃນຍູໂຣບ.

   ຊາບີ ເອນັນເດສ ຝາກເຕືອນໄປເຖິງຈອມລີລາກໍຄື ເນມາ ໃນທີມບາເຊໂລນາ ວ່າໃຫ້ລະມັດລະວັງເລື່ອງວັດທະນະທຳທີ່ແຕກຕ່າງລະຫວ່າງຍູໂຣບ ແລະ ບຣາຊິລໃຫ້ດີສຳລັບການຫຼິ້ນແບບເໜືອຊັ້ນກັບຂູ່ຕໍ່ສູ້.ດາວເຕະທີມຊາດບຣາຊິລໄດ້ຕົກເປັນປະເດັນຮ້ອນໃນເກມ ໂກປາ ເດີເລ ນັດຊິງຊະນະເລີດທີ່ໄປໂຊລີລາເໜືອຊັ້ນໃສ່ກອງຫຼັງຂອງ ແອັດແລນຕິກບິເບົາ ຈົນເປັນເຫດໃຫ້ຖືກວິພາກວິຈານຢ່າງໜັກ.

   ຊາບີກ່າວວ່າ"ເນມາຈຳເປັນຕ້ອງຄິດໃຫ້ໜັກກ່ຽວກັບການສະແດງອອກຢ່າງໃດໃຫ້ຄວນ ບາງເທື່ອເລື່ອງດັ່ງກ່າວອາດໄດ້ຮັບການຍອມຮັບໃນບຣາຊິລແຕ່ເປັນເລື່ອງທີ່ລະອຽດອ່ອນໃນສະເປນ"

"ເຂົາຄວນມີປະຕິກິລິຍາໃນເລື່ອງນີ້ເພາະເຂົາເປັນນັກເຕະທີ່ພິເສດ ເຂົາເຮັດວຽກຢ່າງໜັກ ແລະ ເປັນຄົນທີ່ຖ່ອມໂຕແຕ່ເພາະເຂົາມີທັດສະນະຄະຕິແບບບຣາຊິລແບບນັ້ນທີ່ຄິດວ່າເລື່ອງແບບນີ້ເປັນສ່ວນໜື່ງຂອງການໂຊທັກສະແຕ່ທີ່ສະເປນພວກເຂົາເບິ່ງວ່າມັນເປັນເລື່ອງຂອງການທີ່ບໍ່ເຄົາລົບກັນ"

-------------------------------------

ທີມາ : goal.com